ىنتىماقتاستىق تەرەڭدەي تۇسەدى

كەشە اقوردادا مەملەكەت باسشىسى نۇرسۇلتان نازارباەۆ مالايزيانىڭ سىرتقى ىستەر ءمينيسترى داتو شري انيفا اماندى قابىلدادى. قابىلداۋدا ەكىجاقتى ىنتىماقتاستىق ماسەلەسى تالقىلاندى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى. – ءبىرىنشى كەزەكتە, مەن پرەزيدەنتكە مالايزيا پرەمەر-مي­نيس­ترىنىڭ نۇرسۇلتان نازار­باەۆ­تى تاياۋداعى پرەزيدەنتتىك ساي­لاۋداعى تاماشا جەڭىسىنە وراي شىن جۇرەكتى قۇتتىقتاۋىن تاپ­سىر­دىم, – دەدى مينيستر جۋرناليستەرگە بەرگەن سۇحباتىندا. –  بۇل جەڭىس – قازاقستان حالقىنىڭ ءوز پرەزيدەنتىنە دەگەن جوعارى سەنىمىنىڭ كورىنىسى. ءبىز قازاق­ستان­نىڭ وتە قىسقا مەرزىمدە قول جەتكىزگەن جەتىستىكتەرىنە تاڭدانىس­پەن قارايمىز. قازاقستان تاۋەل­سىز­دىگىنىڭ 20 جىلدىعىن مەرەكەلەۋ اياسىندا ءبىز دە ءوز تاراپى­مىز­دان وسى مەرەكەنى اتاپ وتۋگە دايىنبىز. وسى 20 جىلدا سىزدەر جەتكەن جەتىستىكتەرگە قۋانىش­تى­مىز. كەزدەسۋ كەزىندە ءبىز, اسىرەسە, ساۋدا جانە ينۆەستيتسيا سالا­سىن­داعى ىنتىماقتاستىقتى ودان ءارى نىعايتۋ ماسەلەسىن تالقىلادىق. ن.نازارباەۆ مالايزيالىق كوم­پانيالاردى قازاقستان نارى­عىنا كىرۋگە, ەلدى دامىتۋعا قاتىسۋعا شاقىردى, – دەدى ول. – مەن قازاقستان مەن مالايزيا اراسىنداعى قارىم-قاتىناستار كەلەشەكتە دە دامي بەرەتىنىنە سەنەمىن. مالايزيادا وقىپ جاتقان 2000-عا جۋىق قازاقستاندىق ستۋدەنتتەر ءبىزدىڭ قارىم-قاتىناس­تارىمىزدى ودان ءارى نىعايتا ءتۇ­سەتىن بولادى. قازاقستان پرەزيدەنتىمەن جانە ۇكىمەتىمەن ءارى قاراي جۇمىس ىستەپ, تاجىريبە الماسىپ, ورتاق ماقساتتارعا قول جەتكىزگىمىز كەلەدى. قازاقستان يكۇ-نىڭ توراعاسى رەتىندە دانا كوش­باسشىلىعىن تانىتاتىنىنا سەنەمىن. وتكەن جىلى ەقىۇ-عا توراعا بولعانىنداي, يكۇ-نىڭ توراعاسى رەتىندە دە قازاقستاندا باتىس پەن شىعىس اراسىنداعى قارىم-قاتىناستاردى نىعايتۋدا ۇلكەن مۇمكىندىكتەر بار.