قازاقستاندىق ارداگەرلەرمەن كەزدەستى

رەسەيدەگى قازاقستان ەلشىلىگىندە جەڭىس كۇنى قارساڭىندا ءداستۇرلى قابىلداۋ وتكىزىلىپ, ەلشى زاۋىتبەك تۇرىسبەكوۆ ماسكەۋدە تۇراتىن قازاقستاندىق ارداگەرلەرمەن, ۇلى وتان سوعىسىنا قاتىسۋشىلارمەن كەزدەستى. ەلشى ارداگەرلەردى مەرەيلى مە­رەكەمەن قۇتتىقتاپ, حالىقتىڭ قاھارماندىق ەرلىگىمەن, مايدانگەر بۋىننىڭ تەڭدەسسىز ەڭبەگىمەن قول جەتكەن ۇلى جەڭىستىڭ تاريحي تاعىلىمىنا توقتالىپ, وسىناۋ ورتاق جەڭىسكە قازاقستاندىقتار قوسقان قوماقتى ۇلەس جايىندا كەڭىنەن اڭگىمەلەدى. «اعا ۇرپاق­تىڭ جاۋىنگەرلىك ەرلىگى مەن اي­نى­ماس وتانشىلدىعى بۇگىنگى تاڭداعى وسكەلەڭ ۇرپاقتىڭ وتان­عا دەگەن سۇيىسپەنشىلىگىنە ۇلا­سۋ­دا. سىزدەر رەسەيدە تۇرساڭىزدار دا, تاۋەلسىز قازاقستاندا بولىپ جاتقان تۇبەگەيلى وزگەرىستەردى, ەلىمىزدىڭ وركەنيەتتى وركەندەۋ ءورىسىن كورىپ, ءبىلىپ وتىرسىزدار, ەلشىلىك جانىنداعى قازاق­ستان­دىق ارداگەرلەر كەڭەسىنىڭ جۇمى­سىنا بەلسەنە قاتىسىپ ءجۇر­سىز­دەر», دەدى ول. قابىلداۋعا قاتىسىپ, ءسوز سويلەگەن 96 جاستاعى سوتسياليستىك ەڭبەك ەرى الەكساندر ەجەۆسكي, ۇلى وتان سوعىسىنا قا­تىس­قان, بۇگىندە جاسى 89-عا جەتىپ وتىرعان اكىمجان مۇحامەد­جانوۆ, سونداي-اق ۆالەنتين مەسياتس, اسقار تۇرالين, ۆالەري تەمىرباەۆ, گۇلجاميلا نۇربەكوۆا, قايدار قۇماربەكوۆ جانە باسقا دا ارداگەرلەر قازاقستان مەن رەسەي اراسىنداعى سان-سالالى جەمىستى قارىم-قاتىناستاردىڭ ءبۇ­گىن­گى تاڭداعى دامۋ بارىسى تۋ­رالى سۇيسىنە ايتىپ, ارداگەرلەرگە ىقىلاسپەن كوڭىل ءبولىپ وتىر­عانى ءۇشىن قازاقستان پرەزيدەنتى ن.ءا.نازارباەۆقا, ەلشىلىككە ريزاشىلىقتارىن ءبىلدىردى. قابىلداۋ سوڭىندا ارداگەرلەرگە ەسكەرتكىش سىيلىقتار تاپ­سىرىلدى. سەرىكقالي بايمەنشە. ماسكەۋ.