اقش نىساندارىنىڭ كۇزەتىن كۇشەيتەدى

گەرمانيا ىشكى ىستەر ءمينيسترى حانس-ديتەر فريدريح وساما بەن لادەننىڭ ولتىرىلۋىمەن بايلانىستى گفر اۋماعىنداعى اقش مەكەمەلەرىنە تەراكت جاسالۋ ىقتيمالدىعى ارتادى دەپ كۇتىلەتىندىكتەن, كۇزەت قىزمەتى كۇشەيتىلەتىنىن مالىمدەدى. مينيستر سونداي-اق اڭگىمە بارلىق نىسانداردى كۇزەتۋ تۋرالى بولىپ وتىرماعانىن كولدەنەڭ تارتادى. ونىڭ سوزىنە قاراعاندا, الدىمەن اقش-تىڭ قانداي مەكەمەلەرى قورعاۋدى اسا قاجەتسىنەتىنى جونىندە ەگجەي-تەگجەيلى تەكسەرۋلەر جۇرگىزىلەتىن بولادى. شەشىم سودان كەيىن بارىپ قانا قابىلدانادى. اق ءۇي شەشىمىن «پيراتتىق» دەپ اتادى ليۆيا ۇكىمەتى اقش-تىڭ مۋاممار كاددافيدىڭ «قاماۋداعى» ەسەپ-شوتتا­رىن­داعى اقشانى ەرەۋىلشىلەرگە بەرۋ ىقتي­مالدىعىن «پيراتتىق» ارەكەت دەپ با­عا­لادى. اقشانى حالىققا بەرۋ ىق­تي­مال­دى­عى تۋرالى اقش-تىڭ مەملەكەتتىك حات­شى­سى حيللاري كلينتون جاريا ەتكەن بولاتىن. بۇل جەردە اڭگىمە 90 ميلليارد اقش دوللارى تۋرالى بولىپ وتىر. «قاماۋداعى» بۇل مول اقشانىڭ 30 ميللياردى قۇراما شتاتتارداعى, ال 60 ميللياردى ەۋرووداق ەلدەرىندەگى ەسەپ-شوتتاردا تۇرعان كورىنەدى. م.كاددافيگە, ليۆيا ۇكىمەتىنىڭ مۇشەلەرىنە قاتىستى قارجى سانكتسياسىن اقش ۇستىمىزدەگى جىلدىڭ 25 اقپانىندا ەنگىزگەن-ءتىن. قۇراما شتاتتارعا جيھاد جاريالادى پاكستاندا جۇزدەگەن ادام كوشەلەرگە شىعىپ, وساما بەن لادەنگە ارنالعان دەمونستراتسيالارعا قاتىستى. ميتينگشىلەر بەن لادەندى قولداعان جانە اقش-قا قارسى «قاسيەتتى سوعىس» جاريالاعان ۇراندار ايتىپ, قۇراما شتاتتاردىڭ جالاۋىن ورتەدى. دەمونستراتسيالاردى تاليبتەر يدەياسىن جاقتايتىن «جاميات-ۋلەما-ە-يسلام» پارتياسى ۇيىمداستىردى. ميتينگتى ۇيىمداستىرۋشىلار بەن لادەننىڭ ءولتىرىلۋى اقش-قا قارسى «قاسيەتتى سوعىستىڭ» جاڭا تولقىنىنا الىپ كەلەدى دەپ ەسەپتەيدى. ولاردىڭ پىكىرىنشە, بۇل ءولىم بۇكىل مۇسىلمانداردى ۇيقىسىنان وياتتى. ورىس ۇلتشىلدارى جاڭا قوزعالىس قۇردى «سلاۆيان كۇشى» ۇيىمىنىڭ سەركەسى دميتري دەمۋشكين «ورىستار» دەپ اتالاتىن ۇلتشىلدار بىرلەستىگى قۇرىلعانى تۋرالى حابارلادى. اتال­عان ۇيىمدى قۇرۋعا د.دەمۋشكيننەن باسقا ورىس حالقى وداعىنىڭ باس­شىسى الەكساندر تۋريك قاتىسقان. سونىمەن قاتار, ورىس يمپەريالىق قوزعالىسىنىڭ كوسەمى ستانيسلاۆ ۆوروبەۆ جانە باسقالار ءوز ۇلەستەرىن قوسقان كورىنەدى. ۇيىمنىڭ جەتەكشى ورگانى ۇلت كەڭەسى بولماق. ول اۋىسپالى نەگىزدە باسقارىلادى. سونداي-اق, د.