ەرلىك ەشقاشان ۇمىتىلمايدى

جەڭىس كۇنى قارساڭىندا «ماڭ­عىستاۋمۇنايگاز» اق ۇلى وتان سوعىسى جانە تىل ارداگەرلەرىنە 150 000 تەڭگەدەن تارتۋ تارتتى. قالىپتاسقان ءداستۇر بويىنشا جەڭىس كۇنىنە ارنالعان مەرەكەلىك شارالار ماڭگىلىك الاۋعا گۇل شوق­تارىن قويۋدان باستالدى. «ماڭ­عىستاۋ­مۇ­ناي­گاز» باسشىلىعى مەن قىز­مەت­كەر­لەرى, ۇلى وتان سوعىسى جانە ەڭبەك ارداگەرلەرى وتان ءۇشىن جان اياماي كۇ­رەسىپ, مايداندا قازا بولعان بابا­لارى­مىزدى ءبىر مينوتتىك ۇنسىزدىكپەن ەسكە الىپ, ەسكەرتكىشكە گۇل شوق­تارىن قويدى. مۇنان ءارى اقساقالداردى قالا­لىق مەيرامحانالاردىڭ بىرىندە جايىلعان داستارقان كۇتىپ تۇردى. ۇلى وتان سوعىسى جانە تىل ارداگەرلەرىن ۇلى جەڭىس كۇنىمەن قۇ­تتىقتاي وتىرىپ, «ماڭعىس­تاۋ­مۇ­نايگاز» اق باس ديرەك­تورى اسەت ماعاۋوۆ ولاردىڭ جان­كەشتى ەرلىكتەرى ەشقاشان ۇمىتىل­مايتىنىن اتاپ ءوتىپ بىلاي دەدى: – سىزدەر بۇگىنگى ۇرپاقتى جاۋ تەپ­كى­­سى­نەن ساقتاپ قالدىڭىزدار, بەيبىت كۇن­دە دە قاجىرلى ەڭبەك ەتتىڭىزدەر, ماڭ­عىستاۋ وبلىسىنىڭ قۇرىلۋى مەن دامۋى جولىندا دا وراسان زور ۇلەس قوس­تىڭىزدار. سىزدەرگە العىسىمىز شەكسىز. بۇل كۇنى ارداگەرلەرگە يگى تىلەكتەر مەن جىلى سوزدەر ايتىلدى. سونداي-اق, تىل ارداگەرلەرىن باس ديرەكتوردىڭ ءبىرىنشى ورىنباسارى سۋن سينيۋن قۇت­تىق­تادى, جانە كۇنى كەشەگە دەيىن «ماڭ­عىستاۋمۇنايگاز» اق-تى باسقا­رىپ كەلگەن, قازىر «قازمۇ­نايگاز» ۇك» اق بارلاۋ جانە ءوندىرۋ ءجونىن­دەگى باسقارۋشى دي­رەكتورى ا.اي­دارباەۆتىڭ جاقسى تىلەككە تولى جولداعان جەدەلحاتى وقىلدى. «ماڭعىستاۋمۇنايگاز» اق ەسەبىندە تۇر­عان 88 ۇلى وتان سوعىسىنىڭ جانە تىل ارداگەرلەرىنە – ارقاي­سىسى­نا 150 000 تەڭگەدەن ماتەريالدىق كومەك كورسەتىلدى. ءوز كەزەگىندە, تىل ارداگەرلەرىنىڭ اتىنان ءسوز العان ۇوس ارداگەرى, ءى دارە­جەلى وتان سوعىسى وردەنىنىڭ يەگەرى, جەر قويناۋىن بارلاۋدىڭ ءۇز­دىگى, تەڭگە ءجا­نە سولتۇستىك بو­زا­شى مۇناي كەن ورىن­دارىن العاشقى اشۋشى, كسرو مەملەكەتتىك سىيلى­عىنىڭ لاۋرەاتى ۆيكتور نەچاەۆ «ماڭعىستاۋمۇنايگاز» اق ۇجىمى­نا كورسەتكەن قۇرمەتتەرى مەن قام­قور­لىقتارى ءۇشىن العىسىن ءبىلدىردى: – كومپانيانىڭ ءبىزدى ۇمىتپاي اركەز ەسكە الىپ جۇرەتىنى قۋانتادى, تەك جەڭىس كۇنى عانا ەمەس, ۇنەمى قولداۋ كورسەتىپ وتىرادى. «ماڭعىستاۋ­مۇناي­گاز» اق ودان ءارى ءوسىپ-وركەندەپ, دامي ءتۇسسىن دەپ تىلەك بىلدىرەمىز, ال مايدانگەرلەر مەن تىل ارداگەرلەرىنە مىقتى دەنساۋلىق پەن جاقسىلىق تىلەيمىن! ءبىر ميلليون سەگىز ءجۇز مىڭ قازاقستاندىق وتكەن عاسىردىڭ ەڭ زۇلمات شايقاسىنا قاتىسىپ, كوزسىز ەرلىك تانىتتى. وسى ايتۋلى كۇنى بارلىق ارداگەرلەردى شىن جۇرەكتەن قۇتتىقتاپ, زور دەنساۋلىق تىلەيمىز! «ماڭعىستاۋمۇنايگاز» اق ءباسپاسوز قىزمەتى.