باستاپقى ەكپىنىمىز باسىلىپ قالدى

فينالدىق جەكپە-جەكتەردە «استانا ارلاندارى» «پاريج يۋنايتەدتەن» جەڭىلىس تاپتى بۇدان بۇرىن حابار­لاعا­نىمىزداي, 7 مامىر كۇنى قىتايدىڭ گۋيچجوۋ پرو­ۆين­­تسياسىنىڭ گۋيانگ قا­لا­سىندا حالىقارالىق اۋەس­قوي بوكس قاۋىمداس­تىعى­نىڭ باستاماسىمەن بىل­تىرعى جىلدان بەرى وتكىزىلىپ كەلگەن دۇنيەجۇزىلىك بوكس سەرياسىنىڭ كوماندالىق چەمپيوناتىنىڭ العاشقى ماۋسىمى اياقتالدى. ەكى كۇنگە سوزىلعان جەكپە-جەكتەردىڭ ناتيجەسىندە «پاريج يۋنايتەد» كلۋبى «استانا ار­لان­­دارىنا» العاشقى كۇنى 2:3 ەسەبىمەن ەسە جىبەرسە دە, كەلەسى كۇنى 4:1 ەسەبىمەن باسىمدىعىن تانىتىپ, قورىتىندىسىندا 6:4 ەسەبىمەن جە­ڭىسكە جەتتى. ءسويتىپ, ولار د­ۇ­نيە­جۇ­زىلىك بوكس سەرياسىنىڭ ال­عاشقى جەڭىمپاز كومانداسى اتا­عىنا يە بولدى. ال ءبىزدىڭ «ارلاندار», وكى­نىشكە قاراي, ەكىنشى ورىن­دى قاناعات تۇتتى. وسى­لاي­شا, كۇزدەن بەرى شارشى الاڭ­دا بارلىق قارسىلاستارىن بىرىنەن سوڭ ءبىرىن «تالاعان» «ارلاندار» سوڭعى ساتتە وسى كەزگە دەيىن اتى كوپ شىقپاعان فرانتسيانىڭ لەگيونەرلەر كومان­دا­سىنان جە­ڭى­لىپ قالدى. كاسىپقوي بوكسشىلاردىڭ في­نالدىق باسەكەلەرىن اقپاراتتىق قولداۋ ءۇشىن كوپتەگەن ەلدەردىڭ باق وكىلدەرى قىتايعا جينالدى. ەلىمىزدىڭ ءبىر توپ ءجۋرناليسى دە قازاقستان بوكس فەدەراتسياسى­نىڭ (پرەزيدەنتى – تيمۋر ق ۇلى­باەۆ) ۇيىمداستىرۋىمەن جىلى­نا ءبىر كەلەتىن جەكپە-جەكتەردى ءوز كوزدەرىمەن كورۋ ءۇشىن قىتايعا اتتانعان ەدى. وسى سىنعا ءبىزدىڭ بوكسشىلار ەكى قۇراممەن بار­عا­نى بەلگىلى. ولار گۋيانگ قالاسىنا كەلگەن كۇننەن باستاپ گۋيچجوۋ پرو­ۆينتسياسى ۋنيۆەرسيتەتىنىڭ سپورت كەشەنىندە باسەكەلەرگە دايىن­دىق­تارىن جۇرگىزدى, ەكى-ءۇش كۇن بويى جەرگىلىكتى كۇن رايىنا بەيىمدەلدى. ءبىرىنشى كۇنگى كەزدەسۋگە جاق­سى دايىندىقپەن باردىق.   مۇن­دا ەڭ جەڭىل سالماقتاعى قانات ءابۋ­تالىپوۆتىڭ گرۋزين لەگيونەرى گەورگي كليناۆانى تازا ۇتقانىن ايت­قانبىز.  مەرەي اقشالوۆ پەن راشيد اززەديننىڭ اراسىندا وتكەن كەزدەسۋدە جەڭىس سوڭعىسىنا بەرىلىپ, ءبىزدىڭ باپكەرلەر مۇنىمەن كەلىسپەيتىندەرىن ءبىلدىردى. ر.اززەدين 2008 جىلعى فرانتسيا چەمپيونى, دبس جەكپە-جەكتەرىندە جەتى رەت رينگ­كە شىعىپ, سونىڭ التاۋىندا جەڭىسكە جەتكەن. سولاي دەسەك تە اق­شالوۆتىڭ ودان باسىم بولعانىن كور­دىك.  بىراق قازىلار كەرى شەشىم قا­بىل­دادى. 73 كيلودا قانات يس­لام­نىڭ جەڭىسكە جەتەتىنىنە ەشكىم كۇ­مان كەلتىرمەدى. وسىدان كەيىن رامجون احمەدوۆ جەڭىسكە جەتتى.  ال ءبىزدىڭ رۋس­لان مىرساتاەۆ تا بىلتىر جاس­وس­پىرىمدەر اراسىندا سينگاپۋردا وتكەن وليمپيادا چەمپيونى, 19 جاسار توني يوكادان جەڭىلگەن جوق دەپ ەسەپتەيمىز. كەزدەسۋ رۋسلاننىڭ با­سىم­دىعىمەن وتكەنىن جينالعان­دار­دىڭ ءبارى كوردى. باس باپكەر بەيبىت ەسجانوۆ تا جەكپە-جەكتىڭ ءناتي­جەسى­مەن كەلىسپەدى. تورەشىلەرگە نا­را­­زىلىق جازعىسى كەلىپ ەدى, وعان ەشكىم مۇنداي مۇمكىندىك بەرمەدى. ەكىنشى كۇنگى كەزدەسۋدە «استانا ارلاندارى» ساپىندا ءمىرجان را­قىمجانوۆ, ەرجان ءمۇساپىروۆ, با­قىت سارسەكباەۆ, مارات مولداگەرەەۆ پەن وزبەكستاندىق لەگيونەر ساردور ابدۋللاەۆ قولعاپ ءتۇيىستىردى.  