ارداگەرلەرىن ارداقتادى

كەشە باس پروكۋراتۋرادا جەڭىس جانە وتان قورعاۋشىلار كۇنىنە ارنالعان سالتاناتتى جينالىس بولىپ ءوتتى. ۇلى وتان سوعىسىندا شايقاسقان جانە تىلدا جەڭىستى جاقىنداتۋعا كومەكتەسكەن پروكۋراتۋرا ورگاندارىنىڭ 19 ارداگەرى مەرەكەلىك ءىس-شارانىڭ قۇرمەتتى قوناقتارى رەتىندە قاتىستى. ەلىمىزدىڭ باس پروكۋرورى اسحات داۋىلباەۆ ارداگەرلەردى جە­ڭىس­تىڭ 66 جىلدىعىمەن قۇتتىق­تاپ, ماي­دان­داعى جانە تىلداعى ەرلىكتەرى ءۇشىن ولارعا تەرەڭ العىس سەزىمدەرىن جەتكىزدى. بارلىق ۇر­پاقتار ءۇشىن 9 مامىر ءبىزدىڭ حال­قىمىزدىڭ وتانعا دەگەن شەكسىز سۇيىسپەن­شىلى­گىنىڭ, قاھارماندىعى مەن ەرلىگىنىڭ ماڭگىلىك بەلگىسى رەتىندە قالاتىن ەرەكشە جارقىن مەرەكە, دەدى ول. پروكۋراتۋرا قىزمەتكەرلەرىنىڭ جارتىسىنا جۋىعى سۇراپىل سو­عىس­قا اتتانسا, ولاردىڭ كوپشىلىگى مايدان دالاسىنان ورالمادى. كوپ­تەگەن ارداگەرلەر تىل ەڭبەك­كەرلەرى رەتىندە سوعىس كەزىندە اسا قاجەتتى جۇمىستاردى ىستەپ, ايانباي تەر توكتى. تەرەڭ قۇرمەت جانە ريزاشى­لىق بەلگىسى رەتىندە باس پروكۋرور سوعىس ارداگەرلەرى مەن تىل ەڭبەك­كەرلەرىنە ۆەدومستۆولىق ناگرادالار مەن قۇندى سىيلىقتار تاپسىر­دى. ارداگەرلەر وزدەرىنىڭ جاس ءارىپ­تەستەرىن قۇتتىقتاپ, پرو­كۋرور­لاردىڭ جاس بۋىنىنا وتان ءۇشىن وت كەشكەندەردى ەستە ساقتاپ, سولارعا لايىقتى قىزمەت ىستەۋدى, پروكۋ­رور­لىق كاسىپتىڭ جاقسى ءداس­تۇر­لەرىن ساقتاۋدى جانە دامى­تۋدى تىلەدى. وتان قورعاۋشىلار كۇنىنە وراي قازاقستان رەسپۋبليكاسى پرە­زي­دەن­تىنىڭ جارلىعىمەن باس پروكۋرور اسحات داۋىلباەۆقا 2-سىنىپتى مەم­­لەكەتتىك ادىلەت كەڭەسشىسى سى­نىپتىق شەنى جانە باس پروكۋ­روردىڭ ورىن­باسارى بەرىك اسى­لوۆقا 3-سىنىپتى مەملەكەتتىك ءادى­لەت كەڭەسشىسى سىنىپ­تىق شەنى تاپسىرىلدى. ءمىنسىز قىزمەت ەتكەندەرى جانە زاڭدىلىق پەن قۇقىق ءتارتىبىن قام­تاماسىز ەتۋگە ۇلەس قوس­قان­دارى ءۇشىن باس پروكۋرور پروكۋراتۋرا ورگان­دارىنىڭ 82 قىزمەت­كەرىنە ۆەدوم­ستۆولىق ناگرادالار تابىس ەتتى. ارداگەرلەردىڭ استاناداعى مەرە­كەلىك باعدارلاماسىندا «وتان قور­عاۋ­شىلار» مونۋمەنتىنە گۇل شوق­تارىن قويۋ ءراسىمى, بەيبىتشىلىك جانە كەلىسىم سارايىن­داعى مەرەكەلىك كونتسەرتكە قاتىسۋ جانە ەلور­دانىڭ كورىك­تى جەرلەرىن ارالاۋ جوسپار­لانعان. «ەگەمەن-اقپارات».