ماقسات – سەنىم شارالارىن نىعايتۋ

جاقىندا قورعانىس مينيسترلىگى جانىنداعى قارۋ-جاراق قىسقارتۋدى جانە ينسپەكتسيالىق قىزمەتتى قامتا­ما­سىز ەتۋدى باقىلاۋ جونىندەگى ورتا­لىق ۇقشۇ اسكەري-ساياساتتىق ولشە­مى شەڭبەرىندە سەنىم مەن قاۋىپ­سىزدىكتى نىعايتۋ شارالارى بويىنشا كەلىسسوزدەر تۋرالى 1999 جىلعى ۆەنا قۇجاتىنىڭ ەرەجەلەرىنە سايكەس گەرمانيا فەدەراتيۆتىك رەسپۋبليكا­سى جانە يتاليا رەسپۋبليكاسى قا­رۋلى كۇشتەرىنىڭ اتالعان اۋدان­دارىندا تەكسەرىستەر وتكىزدى. ۆەنا قۇجاتى ۇقشۇ-نىڭ ەڭ ماڭىزدى قۇرالدارىنىڭ ءبىرى بولىپ تابىلادى جانە وندا جىل سايىنعى اسكەري اقپاراتپەن الماسۋ, مۇشە مەملەكەتتەر اراسىندا اسكەري ىنتى­ماقتاستىق جانە سەنىم مەن اشىق­تىققا مۇمكىندىك تۋعىزاتىن ءىس-شارا­لاردى جۇزەگە اسىرۋ بويىنشا مۇشە مەلەكەتتەردىڭ مىندەتتەرى جازىلعان. قازاقستاننىڭ ينسپەكتسيالىق توپ­تارى گەرمانيا اۋماعىنداعى وبەكتىلەردى, اتاپ ايتقاندا, اقش قۇرلىق اسكەرلەرىنىڭ 5-ءشى ەۋرو­پالىق كورپۋسىن, يتاليا اۋماعىن­داعى وڭتۇستىك ەۋروپا تاكتيكالىق توبىن تەكسەردى. تەكسەرىستەر بارى­سىن­دا قازاقستاندىق اسكەريلەر اتال­عان اۋدانداردا ورنالاسقان اسكەري بولىمدەر تۋرالى بريفينگ ۇسىنىپ, تەحنيكا جانە قارۋ-جاراقتىڭ نەگىزگى ۇلگىلەرىن بايقادى, سونىمەن قاتار وقۋ ءۇردىسى مەن جەكە قۇرامنىڭ كۇن­دەلىكتى قىزمەتىمەن تانىستى, دەپ حابارلادى قر قم-ءنىڭ ءباسپاسوز قىزمەتى.