25 ميلليون دوللار سىيلىق بەلگىلەنىپ وتىر

ارينە, باس لاڭكەس دەيتىن قىزمەت جوق, بىراق ۋساما بەن لادەندى سولاي اتاۋ قابىلدانعان جانە بۇل اتاۋ ونىڭ مازمۇنىنا ساي كەلەدى. ءسويتىپ, وسى اپتانىڭ العاشقى كۇنى پاكستانداعى اببوتتاباد قالاسىندا الەمدىك لاڭكەستىكتىڭ كوسەمى بەن لادەننىڭ كوزى جويىلدى. گازەتىمىزدىڭ وتكەن نومىرىندە بۇل جا­يىن­دا حابار جاريا­لان­عان. ءبى­راق وسىناۋ وقي­­عا تۋرا­لى از-كەم وي تۇجىرىم­داۋ قاجەت سياقتى. تاريحتا جاق­سى دا, جامان دا قا­لادى. جاقسىلىعى­مەن اتى وشپەيتىن ۇلى­لار بار. بىرەۋلەر جا­مان­دىعىمەن دە ۇمىتىلمايدى. قاتى­گەزدى­گىمەن, جاۋىزدىعىمەن اتى شىق­قان پاتشالار, قاراقشى­لار وتكەن. ۋساما بەن لادەن سولاردىڭ سۇرپىنان. قازىرگى زا­مان­نىڭ جا­ۋىزى, تەحنيكا­نىڭ سوڭعى جەتىستىگىمەن مۇز­داي قا­رۋلانعان, قولى ۇزىن, مۇمكىندىگى مول جاۋىز. جالپى, ءولىمدى ماقۇلداپ, بىرەۋ­دىڭ كوزى جويىلعانىن ءجون ساناپ سويلەۋ قيىن. مۇندايدا سول جا­ۋىزداردىڭ قولىنان قا­زا تاپقان جازىقسىز قۇربان­داردىڭ ارۋاعىن كوز الدىڭا ەلەستەتە وتىرىپ ءسوز ايتاسىڭ عوي. وسى­دان ون جىل بۇرىن نيۋ-يورك­تەگى لاڭكەستىك ارە­كەت­تەن ءبىر مەزەتتە ءۇش مىڭ ادامنىڭ قازا تاپقانى تاريح­تاعى قارا تاڭبا بولىپ قالارى انىق. سول ز ۇلىم­دىق بەن لا­دەننىڭ باس­شىلىعىمەن جا­سال­دى. قازا بول­عاندار كاپىر ەدى عوي دەپ, جۇرەگى تازا ءبىر مۇ­سىلمان سول ارەكەتتى اقتاماسى دا انىق. بەن لادەننىڭ كوزىن جويۋدى ويلاستىرعانعا دا ون جىلدان استى. بۇگىنگە دەيىن قولعا ءتۇس­پەي كەلدى. اقىرى اقش-تىڭ ارناۋلى قىزمەتى ونى سوناۋ پاكستان جەرىنەن تاۋىپ, كوزىن جويدى. وسىلارعا بايلانىستى اي­تا­تىن اڭگىمە كوپ. ءتىرى قال­دىرسا, لاڭكەس­تەر ونى قۇتقارۋ ءۇشىن ادامدار­دى اماناتقا الۋى ءمۇم­كىن ەكەن. ونىڭ دەنەسىن ەشبىر ەل قابىل­داماپتى دەيدى. ول ءبىر جەرگە جەرلەنسە, ونى را­دي­كالدى يسلاميستەر تاع­زىم ەتەتىن قاسيەتتى ورىنعا اينالدىرۋى اي­دان انىق. ءسىرا, اقش باس­شىلىعى وسىنى ەسكەرسە كەرەك. ەڭ باستىسى – الەمدى تىتىرەنتكەن قانىپە­زەر­دىڭ كوزى جو­يىلدى. بۇل جايىندا پىكىر بىلدىرگەن الەمدىك تۇلعالار مەن مەملەكەت باسشىلا­رىنىڭ بار­لىعى دا بۇل ءوزى لاڭ­كەس­تەر قو­لىنان تازا تاپقان­داردىڭ ارۋا­عى ريزا بولعانداي ساۋاپ­تى ءىس بول­عانىن, لاڭكەستىك­پەن كۇرەستەگى ور­تاق ءىستىڭ جەڭىسى ەكەنىن ايتادى. ءبىراز جەردە جۇرت شەرۋگە دە شى­عىپ, قول­داعان­دىق­تارىن ءبىلدىردى. ارينە, بۇل جەردە ەكىنشى ءبىر پىكىردى دە اتتاپ كەتە المايسىڭ. بىرەۋلەر مۇنى اقش-قا عانا كەرەك ىستەي باعالادى. پالەس­تي­ناداعى حاماس ۇيىمىنىڭ كو­سە­مى حانيا مۇنى امە­ري­كالىق­تاردىڭ مۇ­سىل­مان­دار مەن اراب­تاردى تۇ­قىرتۋ ساياساتىنىڭ جال­عاسى ساناسا, رەسەيلىك بەلگىلى سايا­ساتشى ە.