Beeline كومپانياسى قازاقستان تەننيس فەدەراتسياسىنىڭ بۋەنوس-ايرەس قالاسىندا ارگەنتينا مەن قازاقستان قۇراما كوماندالارىنىڭ اراسىندا وتەتىن دەۆيس كۋبوگىنىڭ شيرەك فينالدىق ماتچىن تاماشالاۋ ءۇشىن وتاندىق جانكۇيەرلەر كومانداسىن جاساقتاۋعا قولداۋ كورسەتۋدە.
وسىعان بايلانىستى Beeline كومپانياسى مەن تەننيس فەدەراتسياسى ۇيالى بايلانىس وپەراتورى مەن باق وكىلدەرى اراسىندا 7-9 شىلدە كۇندەرى بۋەنوس-ايرەستە وتەتىن ماتچتى تاماشالاۋ ءۇشىن كونكۋرستىڭ جاريالانعانىن حابارلايدى. جاقىندا الماتىدا وسى ماسەلەگە وراي ءوتكەن ءباسپاسوز ءماسليحاتىندا «كار-تەل» جشس باس ديرەكتورى اناتولي پوپوۆ, قازاقستان تەننيس فەدەراتسياسىنىڭ ۆيتسە-پرەزيدەنتى ءادىل بورلىباەۆ پەن ەلىمىزدىڭ ەرلەر ۇلتتىق قۇراماسىنىڭ كاپيتانى ەگور شالدۋنوۆ Beeline ابونەنتتەرى مەن اقپارات قۇرالدارى اراسىندا وتەتىن كونكۋرس تۋرالى كەڭىرەك ءمالىمەت بەردى. «بۇل اكتسيا اياسىندا مامىر ايىندا ەكى بايقاۋ وتەدى, – دەدى «كار-تەل» جشس باس ديرەكتورى اناتولي پوپوۆ. – ونىڭ ءبىرى تەننيس تۋرالى ەڭ ءۇزدىك دۇنيە دايىنداعان باق رەداكتسيالارى مەن جۋرناليستەرى اراسىندا وتسە, ەكىنشىسى, Beeline ابونەنتتەرى اراسىندا وتەتىن «بارلىعى تەننيس تۋرالى» اتتى سمس كونكۋرسى». ونىڭ ايتۋىنشا, بۇل بايقاۋدا ۇيالى بايلانىس وپەراتورىنىڭ تۇتىنۋشىلارى Beeline جانە قازاقستان تەننيس فەدەراتسياسىنىڭ سايتتارىندا دەمالىس كۇندەردى ەسەپتەمەگەندە كۇن سايىن تەننيس تۋرالى قويىلاتىن سۇراقتارعا دۇرىس جاۋاپ بەرۋلەرى كەرەك. وسى ەكى كونكۋرستىڭ جەڭىمپازدارىنا Beeline كومپانياسى 7-9 شىلدە كۇندەرى بۋەنوس-ايرەس قالاسىندا ارگەنتينا مەن قازاقستان قۇرامالارى اراسىندا دەۆيس كۋبوگىنىڭ شيرەك فينالدىق ماتچىن تاماشالاۋ ءۇشىن تەگىن بيلەتتەر تاپسىرادى.
تەننيس فەدەراتسياسىنىڭ ۆيتسە-پرەزيدەنتى ءادىل بورلىباەۆ بولسا, جيىندا مۇحيتتىڭ ارعى جاعىندا وتەتىن ماتچتىڭ قازاقستان سپورتى ءۇشىن ءمانى جانە ماڭىزى جاعىنان ۇلكەن تاريحي وقيعا ەكەنىن, وسىعان بايلانىستى قازاقستان تەننيس فەدەراتسياسى ۇلتتىق قۇرامانىڭ دەۆيس كۋبوگىنداعى جەڭىستەرىنە قولداۋ كورسەتۋ ءۇشىن وتاندىق كومپانيالارعا وسىنداي ءتۇرلى ماركەتينگ جانە جارنامالىق جولدارمەن جانكۇيەرلەردى جارىس الاڭدارىنا جيناۋ كەرەكتىگىن ايتىپ, Beeline كومپانياسىنىڭ وسى باستاماسى ءۇشىن العىسىن جەتكىزدى.
