حالىقارالىق زاڭ جوبالارى قولداۋ تاپتى

كەشە سەنات توراعاسى قايرات ءماميدىڭ جەتەكشىلىگىمەن ءوت­كەن پالاتانىڭ كەزەكتى وتىرىسىندا ءتورت ماسەلە دەپۋتاتتار نا­زارىنا ۇسىنىلدى. سونىڭ ەكەۋى كەلىسىمدەردى راتيفي­كا­تسيا­لاۋ­عا بايلانىستى زاڭدىق قۇجاتتار بولىپ تابىلادى. ءبىرىنشى بولىپ كۇن تارتىبىندە «قازاقستان رەسپۋبليكاسىنىڭ ۇكى­مەتى مەن كورەيا رەسپۋب­لي­كا­سى­نىڭ ۇكىمەتى اراسىنداعى كورەيا رەسپۋبليكاسى ديپلوما­تيا­لىق وكىلدىكتەرىنىڭ عيماراتتارىن سالۋ ءۇشىن استانا قالاسىندا جەر ۋچاسكەلەرىن بەرۋ تۋرالى كەلىسىمدى راتيفيكاتسيالاۋ تۋرالى» زاڭ جوباسى قارالدى. ول بويىنشا بايانداما جاساعان سىرتقى ىستەر مينيسترلىگىنىڭ جاۋاپتى حات­شى­سى ءراپىل جوشىباەۆ استانا قا­لا­سىنان كورەيا ەلشىلىگىن سالۋعا 1 گەكتار جانە ەلشى رەزيدەنتسياسىن سالۋعا 0,5 گەكتار جەر تەلىمى بولىنەتىندىگىن جەتكىزدى. جەر 49 جىل مەرزىمگە جالعا بەرۋ شار­تى­مەن بەرىلمەك ەكەن. جالدان وزگە بارلىق سالىقتاردان, الىمدار مەن باجداردان بوساتىلعاندىعىن ايتا كەتۋ كەرەك. قوسىمشا بايان­دا­ماشى حالىقارالىق قاتى­ناس­تار, قورعانىس جانە قاۋىپسىزدىك كوميتەتىنىڭ توراعاسى قۋانىش سۇلتانوۆ كورەيامەن ىنتىماق­تاس­تىق ەرەكشە دامىپ وتىرعان­دى­عىن جان-جاقتى دالەلدى جەتكىزدى. سەناتورلار سەۋل قالاسىندا 2010 جىلى ساۋىردە جاسالعان كەلىسىمدى راتيفيكاتسيالاۋ تۋرالى زاڭ جو­با­سىن قابىلدادى. كەلەسى قارالعان ماسەلە «ۆا­ليۋ­تالىق ساياساتتىڭ كەلىسىلگەن قاعيداتتارى تۋرالى كەلىسىمدى راتيفيكاتسيالاۋ تۋرالى» زاڭ جو­باسى بولدى. كەلىسىمگە قازاقستان, بەلارۋس جانە رەسەي فەدەرا­تسيا­سىنىڭ پرەزيدەنتتەرى 2010 جىل­عى جەلتوقساندا ماسكەۋدە قول قوي­عان. وندا قاتىسۋشى مەملە­كەتتەردىڭ ۆاليۋتالىق ساياسات ءجۇر­گىزۋىن جۇزەگە اسىراتىن قاعيدالار ايقىندالىپتى. اتاپ ايتقاندا, ولار ۆاليۋتالىق ساياساتتى ۇيلەس­تى­رۋدى كەزەڭ-كەزەڭىمەن جۇزەگە اسىرۋ جانە ونى قالىپتاستىرۋ مەن جۇرگىزۋگە قويىلاتىن ءتاسىل­دە­ردى جاقىنداستىرۋ, ۆاليۋتا سالاسىنداعى ىقپالداستىق ۇدە­رىس­تەرىن دامىتۋ ءۇشىن ۇيىم­داس­تىرۋ-قۇقىقتىق جاعداي جاساۋ, قاتىسۋشى مەملەكەتتەردىڭ ۇلت­تىق ۆاليۋتالارىنا دەگەن سەنىمدى ارتتىرۋ بولىپ تابىلادى. زاڭ جوباسى بويىنشا دەپۋتاتتاردىڭ ساۋالدارىنا ۇلتتىق بانك ءتور­اعاسىنىڭ ورىنباسارى د.اقىشەۆ جاۋاپ بەردى. ءسوي­تىپ, زاڭدىق قۇجات دەپۋتاتتار تا­راپىنان ءبىراۋىزدان قابىلداندى. وسىعان دەيىن ءبىر رەت ما­قۇلداۋدان وتكەن «قازاقستان رەس­پۋبليكاسىنىڭ كەيبىر زاڭ­نا­ما­لىق اكتىلەرىنە جەر قاتىناستارىن رەتتەۋ ماسەلەلەرى بويىنشا ءوز­گە­رىس­تەر مەن تولىقتىرۋلار ەنگىزۋ تۋ­رالى» زاڭ جوباسى ەكىنشى وقىلىمدا قارالدى. زاڭ جوباسى قولدانىستاعى زاڭدارعا وزگەرىس­تەر ەنگىزۋگە, جەر تۋرالى زاڭنا­مانى جەتىلدىرۋگە جانە جەر كودەكسىنىڭ كەيبىر ەرەجەلەرىندەگى قايشىلىقتار مەن قيعاش تۇسىنۋشىلىكتى الىپ تاستاۋعا باعىتتالعان. جوباعا ەنگىزىلگەن وزگەرىستەر ماجىلىسكە جىبەرىلدى. اسقار تۇراپباي ۇلى.