جىر ارقاۋى – مەرەيلى مەرەكە

وسىدان 20 جىل بۇرىن ەگەمەن ەل اتانىپ, تاۋەلسىزدىككە قول جەتكىزىپ جاتقان شاقتا سەمەيدە ايتىس اقىندارىنىڭ مەكتەبى اشىلعان-تىن. ول ەسىمى ەلگە بەلگىلى ايتىسكەر اقىن ءدا­مەش ومارباەۆانىڭ زور قاجىر- قايراتى ناتيجەسىندە مۇمكىن بولعان ەدى. د.ومارباەۆا وعان كۇنى بۇگىنگە دەيىن بىلىكتىلىكپەن باسشىلىق جاساپ كەلەدى. جەرگىلىكتى باسشىلىق تا ايتىسكەر اقىندار مەكتەبىن بيۋدجەت ەسەبىنەن قارجىلاندىرىپ, قولدان كەل­گەندەرىنشە قامقورلىق تانى­تۋدا. وسىنداي ەكى جاقتى قامقور­لىق ناتيجەسىندە وتكەن جيىرما جىل ىشىندە اتالعان مەكتەپتەن ءبۇ­گىندە ەسىمدەرى ايتىس جاناشىر­لارىنا كەڭىنەن تانىمال سارا توقتامىسوۆا, رينات زايتوۆ, قار­لىعاش اۋباكىروۆا, نۇرجان ءومىر­باەۆ سىندى نەبىر الامان جارىستا توپ جارعان ايتىسكەر اقىندار ءوسىپ شىقتى. مۇندا «ناۋرىز ناقىشتارى» دەگەن تاقىرىپپەن جىل سايىن قالالىق جاس اقىندار ايتىسىن وتكىزۋ داستۇرگە اينالعان. بيىل­عى مەرەكەلى جىلى قايتا ءجون­دەۋ­دەن ءوتىپ قاتارعا قوسىلعان قالا­لىق مادەنيەت سارايىندا وتكەن سول ءداستۇرلى ايتىس بۇل جولى ەل تاۋەلسىزدىگىنىڭ 20 جىلدىعىنا ارنالدى. جاس اقىندار سايىسىن كىرىسپە ءسوز سويلەپ اشقان وب­لىس­تىق ىشكى ساياسات دەپارتامەنتىنىڭ باستىعى ومار جاقسىلىق پەن سەمەي قالالىق مادەنيەت جانە تىلدەردى دامىتۋ ءبولىمىنىڭ باستىعى قۇسميليا جىرعال ۇلى ولارعا جىر دوداسىندا ساتتىلىك تىلەدى. بۇدان كەيىن جاس اقىندار تاۋەل­سىزدىككە قول جەتكىزگەننەن بەرگى جەردەگى ەل جەتىستىكتەرىن, كەشە عانا وتكەن پرەزيدەنتتىك ساي­لاۋ­داعى ەل ۇيىمشىلدىعىن جىر­لاۋمەن بىرگە, ناۋرىز, ءماڭ­گى جاستىق, كوكتەم تاقىرىبىن دا ۇمىت قالدىرمادى. سايىس قورىتىندىسىندا باس جۇلدەنى سەمەي مەملەكەتتىك پەداگوگيكا ينستيتۋتىنىڭ ستۋدەنتى اردابەك اقبالا ۇلى يەلەنسە, ءبىرىنشى ورىندى قا­لاداعى №26 ورتا مەكتەپتىڭ 11-سىنىپ وقۋشىسى نۇرلان بەكتىباەۆ جەڭىپ الدى. د.ومارباەۆا ەندى وبلىس وقۋ­شىلارى اراسىندا ايتىس ءوت­كى­زەمىن دەپ وتىر. وندا دا باستى تاقىرىپ ەل تاۋەلسىزدىگى بولماق. داۋلەت سەيسەن ۇلى. سەمەي.