ۇيىم دامۋىنداعى ماڭىزدى كەزەڭ

مەملەكەت باسشىسى نۇرسۇلتان نازارباەۆ شىۇ-عا مۇشە مەملەكەتتەر سىرتقى ىستەر مينيسترلەرىن قابىلدادى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى. كەزدەسۋگە قىتاي حالىق رەسپۋبليكاسىنىڭ ءمينيسترى يان تسزەچي, قىرعىز رەسپۋبليكاسىنىڭ ءمينيسترى رۋسلان قازاقباەۆ, رەسەي فەدەراتسياسىنىڭ ءمينيسترى سەرگەي لاۆروۆ, تاجىكستان رەس­پۋب­ليكاسىنىڭ ءمينيسترى حامروحون زاريفي, وزبەكستان رەسپۋب­ليكاسى سىرتقى ىستەر ءمينيسترىنىڭ ورىنباسارى باحتيەر يسلاموۆ, شىۇ باس حاتشىسى مۇراتبەك يماناليەۆ, قازاقستان رەسپۋب­لي­كا­سى قاۋىپسىزدىك كەڭەسىنىڭ حات­شىسى مارات ءتاجين, قازاقستان رەسپۋبليكاسىنىڭ سىرتقى ىستەر ءمينيسترى ەرجان قازىحانوۆ, قا­زاقستان رەسپۋبليكاسى پرە­زي­دەنتى­نىڭ حالىقارالىق ماسەلەلەر جونىندەگى كومەكشىسى نۇرلان ەرمەكباەۆ جانە شىۇ-نىڭ وڭىرلىك انتيتەررورلىق قۇرىلىمى ات­قارۋ­شى كوميتەتىنىڭ (واتق اك) ديرەكتورى جەنيسبەك جۋمانبەكوۆ قاتىستى. تاراپتار الدا استانادا بو­لا­تىن شىۇ-عا مۇشە مەملەكەتتەر باسشىلارىنىڭ مەرەيتويلىق سام­ميتىن وتكىزۋ ماسەلەلەرىن تال­قى­لادى. – ءبىز ارىپتەستەرىمىزبەن بۇگىن پرەزيدەنت نۇرسۇلتان نازارباەۆ­تىڭ قابىلداۋىندا بولعانىمىزعا قۋانىشتىمىز. بارلىعىمىز ال­دا­عى مەرەيتويلىق سامميت شىۇ دامۋىندا ماڭىزدى كەزەڭ بولىپ, ۇيىمىمىزدىڭ ىلگەرى باسۋىندا زور ءرول اتقارادى دەپ ەسەپتەيمىز. اتالعان ءسامميتتى وتكىزۋ ءۇشىن قا­زاقستان تاراپىنان اۋقىمدى جانە تابىستى دايىندىق جۇ­مىس­تارى جۇرگىزىلدى. مەن الداعى سامميت قاي جاعىنان الىپ قاراعاندا دا ءبىزدىڭ ورتاق ۇيىمىمىزدىڭ ومىرشەڭدىگى مەن جارقىن بولا­شاعىن كورسەتىپ بەرەتىنىنە ۇلكەن سەنىمدەمىن. كەزدەسۋ كەزىندە نۇر­سۇلتان نازارباەۆ شىۇ اياسىن­داعى ىنتىماقتاستىقتى قاۋىپ­سىز­دىك, ەكونوميكا, گۋمانيتار­لىق سالالاردا كۇشەيتۋ قاجەت­تىگىن, مۇ­نىڭ ۇيىمدى كەلەسى ونجىلدىقتا دامىتۋدا ماڭىزدى ءرول اتقارا­تىنىن اتاپ كورسەتتى. بارلىق مينيسترلەر پرەزيدەنت­تىڭ يدەياسى­مەن كەلىستى. قحر توراعاسى حۋ تسزينتاو شىۇ سامميتىنە قا­تى­ساتىن ءساتتى, سونداي-اق پرەزيدەنت نۇرسۇلتان نازارباەۆتىڭ شاقى­رۋى بوي­ىن­شا قازاقستانعا ءوزىنىڭ مەملەكەتتىك ساپارى ۋاقىتىن ۇلكەن قۋانىشپەن كۇتۋدە, – دەدى جۋرناليستەرگە ارنالعان بريفينگتە قحر سىرتقى ىستەر ءمينيسترى يان تسزەچي.