ب.سارسەكباەۆ پەن م.مولدا­گەرەەۆ­تىڭ الدىندا م.راقىمجانوۆ يرلان­ديا­لىق لەگيونەر دجوزەف كەۆينگە ەسە جىبەردى. د.كەۆين – فرانتسيالىق كو­مان­دانىڭ ەكىنشى ءنومىرلى بوكس­شى­سى. ول وسى جارىستا بەس رەت كەزدەسۋ وتكىزىپ, سونىڭ ەكەۋىندە جەڭىل­گەن. ال كەلەسى سالماقتا كۇش سىناس­قان ەرجان ءمۇساپىروۆ ءوزىنىڭ كەزەكتى جەڭىسىنە جەتتى. ول قارسىلاسى الجيرلىك ابدەلكادەر ءچاديدى 48:47, 49:46, 49:46 ەسەبىمەن تىزە بۇكتىردى. وسىدان كەيىن ەكى كۇنگى ەسەپ 4:3 بول­دى. العا «ارلاندار» شىقتى. ب.ءسار­سەكباەۆتىڭ جەڭىلىسىن جاڭا ايتتىق. بۇل جەردە باقىت تازا جەڭىلدى دەۋگە كەلمەيدى. راس, ونىڭ قارسىلاسى ميشەل تاۆارەس –   تاجىريبەلى بوكس­شى. دەگەنمەن, وسى جارىس باستال­عان كەزدەن بەرى ءبىزدىڭ وليمپيادا چەمپيونىمىزعا بۇيرەكتەرى ءبىر بۇرىلماعان تورەشىلەر وعان تاعى قىساستىق جاساعان سەكىلدى كورىندى. ەندى م.مولداگەرەەۆ پەن س.اب­دۋللاەۆقا ءۇمىت ارتىلدى. بىراق ول ەكەۋى دە «پاريج يۋنايتەد» لەگيو­نەر­لەرىنىڭ الدىندا دارمەنسىزدىك تانىتتى. 85 كيلودا بوكستاسقان ماراتتىڭ ابدەلكادەر بۋحەنەيدەن جەڭىلىسى جاعدايدى تىپتەن قيىنداتىپ جىبەردى. ويتكەنى, اسا اۋىر سالماقتاعى ءبىزدىڭ وزبەك لەگيونەرىمىزگە سەنىم ارتۋ قيىن ەدى. ءسويتىپ, ول 18 جاسار وتكەن جىلعى جاستار اراسىنداعى الەم چەم­پيونى حورۆات فيليپپ حرگوۆيچتەن جەڭىلىس تاپتى. قورىتىندى ەسەپ – 6:4. ءبىر ايتا كەتەتىن نارسە, مولداگەرەەۆتى جەڭگەن ابدەلكادەر بۋحەنەي دۇنيەجۇزىلىك بوكس سەرياسىندا ءبىر دە ءبىر جەكپە-جەك وتكىزبەپتى. وسىلايشا, «پاريج يۋنايتەد» كومانداسى «استانا ارلان­دارى» بوكسشىلارىنىڭ الدىن وراپ كەتتى. سولاي دەسەك تە ەكىنشى ورىن كاسىپقوي بوكستا ەندى عانا جولىن باستاپ كەلە جاتقان «ارلانداردىڭ» قۇرامى ءۇشىن جەتىستىكتەردىڭ ءبىرى دەۋگە بولا­دى. ەستەرىڭىزگە سالا كەتسەك, «اس­تانا ارلاندارى» ازيا قۇر­لىعىنان ەكىنشى ورىندى يەلەنىپ, جارتىلاي فينالعا شىققان بولسا, «پاريج يۋنايتەد» پەن بىزبەن بىرگە پلەي-وففتا كۇش سىناسقان «لوس-اندجەلەس ماتادورس» كومانداسى ءوز قۇرلىق­تارىندا ءبىرىنشى ورىن الىپ, كەلەسى اينالىمعا جولداما العان كوماندالار بولاتىن. ەكى كۇن بويى گۋيانگ قا­لا­سىنا «استانا ارلاندارى» كو­مان­داسىن قولداۋ ءۇشىن سيان قا­لا­سىنان ءبىر تاۋلىك ءجۇرىپ ار­نايى كەلگەن ماقسات ءابدى­قۇلوۆ, باقىتجان اح­مەتوۆ, ايدار ءاب­دى­كارىموۆ, مۇرات مۇناسوۆ پەن شاريوزولا تالاپوۆ سياقتى قازاق ستۋدەنتتەرىنە العىس ايت­قانىمىز ارتىق ەتپەس. ولار از بولسا دا شارشى الاڭنىڭ جا­نىندا كوماندامىزعا بولىسىپ, وتانسۇيگىشتىكتىڭ زور ۇلگىسىن كورسەتتى. دۇنيەجۇزىلىك بوكس سەريا­سى­نىڭ كەزدەسۋلەرى وسىمەن بىتپەيدى. ولار 27-28 مامىر كۇندەرى تاعى جالعاسادى. سول كۇندەرى ءبىزدىڭ قانات ءابۋتالىپوۆ پەن ەرجان ءمۇساپىروۆ وليمپيادا جولداماسى ءۇشىن كۇش سىنا­سادى. وتانداستارىمىزعا  ءساتتى­لىك تىلەيمىز. داستان كەنجالين. گۋيانگ – الماتى – استانا. ______________________ سۋرەتتى تۇسىرگەن ىزتۇرعان الداۋەۆ.