باق اراسىندا وتەتىن بايقاۋ جەكەلەگەن جانە كوماندالىق ءتۇرى بويىنشا ەكى نوميناتسياعا ءبولىنىپ وتكىزىلەدى. جەكەلەگەن نوميناتسيادا مەرزىمدى باسپاسوزدە جانە تەلەەفيردە 2011 جىلدىڭ 5-27 مامىر كۇندەرى شىققان ەڭ ۇزدىك ماتەريالداردىڭ ەكى اۆتورى جەڭىمپاز بولىپ تانىلادى. كوماندالىق نوميناتسيادا باق اراسىندا ەكى رەداكتسيا تاڭداپ الىنادى. مۇندا 2010 جىلدىڭ جەلتوقسان ايىنان باستاپ, 2011 جىلدىڭ 27 مامىر كۇنىنە دەيىن وتاندىق اقپارات قۇرالدارىندا تەننيس تۋرالى ەڭ كوپ جازعان ۇجىم جەڭىمپاز اتانادى.
بايقاۋعا مەرزىمدى باسپاسوزدە جانە تەلەۆيزيالىق سيۋجەتتەردە شىققان ماتەريالداردىڭ كوشىرمەسى مەن ديسكىلەرى «كار-تەل» جشس-نىڭ ءباسپاسوز-قىزمەتىنە جىبەرىلۋى كەرەك. كونكۋرسقا رەداكتسيالار ۇجىم رەتىندە جانە جۋرناليستەر ءوز بەتتەرىنشە قاتىسا الادى. سونىمەن بىرگە وعان مۋلتيمەديا, ونلاين-جۋرناليستيكا, فوتوجۋرناليستيكا جىبەرىلەدى.
كونكۋرستىڭ قورىتىندىسىندا Beeline كومپانياسى ءتورت جەڭىمپازعا ارگەنتينادا وتەتىن دەۆيس كۋبوگىنىڭ شيرەك فينالدىق ماتچىنا تەگىن بيلەتتەر تاپسىرادى. ونىڭ قورىتىندىسى 2011 جىلدىڭ 29 مامىر كۇنى جاريالانادى.
Beeline ابونەنتتەرى اراسىندا وتەتىن «ەيس ارگەنتيناعا جولداما!» سمس-كونكۋرسىنا كەلسەك, ۇيالى بايلانىس وپەراتورىنىڭ ءباسپاسوز-قىزمەتى ونىڭ ەرەجەلەرىن الەۋمەتتىك جەلىلەر مەن باق-تاردا جاريالايدى. 2011 جىلدىڭ 5-27 مامىر كۇندەرى دەمالىس كۇندەردى ەسەپتەمەگەندە كۇن سايىن www.beeline.kz پەن www.ktf.kz سايتتاردا, كومپانيانىڭ Facebook, Vkontakte ءجانە twitter الەۋمەتتىك جەلىلەرىندەگى رەسمي توپتارىندا تەننيس تۋرالى ەكى سۇراق قويىلادى. ونىڭ جاۋاپتارى كۇن سايىن ساعات 00.00-گە دەيىن قابىلدانادى. كونكۋرستىڭ قورىتىندىسىندا 34 سۇراققا ەڭ كوپ جاۋاپ بەرگەن ءبىر ابونەنت دەۆيس كۋبوگىنىڭ شيرەك فينالدىق كەزدەسۋىن تاماشالاۋ ءۇشىن تەگىن بيلەتكە يە بولادى. سونىمەن بىرگە تاعى بەس بەلسەندى قاتىسۋشىعا Beeline كومپانياسى USB مودەمدەرىن سىيلىق رەتىندە تابىس ەتەدى. سۇراقتارعا سمس جاۋاپتارى 925 قىسقاشا ءنومىرىنە جىبەرىلەدى. ءبىر سمس حاباردىڭ باعاسى – 15 تەڭگە.
داستان كەنجالين.
