ۇلتتار ۇيىمى وكىلىمەن جۇزدەستى

كەشە استانادا قازاقستان رەسپۋبليكا­سى­نىڭ سىرتقى ىستەر ءمينيسترى ەرجان قا­زى­حانوۆ ءبىزدىڭ ەلىمىزگە ورتالىق ازيا ەلدەرىنە تۋرنەسى اياسىندا كەلگەن بۇۇ دامۋ باع­دار­لاماسىنىڭ اكىمشىسى حەلەن كلاركپەن كەزدەستى, دەپ حابارلادى قر ءسىم-ءىنىڭ ءباسپاسوز قىزمەتى. اڭگىمە بارىسىندا تاراپتار قازاقستان مەن بۇۇ اراسىنداعى ءوزارا ىنتىماقتاستىقتىڭ بىرقاتار ماسەلەلەرىن, ولاردىڭ ءارى قاراي دامۋ بولاشاعىن, اتاپ ايتقاندا, بۇۇ باس حاتشىسى پان گي مۋننىڭ وتكەن جىلى قازاقستانعا جاسا­عان ساپارى شەڭبەرىندە قول جەتكىزىلگەن كەلى­سىم­دەردىڭ ورىندالۋ بارىسىن تالقىعا سالدى. ە.قازىحانوۆ قازاقستان ءوز تاۋەلسىزدىگىن العاننان بەرى بۇۇ دامۋ باعدارلاماسىمەن جەمىستى ىنتىماقتاسىپ كەلە جاتقاندىعىن, سون­داي-اق ءبىزدىڭ ەلىمىزدە جۇزەگە اسىپ وتىرعان جاڭا جوبالار مەن باعدارلامالاردى بارىنشا ءتيىمدى جۇزەگە اسىرۋ جونىندە قازاقستان ۇكىمە­تىنىڭ باسىم­دىق­تارى مەن بۇۇ كوزقاراستارى تولىقتاي ساي كەلەتىندىگىن اتاپ ءوتتى. وسى ورايدا, قازاقستاندىق سىرتقى ساياسات ۆەدومستۆو­سى­نىڭ باسشىسى «ءبىزدىڭ بۇۇ-مەن ءوزارا باي­لا­نىس­تارىمىزدى قايتا قاراستىرىپ, ولاردى جاڭا ستراتەگيالىق ارىپتەستىك دەڭگەيىنە جەتكىزۋ» قاجەتتىگىن ايتتى. ە.قازىحانوۆ سونداي-اق ءوزارا ىقپالداسۋعا قازاقستاننىڭ الماتى قالاسىن كوپجاقتى ديپ­لوماتيانىڭ سۋب-ايماقتىق ورتالىعىنا اينال­دى­رۋ جونىندەگى جوسپارلارىن جۇزەگە اسىرۋى نەگىز بولىپ وتىرعانىن اتاپ ءوتتى. «الماتىعا ۆەنا, جەنەۆا جانە بانگكوك سەكىلدى بۇۇ ايماقتىق ورتالىعى اتاۋىن بەيرەسمي تۇردە بەرۋ اي­ماق­تىق جانە سۋب-ايماقتىق جوبالاردى جۇزەگە اسىرۋعا جانە ايماقتىق ىنتىماقتاستىقتىڭ نىعايۋىنا, ورتالىق ازيا حالىقتارىنىڭ ءال-اۋقاتىنا وڭ ىقپالىن تيگىزەر ەدى», دەپ اتاپ ءوتتى ە.قازىحانوۆ. ىنتىماقتاستىقتىڭ ايقىن كور­سەتكىشى رەتىندە سەمەي ءوڭىرىن دامىتۋ بىرلەسكەن باعدارلاماسى مىسالعا كەلتىرىلدى, وسىعان وراي سەمەي ءوڭىرىن قايتا جاڭعىرتۋعا بۇۇ دامۋ باعدارلاماسىنىڭ قوسىپ وتىرعان ۇلەسى ءۇشىن ح.كلاركقا العىس ايتىلدى. ح.كلارك ءوز ساپارى اياسىندا يۋنەسكو بۇكىل­الەمدىك مۇراسىنا كىرەتىن جانە بۇۇ دامۋ باع­دار­لاماسىمەن سۋ-باتپاق جەرلەر مەن دالا ەكوجۇيەسىن ساقتاۋ جوباسى اياسىندا سوڭعى جىلدارى قولداۋ تاۋىپ كەلگەن قورعالجىن تابيعي قورىنا بارىپ قايتتى. ەرتەڭ ول ءبىزدىڭ ەلىمىزدىڭ باسشىلىعىمەن كەزدەسۋدى, سونىمەن قاتار, «قازىرگى زامانداعى جانە قازاقستانداعى ايەلدەر-كوشباسشىلار» اتتى پانەلدى پىكىرتالاسقا قاتىسۋدى جوسپارلاپ وتىر.