زاڭ جوبالارىنىڭ دايىندىعى قارالدى

كەشە پارلامەنت ءماجىلىسىنىڭ توراعاسى ورال مۇحامەد­جا­نوۆتىڭ جەتەكشىلىگىمەن پالاتا بيۋروسىنىڭ كەزەكتى وتىرىسى ءوتتى, دەپ حابارلادى ءماجىلىستىڭ ءباسپاسوز قىزمەتى. پالاتانىڭ ەكونوميكالىق رەفورما جانە وڭىرلىك دامۋ كوميتەتى «مۇناي ونiمدەرiنiڭ جەكەلەگەن تۇرلەرiن ءوندiرۋدi جانە ولاردىڭ اينالىمىن مەملە­كەت­تiك رەتتەۋ تۋرالى», «تابيعي مونوپوليالار جانە رەتتەلەتىن نا­رىقتار تۋرالى» زاڭعا تۇزەتۋلەر ەنگىزۋدى كوزدەيتىن زاڭ جوبالارى دەپۋتاتتاردىڭ تالقىسىنا شى­عا­رىلاتىنىن حابارلادى. پالاتانىڭ حالىقارالىق ىستەر, قورعانىس جانە قاۋىپسىزدىك كوميتەتى «بەلارۋس رەسپۋبليكا­سىن­داعى, قازاقستان رەسپۋبليكا­سىن­داعى جانە رەسەي فەدەراتسيا­سىنداعى تەحنيكالىق رەتتەۋدىڭ بىرىڭعاي قاعيداتتارى مەن قا­عي­دالارى تۋرالى كەلىسىمدى راتيفيكاتسيالاۋ تۋرالى», «تاريفتىك ساياسات نەگىزدەرىن قوسا العاندا, تەمىر جول كولىگىنىڭ قىزمەت­تە­رى­نە قول جەتكىزۋدى رەتتەۋ تۋرالى كەلىسىمدى راتيفيكاتسيالاۋ تۋرا­لى» ەكى زاڭ جوباسى كۇن ءتارتى­بى­نە ەنگىزۋگە دايىن ەكەنىن ءما­لىم­دەدى. سونىمەن قاتار, «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ادۆوكاتۋرا ماسەلەلەرى بويىنشا وزگە­رىستەر مەن تولىقتىرۋلار ەنگىزۋ تۋرالى» زاڭ جوباسىمەن جۇمىستى جالعاستىرۋ جونىندە شەشىم قابىلداندى.