«برەيك-دانستىڭ» بەرەرى

جاڭاوزەن قالاسىنداعى ايگى­لى مۇنايشى راحمەت وتەسىنوۆ اتىن­داعى دەنەشىنىقتىرۋ-ساۋىق­تىرۋ كەشەنىندە وسى جىلى شىلدە ايىندا كورەيانىڭ سەۋل قالاسىندا وتەتىن «RIG» برەيك-دانس بو­يىن­شا الەم چەمپيوناتىنا ور­تا­ازيا­لىق حالىقارالىق ىرىكتەۋ ءتۋرنيرى اياقتالدى. رەسپۋبليكالىق «برەيك-دانس» فەدەراتسياسىنىڭ باستا­ما­سىن مۇنايشىلار ورداسى جا­ڭاوزەن قالاسىنىڭ اكىمدىگى قول­دا­عان تۋرنيرگە قازاقستاننىڭ بارلىق وبلىستارى مەن استانا, ال­ماتى قالالارىنان جانە ءازىر­­بايجان, وزبەكستان, قىر­عىز­­ستان ەلدەرىنەن 20 كوماندا قۇرا­مىنداعى 200-گە تارتا سپورت­­شى قاتىستى. ال كومان­دا­لاردىڭ شەبەرلىكتەرى مەن سان قىرلى سپورت­تىق ءىس-قيمىل­دارى­نا حالىقارا­لىق ءدا­رە­جەدەگى بەلگىلى تورەشىلەر جاپونيادان ي.كاتسۋيۋكي, ج.سونگ­­حو, د.سۋنكۆون, كورەيالىق كيم يۋنسۋ, رەسەيلىك د.كولوكولنيكوۆ, قازاق­ستاندىق م.گۋسەينوۆا قازىلىق ەتتى. سوڭعى جىلدارى الەمدىك چەمپيونات دارەجەسىنە جەتكەن مۇنداي شارا كوپشىلىك­تىڭ, ءاسى­رەسە, جاستاردىڭ وزدەرىن بارلىق قىرىنان كورسەتە بىلۋلەرىمەن بەلگىلى بولا باستاپتى. ال ونى­مەن مۇنايلى قالانىڭ جاس­تارى العاشقىلاردىڭ ءبىرى بولىپ تانىسۋى قۇپتارلىق جاع­داي ەدى. ول تۋرالى جاڭاوزەن قا­لاسىنىڭ اكىمى وراق ءساربو­پەەۆ جاستار­دىڭ دەنساۋلىقتارى مىق­تى, بوس ۋاقىتتارى سالا­مات­تى ءومىر سالتىنا اينالسىن, جا­ڭا دوستار تاۋىپ دەمالىس­تارى جاقسى ءوتسىن دەگەن ويمەن وتكىزىپ وتىر­مىز. مۇنداي باسقوسۋ جاس­تارى­مىزدى ومىرگە, سپورتقا, ونەر­گە دەگەن جوعارى سۇيىسپەنشىلىككە ءتار­بيەلەپ, دوستىق پەن ىنتى­ماقتاس­تىققا شاقىراتىن يگى شارا دەپ بىلەتىندىگىن جەتكىزىپ, جينال­عان­دارعا ساتتىلىك تىلەدى. شىندىعىندا وسى سالا مامان­دارىنىڭ ايتۋىنشا, «برەيك-دانس» جاستاردىڭ جان-جاقتى ازامات بولۋلارىنا سەپتىگىن تيگىزەتىن سپورتتىڭ ەرەكشە پايدالى ءتۇرى. ياعني, سەكىرىپ بيلەۋ, شالت, باتىل دا تەز قيمىل جاساۋ ارقىلى جاس بالالار دەنەلەرىن شىنىقتىرىپ, شىمىر بولۋلارىمەن قاتار سەزىمتال, سەرگەك, جان-جاقتى, جىگەرلى بولىپ, شيراقتىلىق تانىتادى ەكەن. سونداي سپورتتىڭ بۇل ءتۇرى­مەن اينالىسقاندار بىلىمگە قۇش­تار, ەڭبەككە ىنتالى بولۋمەن قا­تار, «تەمىردەي ءتارتىپتى» بول­عان­دى دا قالايتىندىقتارىن كورسەتىپتى. وسى