بىرقاتار اۋدانداردىڭ اكىمدەرى اۋىستى

شىعىس قازاقستان وبلىسى­نىڭ اكىمى بەردىبەك ساپارباەۆ ءوز وكىمىمەن بىرقاتار قالالار مەن اۋداندار اكىمدەرىن اۋىس­تىردى. تارباعاتاي اۋدانى اكى­مى قىز­مەتىن اتقارىپ, وتكەن جىلعى سۋ تاسقىنىن جويۋداعى قاجىر­لى ەڭبەگى ءۇشىن «قۇر­مەت» وردەنىمەن ماراپات­تالعان ماناربەك ساپارعاليەۆ ەندى ەكونوميكاسى ورلەگەن ريددەر قالاسىن باس­قار­ماق. ال تار­باعاتاي اۋدانى­نىڭ اكىمى بو­لىپ بۇعان دەيىن وبلىستىق قۇرىلىس باسقارماسى قىزمە­تىندە ىسىلعان, وسى جەر­دىڭ تۋماسى ەرلان تەكەشەۆ تا­عايىندالدى. ءوڭىر باسشىسى ەكە-ءۋىن ءماسليحات دەپۋتاتتا­رىنىڭ الدىندا تانىس­تىرعان كەزدە جاڭا كادرلاردىڭ ىسكەرلىك قاسيەت­تەرىنە توقتالىپ, ولارعا جاڭا مىندەتتەر جۇكتەدى. ۇزاق جىلدار سەمەي قا­لاسى اكىمىنىڭ ورىنباسارى بول­عان تۇر­سىنعازى ءمۇ­سا­پىربەكوۆ اباي اۋدانىنىڭ, كاتون­قاراعاي اۋدانى اكىمىنىڭ ورىنباسارى بول­عان قاليحان بايعونىسوۆ بەسقاراعاي اۋدا­نىنىڭ, گريگوري اكۋلوۆ بورودۋليحا, ال امان­گەلدى توق­تاروۆ شەمونايحا اۋدانىنىڭ اكىمى بولىپ تا­عايىندالدى. سونداي-اق سەمەي قالاسى اكىمىنىڭ ورىنباسارى قىزمە­تىندە بولعان سەرىكقازى ورازاليەۆ وبلىستىق قارجى باس­قارماسىنىڭ باستىعى قىز­مە­تىن اتقارادى. وڭداسىن ەلۋباي, شىعىس قازاقستان وبلىسى.