مارشال مەكتەپتە بولدى

قازاقستان ەلشىلىگىنىڭ ۇي­ىم­­داستىرۋىمەن كەڭەس وداعى­نىڭ مارشالى, كسرو-نىڭ بۇ­رىنعى قورعانىس ءمينيسترى دميتري يازوۆ جاقىندا ءماس­كەۋدەگى  باۋىر­جان مومىش ۇلى اتىنداعى جال­پى ءبىلىم بەرەتىن №  229 ورتا مەكتەپتە بولىپ, وقۋ­شىلارمەن, ۇستازدارمەن, زەلەنوگراد قالاسىنىڭ باسقا دا تۇرعىندارىمەن كەزدەستى. پان­فيلوۆ ديۆيزياسى جاۋىن­گەر­لەرى­نىڭ   ماسكەۋ تۇبىندەگى  ەرلىكتەرى جايىندا  ءجيى ايتىپ, دەرەكتى دۇنيەلەر جازىپ ءجۇر­گەن  مارشال  باۋكەڭ مەكتەبىنە بۇل جولى  اتى اڭىزعا اينال­عان تاعى ءبىر پانفيلوۆشى – قازاقستاندىق  ۆا­سيلي كلوچكوۆ سىندى ساياسي جەتەكشىنىڭ  تۋعانىنا 100 جىل تولۋىنا وراي وتكىزىلگەن ءىس-شا­راعا قا­تى­سۋ ءۇشىن  كەلدى. ۆ.كلوچ­كوۆ­تىڭ ەسىمى  سوعىس جىل­دارىن­دا «رەسەي كەڭ بايتاق, بىراق شەگىنەتىن جەر جوق, ارتىمىزدا ءماس­كەۋ»  دەگەن  سوزدەرى ار­قىلى تانىلعانى بەلگىلى. مەكتەپ ۇستازدارى  مايدانگەر مارشالعا  قازاق باتى­رى­نىڭ ەسىمىن يەلەنگەن ءبىلىم ۇياسىن­داعى جاس ۇرپاقتى پات­ريوت­تىق رۋحتا تاربيەلەۋ  با­عى­تىنداعى   جۇمىستار جاي­ىن­د­ا اڭگىمەلەدى. ال مارشال باتىرعا ارنالعان مۇراجايدى ارالاپ كورىپ, ءوزىنىڭ باۋىر­جان مومىش ۇلىن جاقسى بىلەتىندىگى تۋرالى ايتتى.  مۇ­راجايعا  جاڭا كىتابىن سىيلادى. كەزدەسۋ بارىسىندا د.يازوۆ 1941 جىلعى ماسكەۋدى قورعاۋ شاي­­قاستارىنا كەڭىنەن توقتا­لىپ, گەنەرال ي.پانفيلوۆ باس­قارعان 316-اتقىشتار ديۆي­زيا­سىنىڭ قاھارماندىق جولىن,  بارشا جاۋىنگەرلەردىڭ, سونىڭ ءىشىن­دە باۋىرجان مومىش­ ۇلى­نىڭ  ەرلىك ەڭبەكتەرىن جۇرت­شى­لىق جۇرەگىنە جەتكىزە باياندادى. قازىر ەلشىلىك  وتان سو­عى­سى باستالۋىنىڭ 70 جىل­دى­عىنا  وراي جازىلعان دميتري يازوۆ­تىڭ «پانفيلوۆتسى ۆ بوياح زا رودينۋ» دەپ اتالاتىن ەستەلىك كىتا­بىنىڭ جارىق كورۋىنە   قولداۋ كورسەتۋدە. سەرىكقالي بايمەنشە. ءماس­كەۋ