دەمۋشكين باسقاراتىن جوعارى ۇلتتىق كەڭەس تە جۇمىس ىستەمەك. وباماعا شاعىمدانعان ارداگەرگە – پاتەر سانكت-پەتەربۋرگ  باسشىلىعى تاياۋدا اقش پرەزيدەنتى باراك وبامادان جاردەم سۇراعان, ونىسى 5 مامىر كۇنى جۇرتشىلىقتىڭ قۇلاعىنا جەتكەن ۇوس ارداگەرى انتون كاراۆانەتستى باسپانامەن قامتاما­سىز ەتەتىن بولدى. وعان الەۋمەتتىك ۇيلەردىڭ بىرەۋى تيمەك. 1945 جىلدىڭ تامىزىندا ا.كاراۆانەتس جاپونيامەن سوعىسقا قاتىسىپ, اقش اسكەريلەرىن تۇتقىننان بوسا­تىس­قان. سول شاقتا اقش ارمياسىنىڭ باسشىسى ريزاشىلىق بەلگىسى رەتىندە كەڭەستىك سولداتتارعا امەريكادا تۇرۋ تۋرالى ۇسىنىس جاساعان ەكەن. ولار باس تارتىپتى. بەلگىسىز سەبەپتەرمەن ءۇيسىز-كۇيسىز جۇرگەن قارت جاۋىنگەر جانى قىسىلعاندا 66 جىل بۇرىنعى ۇسىنىستى ەسىنە تۇسىرسە كەرەك. ميلليونىن كىمگە اپارماق بولدى ەكەن؟ وزبەك شەكاراشىلارى تاجىكستانعا زاڭسىز نەگىزدە اسا مول سوماداعى اقشا الىپ وتپەكشى بولعان ادامدى ۇستادى. قولعا تۇسكەن رۋستام مۋمينوۆ دەگەن الدەبىرەۋدەن 961,5 مىڭ دوللار, 54,8 مىڭ ەۋرو جانە شامامەن 2 ميلليون رەسەي ءرۋبلى الىنعان. ر.مۋمينوۆتىڭ وزبەكستان ازاماتتىعى بار ەكەن. ونىڭ نەمەن اينالىساتىنى تۋرالى اقپارات جوق. ازىرشە اقشانى تاجىكستانعا قانداي ماقساتپەن جەتكىزبەكشى بولعانى دا بەلگىسىز. ر.مۋمينوۆتىڭ ۇستىنەن «شەتەلگە زاڭسىز شىعۋ» جانە «كەدەن زاڭدىلىعىن بۇزۋ» دەگەن باپتار بويىنشا قىلمىستىق ءىس قوزعالدى. قىسقا قايىرىپ ايتقاندا: گەرمانيا ۇكىمەتى ناتو قۇرامىندا كوسوۆوداعى بۋندەسۆەر ميسسياسىنىڭ مانداتىن ءبىر جىلعا ۇزارتۋ تۋرالى شەشىم قابىلدادى. بۇگىندە كوسوۆوداعى گفر كونتينگەنتىنىڭ سانى 2500 ادامدى قۇرايدى. وكلاحوما شتاتىندا فەدەرالدى تەرگەۋ بيۋروسى (فتب) بىلتىر فلوريداداعى مەشىتتى جارعان كۇدىكتىنى ۇستاپ, اتىپ ولتىرگەن. 46 جاستاعى سەندلين سميت تۇتقىنداۋ ارەكەتى كەزىندە وققا ۇشقان. زاڭسىز ويىن بيزنەسىن بۇركەمەلەگەندەرى ءۇشىن 15 ميلليون رۋبلدەن استام پارا الدى دەگەن كۇدىكپەن ءبىر توپ ماسكەۋلىك پروكۋرورلار تۇتقىندالدى. ارالارىندا جوعارى شەندى شەنەۋنىكتەر دە بار. كەشە ەرتەڭگىسىن بىشكەك شاعىن اۋداندارىنىڭ بىرىندە ورنالاسقان مەكتەپ اۋلاسىنان قولدان جاسالعان جارىلعىش قۇرىلعى تابىلعان. ساپەرلەر بومبانى دەر كەزىندە زالالسىزداندىرىپ ۇلگەرگەن. رەسەي ليبەرال-دەموكراتيالىق پارتياسىنىڭ بەلسەندىلەرى باتىستىڭ ليۆياداعى اسكەري وپەراتسيالارىنا قارسى پيكەت وتكىزدى. شاراعا ۆ.جيرينوۆسكي پارتياسىنىڭ شامامەن 10 مىڭ ادامى قاتىستى. ماسكەۋ تۇبىندەگى مالاحوۆ اۋدانىندا ۆەتنامنان كەلىپ, جۇمىس ىستەپ جاتقان 510 زاڭسىز ميگرانت ۇستالعان. ولار ءتۇرلى فيرمالار جالعا الىپ وتىرعان فيرما اۋماعىنداعى زاۋىتتان تابىلعان. جاعدايلارى, تۇرمىستارى وتە اۋىر كورىنەدى. ينتەرنەت ماتەريالدارى نەگىزىندە ازىرلەندى.