ارىپتەستىككە قوستاراپتى مۇددەلىلىك

اقوردادا مەملەكەتتىك حاتشى قانات ساۋداباەۆ مالاي­زيانىڭ سىرتقى ىستەر ءمينيسترى داتو سري انيفا امانمەن كەزدەستى. كەزدەسۋ بارىسىندا قوس مەملەكەت اراسىنداعى ارىپتەستىك بايلانىستى, سونى­مەن قاتار, حالىقارالىق ولشەمدە دە ءوزارا ىن­تى­ماقتاستىقتى تۇراقتى دامىتۋ ماسەلەسى ءسوز بولدى. ەكى ەل اراسىنداعى باي­لا­نىس جوعارى دەڭگەيدە دا­مىپ كەلەدى. ءبىز مالايزيا جاعىنىڭ بيىلعى جىلى استانا قالاسىندا بۇكىل­الەم­دىك يسلام بانكىنىڭ 7-ءشى ەكو­نوميكالىق فورۋمىن وتكىزۋ, قا­زاقستاننىڭ قاۋىپسىزدىك ءما­سەلەسى بويىنشا اسەان ءوڭىر­لىك فو­رۋ­مى­نا مۇشە بو­لىپ قابىلدانۋ تۋرالى ەلى­مىزدىڭ باستاماسىن قول­داعا­نىن جوعارى باعالايمىز. قا­زاق­ستان بۇكىلالەمدىك يسلام كون­فەرەنتسياسىنا ءتور­اعا­لىعى كەزىندە دە وسىنداي بەلسەندىلىك تانى­تا­دى دەگەن ۇمىتتەمىز. سونىمەن قاتار, ءبىز مالايزيالىق كومپا­نيا­لاردىڭ قازاقستانداعى ين­دۋس­­تريا­لىق-يننوۆاتسيالىق باعدارلا­مانى جۇزەگە اسى­رۋ­عا قاتىسۋ بوي­ىنشا جۇ­مىس­تارىنا قولداۋ بىلدىرەمىز. بۇعان قوسا, ءسىز ءبىزدىڭ ادەمى قالامىزدى ارالاپ, كوردىڭىز عوي دەپ ويلايمىن, دەپ اتاپ ءوتتى قانات ساۋداباەۆ. مالايزيانىڭ سىرتقى ىستەر ءمينيسترى داتو سري انيفا امان ءوزىنىڭ سوزىندە پرەزيدەنت نۇرسۇل­تان نا­زار­باەۆتىڭ كورەگەن باس­شى­لىعى مەن قۋاتتى ەرىك-جىگەرى ارقاسىندا قازاقستاننىڭ ەكونو­مي­كالىق قارىشتاۋى­نىڭ نىش­ا­نى بولىپ وتىر­عان جاڭا ەلوردا – استاناعا دەگەن تاڭقالىسىن جا­سىر­مادى. مالايزيا بولاشاقتا دا قازاقستانمەن اراداعى ىسكەرلىك بايلانىستارىن ودان ءارى اۋقىم­دى تۇرعىدا دا­مىتۋعا دايىن, دەدى داتو سري انيفا امان. ءلايلا ەدىلقىزى.