الماتىداعى الاپات

سەيسەنبىنىڭ كەشىندە الماتى تابيعاتى تاعى دا توسىن مىنەز تانىتتى. بۇرشاق ارالاس جاڭ­بىر­دىڭ سوڭى دۇلەي داۋىلعا ۇلاسىپ, كەي اۋدانداردا تالدار قۇلاپ, ەلەكتر جەلىلەرى ءۇزىلدى. مەدەۋ, شىمبۇلاق دەمالىس ورىندارىنا اپاراتىن قاسقا جولدىڭ بويىن­داعى ءجۇز جىلدىق اعاشتار وپى­رى­لىپ, سونىڭ سالدارىنان ءبىر قىز اۋىر جاراقات الدى, ءبىر جىگىت ومىرىمەن قوشتاستى. قاتتى داۋىلدان قالا شەتىندەگى اۋداندار مەن وبلىس ايماعى زارداپ شەكتى. الماتى قالالىق تابي­عي رەسۋرستاردى باقىلاۋ ءبولىمى ماماندارىنىڭ ايتۋىنشا, داۋىل كەزىندە الماتى قالاسىندا 174 ءتۇپ, مەدەۋ-شىمبۇلاق باعىتىندا 500 ءتۇپ, ال مەدەۋ جانە ىلە-الاتاۋ ۇلتتىق ساياباعىندا 6 مىڭ ءتۇپ اعاش وپىرىلىپ قۇلاعان. تاراز قا­لاسىنىڭ تۇرعىنى مەن ونىڭ قۇر­بىسى ورنالاسقان شاتىردى اعاش باسىپ قالىپ, ءبىر ادام جا­زىم بول­دى. قالالىق قۇتقارۋ قىزمەتىنىڭ ماماندارى تۇيىقسۋ شاتقالىندا دەمالىپ جاتقان 4 رەسەي ازاماتىن قاۋىپسىز ايماققا شىعارعان. باسقا زيان شەككەن ادام جوق. الماتى قالالىق گيدرومەتەوور­تا­لىعىنىڭ باستىعى قۋانىشبەك بايا­دىلوۆتىڭ ايتۋىنشا, اتالمىش ور­تالىق الدىن-الا سول كۇنگى جەل­دىڭ ەكپىنىن سەكونتىنە 13 مەتر دەپ جوبالاعان. الايدا, ارنايى قۇرىل­عى­لاردىڭ كورسەتۋى بويىنشا جەل­دىڭ جىلدامدىعى سەكونتىنە 14 مەتر­دەن اسىپ كەتكەن. بۇل قاۋىپ تۋدى­راتىن دەڭگەيدەن جوعارى كورسەتكىش دەگەندى بىلدىرەدى. ءبىر ايتا كەتەتىن ءجايت, الماتىدا كوكتەمگى قۋراعان اعاشتاردى وتاۋ ءىسى جۇرگىزىلىپ, قاي­تا ۇلكەن اپاتتىڭ الدىن وراپ ءۇل­گەرىپپىز. ايتپەسە, ون مىڭنان اسا قۇلاعالى تۇرعان اعاشتاردى ۋاق­تىلى كەسىپ تاستاماسا, ناتيجەسى تىم الاڭداتارلىق بولار ەدى. داۋىل سالدارىنان قالادا 20 گاز قۇبىرىنىڭ زاقىمدالۋ وقي­عاسى, 31 ەلەكتر جۇيەسىنىڭ ءۇزىلۋ فاكتىسى تىركەلگەن. قالالىق اكىم­دىك اپتا سو­ڭىنا دەيىن قالا ىشىندەگى جانە جاپسارلاس اۋداندارداعى جول بويىندا قۇ­لاعان اعاشتاردى تازارتىپ, قا­لىپ­تى جاع­دايدى ورناتامىز دەپ وتىر. قانات ەسكەندىر, جۋرناليست. الماتى.