پىكىردى «برەيك-دانس» رەسپۋب­ليكالىق فەدەرا­تسيا­سىنىڭ جەتەكشىسى, بەلگىلى حورەوگراف-بالەت­مەيس­تەر, گيمناستيكادان سپورت شەبەرلىگىنە كانديدات ماريا گۋسەينوۆا ءوز تاجىريبەسى ارقىلى تولىقتىرا ءتۇستى. وسى ايتىلعاندارعا ىرىكتەۋ تۋرنيرىنە قاتىسۋشىلاردىڭ ەڭ كىشكەنتايى 8 جاستاعى اقتاۋ­لىق مەكتەپ وقۋشىسى رۋسلان امانگەلدى, 24 جاستاعى الماتى­لىق اۋديتور ازامات يساحانوۆتارمەن اڭگى­مەلەرىندە انىق اڭ­عارا تۇستىك. ولاي دەيتىنىمىز, رۋسلان وسى ءۇيىر­مەگە قاتىسقالى ساباعىمدى جاق­سى وقيمىن, بۇ­رىنعىداي قات­تى شارشاماي اتا-اناما دا قولعابىس تيگىزەمىن دەسە, ازامات يساحانوۆ جەتى جىل­دان بەرى سپورت­تىڭ وسى تۇرىمەن اينا­لىسقالى اۋرۋ-سىرقاۋدى ۇمىت­­تىم, جۇمىسىم دا جەڭىل ءارى جەمىستى, ال بۇرىن مەنى بوس ءجۇرۋ شارشاتاتىن ەدى. ياعني, وسى سپورت ماعان قۋات بەردى. سوعان كوپشىلىكتىڭ كوزىن جەتكىزۋ ءۇشىن ادەيى ۇيىرمە قۇرىپ, وعان ون بالا قابىلدادىم. اپتاسىنا ءۇش كۇن جينالامىز, قازىر ولارعا دا, وزىمە دە كوڭىلىم تولادى دەگەندى ايتتى. وسىنداي پىكىردى استانا­لىق تۇمار قۇراق­پاەۆ, جاڭا­وزەن­دىك ساعىندىق مىر­زاباەۆ, اتىراۋلىق مەكتەپ وقۋ­شىسى ساي­ران قايرات جانە باسقا­لار­دان ەستىدىك. ولارمەن جارتى كۇن­دەي بىرگە بولىپ ونەر­­لەرىن تاماشالاعاندا تاڭ­عا­لار­لىق تۇس­­تار دا كوپ بولدى. ءبارى دە سيقىر­شىلار سياقتى كورىندى. ءبارى دە جايدارى, ءبارى دە شيراق, شارشا­عاندارى سەزىلمەدى. ال ءبىر-بىرىنە دەگەن قا­رىم-قاتىناس, ىقىلاس-ءىلتي­پات­تارى اڭ­داپ قارا­عان ادام­عا قىزىق­قانداي اسەر قال­دىردى. جالپى, مۇنداي سپورت جاس­تار­دىڭ جان-جاقتى تاربيە الىپ, شىنى­عۋى­نا, ەلىمىزدە سا­لا­مات­تى ءومىر سالتىن قالىپتاس­تىرۋعا سەپتىگىن تيگىزەتىندىگىن باي­قاپ بىلدىك. ال وسىن­داي يگى شا­رانىڭ جاستار قالاسى, مۇ­ناي­شىلار ورداسىندا وتكى­زىلۋى وتە ورىن­دى دا پاي­دالى بول­دى دەسەك قاتەلەسپەيمىز. ءسوي­­تىپ, ەكى كۇن­دىك سايىس اياق­تال­دى. ونىڭ قو­رىتىن­دىسى بويىنشا كومان­دا­لىق ەسەپ­تەگى ءبىرىنشى ورىندى اس­تانا قالاسىنىڭ, ەكىنشى ورىن باتىس قازاقستان وبلى­سى­نىڭ كو­ماندالارى الىپ, ءۇشىن­شى ورىن­دى شىمكەنت, ريددەر قالالارى مەن پاۆلودار, قوس­تا­ناي وبلى­سىنىڭ وكىلدەرى ءبولىستى. جولامان بوشالاق, ماڭعىستاۋ وبلىسى, جاڭاوزەن قالاسى.