جاس ماماندار جارمەڭكەسى ءوتتى

م.اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتىنىڭ    كوپتەگەن ستۋدەنتتەرى ديپ­لومىن العاننان كەيىن قاي جەردە جانە قانداي قىزمەتتە جۇمىس ىستەيتىندىگىن جاقسى بىلەدى. بۇل جۇ­مىس ۋنيۆەرسيتەتتە جاسالعان «جوعارى وقۋ ورنى - كاسىپورىن» سەرىكتەستىگى ارقاسىندا جۇزەگە اسى­رىلادى. وسى باعدارلاماعا سايكەس وقمۋ-دا كاسىپ­ورىندار  مەن ۋنيۆەرسيتەت اراسىندا تىعىز بايلا­نىس ورناعان, ياعني وندىرىستىك كاسىپورىندار جوعارى بىلىكتى كادرلار دايارلاۋدا ۇلكەن كومەك كورسەتەدى. بۇل دەگەنىڭىز, جوعارى وقۋ ورنىن ءبىتىرۋشى ءاربىر تۇلەكتىڭ الدىندا – جاقسى, بەدەلدى جۇمىس تابۋمەن قاتار كەلەشەكتە ءوزىن-ءوزى  قامتاماسىز ەتە الۋ ءمۇم­كىندىگى بار دەگەن ءسوز. جۇمىس ىزدەپ, كاسىپ­ورىن­دار مەن مەكەمەلەرگە بارۋ كوپ ۋاقىتتى تالاپ ەتەدى جانە دە جاس مامانداردى بوس ورىندارعا جۇمىسقا ورنالاستىراتىن ۇيىمدار مەن كومپانيالاردىڭ باسشىلارىنىڭ قابىل­داۋىندا بولۋدىڭ ءوزى وتە قيىن ماسەلە.  سول سەبەپتەن, ءبىتىرۋشى تۇلەكتەردىڭ جۇ­مىسقا ورنالاسۋ ماسەلەلەرىن جەڭىلدەتۋ ماق­ساتىن­دا وقمۋ-دا ەكونوميكانىڭ باسىم سەكتور­لارىن بىتىرۋشىلەردى جۇمىسقا ورنالاستىرۋ ءۇشىن جىل سايىن  بوس ورىندار جارمەڭكەسى وتەدى. ۇستىمىزدەگى وقۋ جىلىندا  دا م.اۋەزوۆ اتىن­داعى وڭتۇستىك قازاقستان مەملەكەتتىك ۋنيۆەرسيتەتى  «جاس مامان – 2011» ءبىتىرۋشى تۇلەكتەردى جۇ­مىس­قا ورنالاستىرۋ جارمەڭكەسىن وتكىزدى. بيىلعى وقۋ جىلىندا ۋنيۆەرسيتەتتى 80 مامان­دىق بويىنشا 3294 تۇلەك بىتىرگەلى وتىر. ونىڭ  2178-ءى مەملەكەتتىك گرانت يەگەرلەرى,  ونىڭ ىشىندە 493 ستۋدەنت 30%-دىق اۋىل كۆوتاسىمەن, ال 1116-ى  كەلىسىم-شارت بويىنشا ءبىلىم الىپ جاتقاندار. بىتىرۋشىلەردى جۇمىسقا ورنالاستىرۋ ءۇشىن بوس ورىنداردى انىقتاۋ ماقساتىندا جۇمىسپەن قامتۋ مەن الەۋمەتتىك باعدارلامالاردى ۇيلەستىرۋ ءجونىن­دەگى باسقارماعا, وقو ءبىلىم باسقارماسى مەن اۋىل­شارۋا­شىلىعى باسقارماسىنا سۇرانىس حاتتار جىبەرىلگەن. پەداگوگيكالىق ماماندىقتار بويىنشا 178 بوس ورىن, تەحنيكالىق جانە ينجەنەرلىك باعىتتار بويىنشا: كازفوسفات جشس-نەن 15, «كازاتومپروم» ۇاق-نان  – 9, وقو اۋىلشارۋاشىلىعى باسقارماسى­نان اگروونەركاسىپتىك باعىتتا – 422 بوس ورىنعا سۇرا­نىستار كەلىپ ءتۇستى. «جاس مامان – 2011» جارمەڭكەسى بارىسىندا جۇمىس بەرۋشىلەر ءبىتىرۋشى تۇلەكتەردى بوس ورىن­دار جانە قازىرگى ەڭبەك نارىعىندا قاجەتتى ما­ماندارعا قويىلاتىن تالاپتار مەن جاس مامان­دار­دى جۇمىسقا قابىلداۋ ەرەجەلەرىمەن تانىس­تىردى. جۇرگىزىلگەن ءىس-شارالار ناتيجەسىندە جۇمىس بەرۋشىلەردەن:   پەداگوگيكالىق باعىتتاعى مامان­دىق­­­تارعا – 84, گۋمانيتارلىق باعىتتاعى مامان­دىقتارعا – 62, ەكونوميكالىق باعىتتاعى مامان­دىقتارعا – 68, تەحنيكالىق جانە تەحنولوگيالىق باعىتتار بويىنشا – 295, جالپى العاندا, ءجار­مەڭكە قورىتىندىسى بويىنشا  509 بوس ورىنعا ۇسىنىس بەرىلدى. جارمەڭكەگە قاتىسقان جۇمىس بەرۋشىلەر 1000-نان استام بىتىرۋشىلەردىڭ تۇيىندەمەلەرىن ىرىكتەپ الدى. ەلباسىمىزدىڭ جولداۋىندا «جاستار – ءبىزدىڭ بولاشاعىمىزدىڭ نەگىزى, سوندىقتان ولار ءوز بولا­شاعىن قۇرۋدىڭ جاڭا مۇمكىندىكتەرىنە قول جەتكىزەدى» دەلىنگەن. حالىقتى جۇمىسپەن قامتۋدىڭ 2011 – 2020 جىل­دارعا ارنالعان باعدارلامانىڭ نەگىزگى ماقساتى – جۇمىسسىزدار سانىن ازايتۋ, ولار­دىڭ تۇ­راق­تى جانە ناتيجەلى جۇمىس ورىندارىنا يە بولۋىنا ءجار­دەم­دەسۋ ارقىلى حالىقتىڭ تابىسىن ارتتىرۋ بو­لىپ تا­بىلادى. ەلىمىزدىڭ ەكونوميكاسى دامىعان سايىن مەم­­لەكەتتىڭ الەۋمەتتىك سالادا ۇستانعان ساياساتى دا بار­عان سايىن تەرەڭدەپ, قاناتىن كەڭگە جايىپ كەلەدى. وسىنداي باسىم مۇمكىندىكتەرگە يە, تەرەڭ بىلىممەن قارۋلانعان وقۋ ورنىنىڭ تۇلەكتەرى م.اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەت قابىرعاسىندا ۇيىمداستىرىلعان «جاس مامان – 2011» جارمەڭكە كومەگىمەن ءوز ماماندىقتارى بو­يىنشا جۇمىسقا ورنالاسىپ, قازاقستاننىڭ ءور­كەن­دەۋى­نە, ەكونوميكامىزدىڭ ورلەۋىنە ءوز ۇلەستەرىن قوساتىنى انىق. سارا نازاربەكوۆا, م.اۋەزوۆ اتىنداعى وقمۋ وقۋ-ادىستەمەلىك باسقارما ديرەكتورى. شىمكەنت.