«قازاگروقارجى» اوك قارجىلاندىرۋ مولشەرلەمەسىن تومەندەتپەكشى

«قازاگروقارجى» اگروونەر­كاسىپ­تىك كەشەن سۋبەكتىلەرىن قارجىلان­دىرۋ مولشەرلەمەسىن تومەندەتۋ ءجو­نىن­دە حابارلايدى. بيىلعى جىلدىڭ مامىر ايىنان باستاپ, كومپانيانىڭ مەنشىكتى قاراجاتى ەسەبىنەن قارجى­لان­دىرۋ مولشەرلەمەسى 11,5 پا­يىز­دان 9 پايىزعا دەيىن تومەندەيدى. سونىمەن بىرگە «قازاگروقارجى» اق ديرەكتورلار كەڭەسىنىڭ شەشىمىمەن بۇرىن جاسالعان ليزينگ شارت­تارى بو­يىنشا پايىزدىق مولشەرلە­مەلەر قاي­­تا قارالاتىن بولادى. مى­سالى, كوم­پانيا 2011 جىلى مەنشىكتى ءوز قا­را­جاتى ەسەبىنەن ليزينگ شارت­تارىندا قارجىلان­دىرعان شارۋاشى­لىقتار مەن اگروقۇ­رىلىمدار ءۇشىن مولشەر­لە­مەلەردىڭ ءمانىن 11,5 پايىز­دان 10,5 پايىزعا دەيىن قايتا قاراۋدى كوزدەپ وتىر. 2009 جىلدىڭ تالاپتا­رىنداعى ليزينگ شارت­تارى بويىنشا 12,5 پا­يىزدان 10,5 پايىزعا دەيىن قايتا ەسەپتەلمەك بولىپ جوسپارلانۋدا. وسى اپتانىڭ باسىندا كەيبىر ەلەك­تروندىق باق «اتامەكەن وداعى» ۇلتتىق ەكونوميكالىق پالاتاسىنىڭ باسقارما توراعاسى ازات پەرۋاشەۆتىڭ «قازاگرو» ۇلتتىق باسقارۋشى حولدينگ» اق اتىنا جولداعان جولدا­نىمى جاريالانعان بولاتىن (http://nomad.su/?a=4-201105030022). حاتتا «قاز­اگرو­قارجى» اق تىركەلگەن سىي­اقى مولشەرلەمەسىن 11,5 پايىزعا دەيىن كو­تەرۋىنە قاتىستى اۋىل كاسىپ­كەرلەرىنىڭ الاڭداۋشىلىقتارى ءجونىن­دە ءسوز قوز­عالعان. مۇمكىن, «اتامەكەن وداعى» باسشىسىنا انىق كوزدەردەن الىنعان مالىمەتتەر بەرىلمەگەن بولار. 11,5 پايىز مولشەرلەمەسى «قازاگرو­قار­جى» اكتسيونەرلىك قوعامىندا ەكى جىل بويىنا قولدانىلىپ كەلەدى جانە 2010 جىلدان باستاپ وزگەرىسسىز قال­عانىن ايتا كەتكەنىمىز ءجون.  2009 جىلى كوم­پانيانىڭ مەنشىكتى قارا­جاتى ەسەبىنەن قارجى ليزينگىسى 12,5% قارجىلاندىرۋ مولشەرلەمەسى بويىن­شا بەرىلگەن. بۇل مولشەرلەمەلەردىڭ ماندەرى كرەديتور-بانكتەردىڭ الدىن­داعى تالاپتاردى ورىن­داۋ قاجەت­تىلى­گىنە نەگىزدەلگەن.  