«كوكتەمدە ارداگەرلەر جاسارادى!»

جەڭىس كۇنى قارساڭىندا قازاقستان رەسپۋبليكاسى پرەزيدەنتىنىڭ تۇڭعىش قورى وسىنداي اتاۋمەن وتان سوعىسىنىڭ ارداگەرلەرىنە ارناپ, مەرەكەلىك شارا وتكىزدى. جىلداعى ءداستۇر بويىنشا وتكەن قاۋىشۋعا قارت مايدانگەرلەر مەن قورمەن ىنتىماقتاسىپ قىزمەت اتقارىپ جۇرگەن «كازاحستانسكايا پراۆدا» گازەتى اتىنداعى مايدان كلۋبىنىڭ مۇشەلەرى شاقىرىلدى. مەرەكەلىك كوڭىل-كۇي ۇقك ءاس­كە­ري ينستيتۋتىنىڭ ۇرمەلى وركەسترى­نىڭ ورىنداۋىنداعى سوعىسقا دەيىنگى جانە سوعىس جىلدارىنداعى اۋەن­دەر­دىڭ ءۇنى ەستىلگەننەن-اق باستالىپ كەتتى. ەسترا­دا ارتىستەرىمەن بىرگە ار­داگەرلەر مەن قو­ناقتار سوعىس جىل­دارىنداعى سۇيىك­ت­ى «قاراڭعى ءتۇن», «كاتيۋشا», «كوك ورامال» ءان­دە­رىن شىرقادى. اندەردى تىڭداعان سايىن جەڭىسكە جەتۋگە رۋح بەرگەن اۋەنمەن سوعىس ۇمىتىلىپ, ماحاببات ەسكە تۇسكەندەي, ارداگەرلەردىڭ جان­دارى جادىراپ سالا بەرسىن. جيىندى اشقان تۇڭعىش پرەزيدەنت قورىنىڭ اتقارۋشى ديرەك­تو­رى بەكتاس مۇحامەدجانوۆ ارداگەرلەردى ۇلى جەڭىس كۇنىمەن قۇت­تىقتاپ, ءوز تىلەگىن ءبىلدىردى. ونىڭ ايتۋىنشا, بيىلعى جىلى قور ارداگەرلەردىڭ 5 كىتابىن جارىققا شىعارعان. «ال­دا­عى ۋاقىتتا تاعى 5 كىتاپتى شىعا­رۋ­دى جوسپارلاپ وتىرمىز. ءبىزدىڭ قور مۇراعاتىندا كەزەگىن كۇتىپ جاتقان كوپتەگەن ماتەريالدار بار», – دەدى ول. سون­داي-اق, جەڭىس كۋاگەرلەرىنە ۇلى وتان سوعىسىنىڭ ارداگەرلەرىنە ار­نال­عان «باتىرلار پورترەتى» اتتى كورمە ۇي­ىمداستىرىپ, مەرەكەلىك داستارقان جاي­ىلدى. ارداگەرلەر جە­ڭىس كۇنىنە جەتپەگەن بوزداق­تاردى ەسكە الدى, ارنايى دايىندالعان سولدات بوتقاسىنان اۋىز ءتيدى. شارا بارىسىندا قازاقستان رەس­پۋب­ليكاسى تۇڭعىش پرەزيدەنتى قو­رى­نىڭ اتىنان سوعىس ارداگەرلەرىنە دا­ري­عا نازارباەۆانىڭ «ەگەر سوعىس بول­ما­عان­دا» كونتسەرتىنىڭ DVD-ديس­كىلەرى تاپ­سى­رىلىپ, سىيلىقتار مەن گۇلدەر سىي­لان­دى. اتالمىش قور وتان سوعىسىنىڭ ارداگەرلەرىنە ار­نال­عان قايىرىمدى­لىق شارالارىن ودان ءارى جالعاستىرۋدا. الداعى كۇندەرى ەلى­مىزدىڭ ءىرى بەس قالاسىندا كلاسسيكالىق مۋزىكادان قايىرىمدىلىق كونتسەرتىن وتكىزبەك. گۇلزەينەپ سادىرقىزى. الماتى.