مالايزيالىق مينيسترمەن اڭگىمە

كەشە قازاقستان رەسپۋبليكاسى­نىڭ سىرتقى ىستەر ءمينيسترى ەرجان قازىحانوۆ ءبىزدىڭ ەلگە العاش رەت رەسمي ساپارمەن كەلگەن ءوزىنىڭ مالاي­زيا­لىق ارىپتەسى داتو شري انيفا امانمەن كەزدەسۋ وتكىزدى, دەپ حابارلادى قر ءسىم-ءىنىڭ ءباسپاسوز قىزمەتى. كەزدەسۋ اياسىندا ەكىجاقتى ىنتى­ماق­تاستىق جانە قازاقستان مەن ما­لايزيانىڭ حالىقارالىق قوعامداستىق پەن ۇيىمدار شەڭبەرىندەگى ءوزارا ىق­پال­داستىعىنىڭ وزەكتى ماسەلەلەرى بوي­ىنشا پىكىر الماسىلدى. قازاقستان سىرتقى ساياسات ۆە­دوم­ستۆوسىنىڭ باسشىسى «ءبىزدىڭ ەلدە­رى­مىزدىڭ اراسىنداعى ساياسي ۇنقاتىسۋ دامۋىنىڭ ماڭىزدى كەزەڭى بولىپ پرەزيدەنت نۇرسۇلتان نازارباەۆتىڭ 2006 جىلعى مالايزياعا جاساعان رەسمي ساپارى تابىلادى», – دەپ اتاپ ءوتتى. سونىمەن قاتار, جوعارى دەڭگەيدەگى كەزەكتى كەزدەسۋگە دايىندىق ماسەلەلەرى قاراستىرىلدى. اتالعان كەزدەسۋ مالايزيا پرەمەر-ءمينيسترى نادجيب تۋن ابدۋل رازاكتىڭ قازاقستانعا جاۋاپتى ساپارى اياسىندا ماۋسىم ايىندا جا­سا­لادى. سونىمەن قاتار, سول ساپار شەڭ­بەرىندە رازاكتىڭ 7-ءشى بۇكىلالەمدىك يسلام ەكونوميكالىق فورۋمىنا دا قا­تىسۋى جوسپارلانعان. ساۋدا-ەكونوميكالىق سالالاردى قا­راس­تىرا وتىرىپ, تاراپتار قازاقستان مەن مالايزيا اراسىنداعى ىسكەر قاتى­ناستار دەڭگەيى بارلىق الەۋەتكە ساي كەلمەيتىندىگىن اتاپ ءوتتى. وسىلايشا, ەكىجاقتى تاۋار اينالىم كورسەتكىشى 2010 جىلى 77,6 ملن. دولل. قۇراعان بو­لاتىن. ديپلوماتيالىق مەكەمەلەر باس­شىلارى ايتىپ وتكەندەي, بۇل الەۋەتتى بەلسەندىرەك قولدانعان جاعدايدا ىن­تىماقتاستىقتى ودان ءارى دامىتىپ, جاڭا مۇمكىندىكتەر اشىپ, مۇلدەم جاڭا دەڭگەيگە شىعارۋعا ابدەن بولادى. قازاقستاننىڭ الداعى يسلام كون­فە­رەنتسياسى ۇيىمى سىرتقى ىستەر مي­نيسترلەرىنىڭ كەڭەسىنە توراعالىعىنا توق­تالا كەلە, مينيسترلەر اتالعان ۇيىم شەڭبەرىندەگى ءوزارا ىنتىماقتاستىق ءما­سەلەلەرىن دە تالقىعا سالدى. وسى ورايدا ە.قازىحانوۆ استانانىڭ وسى بەدەلدى ۇيىمنىڭ دامۋىنا وزىندىك «مودەرني­زا­تسيالىق» ۇلەس قوسپاق نيەتىن جەتكىزدى.