مەرەي وسىرگەن مەرەكەلىك كونتسەرت

كەشە مەملەكەت باسشىسى – قارۋلى كۇشتەردىڭ جوعارعى باس قولباسشىسى نۇرسۇلتان نازارباەۆ ەلورداداعى بەيبىتشىلىك جانە كەلىسىم سارايىندا وتكەن وتان قورعاۋشىلار كۇنىنە ارنالعان مەرەكەلىك كونتسەرتتى تاماشالادى. مەملەكەتىمىزدىڭ قارۋلى كۇش­تەرىنىڭ اسكەري كوركەم­ونەر­پازدار ۇجىمىنىڭ بۇل كونتسەرتى جيىلعان جۇرتتىڭ وتانشىلدىق رۋحىن وياتىپ, ەرەكشە اسەرگە بولەدى. وسى ارادا مىنا ءبىر نارسەنى قا­داپ ايتا كەتسەك دەيمىز. مەرەكەلىك كونتسەرتتە تۇڭعىش رەت تەك اسكەري قىزمەتشىلەردەن قۇرال­عان ونەرپازدار ساحنانىڭ ءسانىن كىرگىزدى. قاس قاقپاي تۇرىپ, ەل ازا­ماتتارىنىڭ تىنىشتىعىن قور­عاپ, وتانعا قىزمەت ەتۋدىڭ ۇلگىسىن كورسەتىپ جۇرگەن ازامات­تاردىڭ ساحنا تورىنەن ورىن­دالعان ءاربىر شىنايى شىعار­ماسى ءدان ريزا ەتتى. تەك قانا كونتسەرتتىك باع­دار­لاما ەمەس, سونىمەن قاتار, فوتو­كورىنىستەر, دەرەكتى كينولەنتا­لا­رى وتانىمىزدىڭ قارۋلى كۇش­تەرىنىڭ ارعى-بەرگى كەزەڭدەرىنەن حابار بەرسە, جاڭا تەحنيكا, تەحنولوگيا, ساربازدارىمىزدىڭ حا­لىقارالىق جاتتىعۋلارعا قا­تىس­قان تۇستاعى ەرەكشە كوزگە تۇسكەن ەرلىكتەرى جۇرت نازارىن اۋداردى. ەڭ باستىسى – مەرەكەلىك كونتسەرت ءومىردىڭ وزىندەي اسەرگە بولەدى. اسكەري تىرلىك تىنىس پەن ونەر ۇشتاسقان تۇستا ادام بول­مىسى ەرەكشە سەرپىلەدى ەكەن. كو­رەرمەندەرگە وسى ءسات قازاق ەلى اسكەرى تەك جاۋىنگەرلىك-شە­بەرلىك بويىنشا عانا ەمەس, شى­عار­ماشىلىق سالادا دا ماقتانا الاتىنىن دايەكتەدى. مىسالى, «قىران» اەروۇتقىر اسكەرىنىڭ ورىنداۋىنداعى «ارنايى تاپ­سىرما» ءبيى, سول سەكىلدى «ساردارلار زايىبى» بي ۇجىمىنىڭ ورىنداعان دۇنيەلەرى دە زال ءىشىن ءدۇر سىلكىندىردى. وسى ارادا وتان قارۋلى كۇشتەرىنىڭ قۇرامىندا نازىك جاندى مىڭداعان ازامات­شا­لاردىڭ ساربازدار ساپىندا جۇرگەنىن ايتا كەتكەنىمىز ءلازىم. سولاردىڭ اراسىنان لەيتەنانت ولگا تسەگيلنيك قازاقتىڭ حا­لىق ءانى «دەي سالدىم-ايدى» اۋە­لەتكەندە ونىڭ اشىق داۋىسى كىم­دى دە بولسا ءتانتى ەتپەي قوي­مادى. بۇدان وزگە دە تىڭداۋ­شى­لاردىڭ رۋحىن وياتىپ, جان ءدۇ­نيەسىنە سەرپىلىس اكەلگەن نەبىر دۇنيەلەر ساحنا تورىنەن ايتى­لىپ جاتتى. اعا لەيتەنانت ءبىرجان مۇ­كامانوۆ «شاپىراشتى ناۋرىز­باي» اتتى كورىنىستى جۇرت نازا­رىنا ۇسىنسا, اعايىندى باعلان مەن ەرلان ەسباەۆتار «گۆارديا قاناتى» اتتى تەڭىزشىلەر ءبيىن ورىندادى. سول سەكىلدى «35-ءشى دەسانتتار بريگاداسىنىڭ ءانۇرا­نى» دا شىرقالدى. وتان قورعاۋشىلار قاشاندا ۇلگى تۇتۋعا جانە قۇرمەتكە لاي­ىق. ولار وتاندى ءسۇيۋدىڭ, وتان­عا قىزمەت ەتۋدىڭ ۇلگىسى عانا ەمەس, ۇلت ماقتانىشى, ءارى ولشە­مى. مەرەكەلىك شارانىڭ وسىلاي­شا جوعارى دارەجەدە وتكىزى­لۋى­نىڭ نەگىزىندە وسكەلەڭ ۇرپاققا پاتريوتتىق تاربيە بەرۋ, بەيبىتشىلىك پەن كەلىسىمدى نىعايتا وتى­رىپ, ولاردىڭ ساناسىنا ءسى­ڭىرىپ جاتقانى بەلگىلى. تاۋەلسىز­دى­گىمىزدىڭ 20 جىل­دىعىنا ولار­دىڭ قوسقان ۇلەسى ەرەن. ءسويتىپ, قازاق ەلى ارميا­سى­نىڭ 19 جىلدىعىنا ارنالعان مە­رەكەلىك كونتسەرت ساحناسىنىڭ تورىندە كوپشىلىككە بەلگىلى جوعا­رى رۋحتى ءان مەن بيلەر ورىن­دا­لىپ, ار مەن نامىستى بيىك ۇس­تاۋدىڭ ۇلگىسى كورسەتىلدى. مۇن­داي ونەر كەشىنە مەملەكەتىمىزدىڭ ءار وڭىرىنەن كەلگەن ساربازدار قاتىسىپ, وزدەرىنىڭ سەگىز قىرلى, ءبىر سىرلى ەكەنىن كورسەتتى. سۇلەيمەن مامەت.