قا­زىرگى كەزدە «قاز­اگرو­قارجى» كومپا­نياسى ولاردىڭ ال­دىنداعى مىندەتتەمەلەردى مەرزىمىنەن بۇرىن ءارى تولى­عىمەن وتەۋ ءمۇم­كىندىگىن قاراستىرۋ ۇستىندە. وسىنىڭ نەگىزىندە, سونداي-اق, كومپانيا قىزمەتىنىڭ الەۋمەتتىك-باعدار­لانعان باعىتتىلىعىن جانە وتاندىق اوك دامىتۋ بويىنشا مىندەتىن ەسكەرە كەلىپ, «قازاگروقارجى» مەنشىكتى ءوز قاراجاتى ەسەبىنەن قارجىلاندىرۋ ءمول­شەر­لەمەسىن تومەندەتپەكشى بولىپ وتىر. جالپى, «قازاگروقارجى» اق ەلى­مىزدىڭ اگروونەركاسىپتىك كەشەن سۋب­ەك­­تىلەرىن قارجىلاندىرۋ بويىنشا 2011 جىلعا ارنالعان شارتتارى كەلەسىدەي: - رەسپۋبليكالىق بيۋدجەت قارا­جاتى ەسەبىنەن قارجىلاندىرۋ:  سىي­اقى مولشەرلەمەسى – جىلدىق 4 پايىز,  7-10 جىلعا دەيىن. -  مەنشىكتى قاراجاتى ەسەبىنەن قارجىلاندىرۋ: سىياقى مولشەر­لەمە­سى – 9 پايىز,  7-10 جىلعا دەيىن. - تارتىلعان (قارىز) قارا­جات­تارى ەسەبىنەن قارجىلاندىرۋ: سىي­اقى ءمول­شەرلەمەسى – 9,9 پايىز, 10 جىلعا دەيىن. - اۋىلداعى ينۆەستيتسيالىق جو­بالاردى (ۇلتتىق قور قاراجاتى ەسەبىنەن) قارجىلاندىرۋ: سىياقى ءمول­شەرلەمەسى – 6 پايىز,  5-12 جىلعا دەيىن, نەگىزگى بورىشتى وتەۋ بويىنشا 2-جىلدىق جەڭىلدىكتى كەزەڭمەن. «قازاگروقارجى» اق قاراجات­تا­رى رەسپۋبليكا شارۋاشىلىقتارى مەن اگرو­قۇرىلىمدارىنىڭ اۋىل شارۋا­شىلىعى تەحنيكالارى پاركىن جاڭار­تۋى ءۇشىن, ءار ءتۇرلى وڭدەۋ جابدىق­تارىن ساتىپ الۋى ءۇشىن جانە ەلىمىز­دىڭ اۋىل شارۋاشىلىعىنداعى جوبا­لار­دى ىسكە اسىرۋى ءۇشىن كوزدەلگەن. «قازاگروقارجى» اق – قازاقستان رەسپۋبليكاسى ۇكىمەتىنىڭ قاۋلىسىمەن 1999 جىلى قۇرىلعان كومپانيا. نەگىزگى ماقساتى – اۋىل شارۋاشىلىعى تاۋار وندىرۋشىلەرىنە قارجى قاراجات­تارىن, سونىمەن قاتار ليزينگ نەگىزىندە اۋىل شارۋاشىلىعى تەحنيكالارى مەن تەح­نولوگيالىق جابدىقتارىن الۋ­عا قولاي­لى جاعداي جاساي وتىرىپ, رەس­پۋب­ليكانىڭ اگرارلىق سەكتورىن دا­مىتۋعا قولداۋ جاساۋ.  2000-2010 جىل­دار ارا­لىعىندا قازاقستان رەسپۋبلي­كاسىنىڭ اگروونەركاسىپتىك كەشەنىنە 193,2 ملرد. تەڭگە قارجى ينۆەستيتسيا­لادى, سونىمەن قاتار جالپى سوماسى 126,3 ملرد.تەڭگەگە 16 046 بىرلىك ءار ءتۇرلى اۋىل شارۋا­شى­لىعى جانە ارناۋ­لى تەحنيكالار ساتىپ الۋعا قارجىلاندىردى.