ەلوردادا ماتەماتيكا ءپانى مۇعالىمدەرىنىڭ سەزى وتپەك

بۇل سەزدىڭ ماقساتى – قازىرگى قوعام قاجەتسىنىپ وتىرعان تالاپ­تارعا سايكەس, ماتەماتيكالىق ءبىلىم بەرۋ ءىسىن جاڭعىرتۋ. بۇل تۋرالى ءبىلىم جانە عىلىم مينيسترلىگىندە وتكەن بريفينگتە اي­تىلدى. بريفينگتە مەكتەپكە دەيىنگى جانە ورتا ءبىلىم دەپارتامەنتىنىڭ ديرەكتورى ب.كارىپجانوۆ القالى جيىنعا دايىن ەكەندىگىن ايتا كەلە: «ءبىلىم بەرۋ دەپارتامەنتى وسى جىلى ماتەماتيكا پانىنە ەرەكشە ءمان بەرىپ وتىر. اتالمىش سەزدە ماتەماتيكاعا قاتىستى كوپتەگەن ماسەلەلەر قاراستىرىلادى. دەپارتامەنت 2011-2020 جىلدارعا ارنال­عان ءبىلىم باعدارلاماسىنىڭ شەڭ­بە­رىندە 2012 جىلدى فيزيكا مەن ينفورماتيكا پاندەرىنە, 2013 جىل­دى حيميا جانە بيولوگيا پاندەرىنە ارنايتىن بولادى», دەدى. سەزد «قازاقستان مەكتەپتەرىندە ماتەماتيكالىق ءبىلىم بەرۋ ءىسىن دامىتۋ: قازىرگى جاي-كۇيى مەن دامۋ بولاشاعى» دەگەن تاقىرىپتا بولاتىن سەزد 11-12 مامىر كۇندەرى وتپەك. كىمدەر قاتىسادى دەگەنگە كەلەتىن بول­ساق, بارلىق وبلىستار مەن قالا­لار­دا, ءساۋىر ايىندا وتكەن كونفەرەنتسيالاردا جالپى ءبىلىم بەرەتىن مەكتەپتەر مەن كاسىپتىك ليتسەيلەر­دىڭ مۇعا­لىمدەرى, جوعارى وقۋ ورىندارى مەن كوللەدج وقىتۋشى­لارى ارا­سىنان 500 دەلەگات ساي­لانعان بو­لاتىن. ولارمەن قوسا رەسمي ادامدار, اتاپ ايتقاندا رەسەي, بولگاريا, تاعى باسقا مەملەكەتتەردەن 1000-عا جۋىق ازاماتتار قاتىسا­تىن كورىنەدى. ماتەماتيكا ءپانى مۇعالىمدە­رىنە ارنالعان ءى سەزدىڭ دەلەگات­تارى ءۇشىن ارنايى مادەني باعدار­لاما دا جوسپارلانىپتى. سەزدىڭ قورىتىندى ماتەريالدارى جيناق بولىپ جارىق كورەدى ەكەن. جۇلدىز ءبايدىلدا.