تالانتتىلار مەن تالاپتىلار

استانادا تاۋەلسىزدىكتىڭ 20 جىل­دىعىنا ارنالعان ء«بىز – تاۋەل­سىز ەلدىڭ دارىندى ۇرپاق­تارى­مىز» اتتى دەلفيلىك ويىن­دار ءوز مارەسىنە جەتتى. قازىرگى كەزدە ۇلتتىق دەلفيلىك ويىندار كوپتەگەن ەلدەردە وت­كىزىلىپ كەلەدى. قازاقستاندا ويىن­دار العاش رەت 2006 جىلى استانا قالاسىندا ءوتتى. سودان بەرى جىل سايىن ءبىلىم جانە عىلىم مي­نيسترلىگىنىڭ قولداۋىمەن رەس­پۋب­ليكانىڭ ءار وبلىستارىندا وسى ويىندار وتكىزىلۋدە. ويىنداردىڭ باستى ماقساتى – جاس تالانتقا بارىنشا قولداۋ كورسەتۋ, ولاردى وزگە جانە ءوز حال­قىنىڭ مادەني مۇرالارىن, قۇن­دى­لىقتارىن باعالاۋعا شاقىرۋ, دەلفيلىك ويىنداردىڭ ءوسىپ ور­كەندەۋىنە, قازاق مادەنيەتىن الەم­دىك دەڭگەيدەگى بيىك بەلەستەردەن كورسەتۋگە اتسالىسۋ. ەرەجەگە سايكەس, جاستار ارا­سىنداعى باسەكەلەستىككە وراي, ءبىر نوميناتسياعا ەكى نەمەسە ءۇش ءوتى­نىش كەلىپ تۇسپەگەن جاعدايدا ول نوميناتسيا سايىستان شىعىپ قا­لا­دى. بيىل استانا قالاسى اكىم­دىگى ىشكى ساياسات باسقارماسىنىڭ قولداۋى­مەن ۇلتتىق دەلفيلىك ويىندار وسى­مەن ەكىنشى رەت وت­كىزىلىپ وتىر. وعان 12 نوميناتسيا بويىنشا 300-دەن استام سايىسكەر قاتىسى. ول نوميناتسيالار فورتەپيانو, سكريپ­كا, اكا­دە­ميالىق ءان سالۋ, ەسترادا­لىق ءان سالۋ, حالىق ءبيى, قازىرگى زامان ءبيى, اككوردەون, بايان, سونداي-اق قازاق­تىڭ ۇلتتىق اسپاپتارى, اتاپ ايت­قاندا, دوم­بىرا, قوبىز, جەتىگەن جا­نە فوتوسۋرەت, بەينەلەۋ ونەرى بو­يىن­شا جۇزەگە استى. سايىسكەرلەردىڭ ونەرىن ءار­تۇرلى نوميناتسيالار بويىنشا وتىزدان اسا ادىلقازىلار مۇشەسى باعالادى. ادىلقازى مۇشە­لەرى­نىڭ شەشىمىمەن 140 جۋىق سايىس­كەر­لەر ۇلكەن جانە كىشى توپتار بو­يىنشا التىن, كۇمىس جانە قولا مەدالدارمەن ماراپات­تال­دى. حا­لىق اندەرى نوميناتسياسى بويىن­شا ادىلقازىلار مۇشەسى قاپاش قۇ­لىش: «سايىسقا كىشى توپ بو­يىنشا 10 مەن 16 جاس ارالى­عىنداعى بالالار مەن 16 مەن 20 جاس ارالىعىنداعى جاس­وس­پىرىمدەر قاتىستى. قاتىسۋشى بالالاردىڭ بويىنداعى تالانت پەن تالاپ, كوزدەرىندەگى ۇشقىن­دارى الداعى ۋاقىتتا ودان ءارى بيىك بەلەستەرگە جەتەلەيدى دەپ سانايمىن. اسىرەسە, 10 جاستاعى بالالارىمىز دوم­بى­راسىن الىپ, ءان سالعاندا بو­يىما ەرەكشە كۇش ورناعانداي اسەرلەن­دىم. وسىن­داي ءىزباسارلارىمىزدىڭ بارىنا قۋانىشتىمىن», – دەپ ءوز ويى­مەن ءبولىستى. جۇلدىز ءبايدىلدا.