ساتانوۆسكي ونى باراك وبامانىڭ سايلاۋ الدىن­داعى ناۋ­­قانىنا قىزمەت ەتەتىن شاراداي كورەدى. باس لاڭكەستىڭ كوزى جويىل­دى. بىراق ونىڭ ءىسى ءالى جو­يىل­ماعانى دا انىق. ورنىن باسار ادام دا بار. سول ورنىن با­سادى دەگەن ەكىنشى باس لاڭكەس سانالاتىن ايمان ءال-زاۋاحي­ري قايدا ەكەنىن كورسەتكەنگە 25 ميلليون دوللار سىيلىق تا بەلگىلەنىپ وتىر. سونان سوڭ ءابۋ ياحيا ءال-ءليبيدىڭ اتى اتالادى. ەندى لاڭكەستەر كۇش بىرىكتىرىپ, كەك قايتارادى دەگەن دە پىكىر بار. ول نەگىزسىز دە ەمەس. سوندىقتان دا ولارمەن كۇرەستە دە كۇش بىرىكتىرۋ قاجەت-اق. وبامامەن كۇرەسپەكشىلەر كوبەيىپ كەلەدى ۇلكەن ساياسات ۇلكەن تۇلعالاردىڭ توڭىرەگىندە جاسالادى. جۇرت كەيبىر ەلدەر باسشىلارىنىڭ اۋىسقانىن دا بىلمەي قالادى. ال اقش پرەزيدەنتىنىڭ سايلاۋىنا ءبىر جارىم جىلداي ۋاقىت بولسا دا, باراك وباماعا قارسى رەسپۋبليكاشىلار اراسىنان كىم شىعادى دەگەن اڭگىمە قىزىپ تۇر. دەموكرات­تار­­دىڭ قالاۋى – وباما. ادام­دا­رى بيلىكتە بولسا, پار­تيالار جا­ڭا ادام ىزدەپ جات­پايدى. ال رەس­پۋبلي­كا­شى­لار ال­دىمەن ءوز ارالا­رىنان بىرەۋدى انىق­­تا­عانشا, ءبىراز ايتىسىپ-تار­تى­سادى. كەيىن بىرەۋگە توقتا­عاننان كەيىن ءبارى دە سوعان داۋىس بەرەدى. ارينە, قازىر ولاردىڭ اڭگى­مە­سىندەگى باستى ارقاۋ – وبا­مانى سىناۋ, قازىرگى پرەزي­دەنت­تىڭ اقساپ جاتقان تۇسىن ايتۋ. بۇل رەتتە ولاردىڭ مۇمكىندىگى كوپتەۋ. بيلىكتەگى پرەزيدەنتتىڭ جۇمىسى جۇرتتىڭ كوز الدىن­دا, ىزدەگەنگە كەمشىلىك تابىلا­دى, سونىمەن بىرگە, ونىڭ ات­قار­عان جۇمىسى دا كورىنىپ تۇر. وعان امەريكالىقتار عانا ەمەس, الەم كۋا. ادەتتە بيلىكتەگىلەر كوبىنە جەڭىپ جاتادى. ولاردىڭ تانى­مال­­دىلىعى جوعارى. ولاردى قارسىلاس پارتيادا جاڭا كۇشتى تۇلعا پايدا بولعاندا عانا جەڭەدى. ساياساتشى­لاردىڭ پا­يىم­داۋىنشا, رەسپۋب­ليكا­شى­لار قاتارىندا سوڭعى كەزدە ونداي «جارىق جۇلدىزدار» پايدا بولا قويماعان سىڭايلى. ءسويت­سە دە كۇرەسكە بىلەك سىبانىپ شىققاندار بار جانە ولاردىڭ قاتارى كوبەيە­تىنى دە داۋسىز. الدا ءالى ۋاقىت بارشىلىق. جۇرتتىڭ ايتۋىنشا, ازىرگە باراك وباماعا باسەكەلەس بولا­تىن ادام – ميت رومني. وتكەن سايلاۋعا دا قاتىسقان. وندا ول ماسساچۋسەتس شتاتىنىڭ گۋبەر­ناتورى ەدى. ودان بۇرىنىراق يۋتا شتاتىن باسقارعان. سون­داي-اق سولت-لەيك-سيتيدەگى قىس­­قى وليمپيادانىڭ ۇيىم­داس­­تىرۋ كوميتەتىن باسقارىپ, كوزگە تۇسكەن. ءتىپتى وبامامەن بەدەل جارىس­تى­رىپ تا ءجۇر. بي­ىلعى قاڭ­تار­دا وبامانىڭ رەيتينگى 51 پايىز, ال ونىكى 38 پا­يىز بولسا, ءدال بۇگىن تيىسىنشە 47 جانە 45 پا­يىز­دى قۇراپ وتىر. بۇل ونىڭ بەدەلى ءوسىپ كەلە جاتقانىن اڭعارتادى. رەسپۋبليكاشىلار ءۇمىت­كەر­لە­­رىنىڭ اراسىندا ەكىنشى ورىن­دا – مايك حاككابي. اركانزاس شتاتىنىڭ بۇرىنعى گۋبەر­ناتو­رى. كەزىندە بيلل كلينتون دا سول شتاتتان پرەزيدەنتتىككە كو­تەرىل­گەن. حاككابيدى دە جەرگىلىكتى حالىق بارىنشا قول­دايدى ەكەن. بىراق بۇل ۇلتتىق اۋقىمدا قولداۋ بولادى دەگەن ءسوز ەمەس. «ەسكىلەردەن» الياس­كانىڭ بۇرىنعى گۋبەرنا­تورى سارا پەيليندى ايتۋعا بولار. راس, ول وتكەن جولى ۆيتسە-پرەزيدەنتتىككە تۇسكەن, ەندى ءوزى بولعىسى كەلەدى. قازىر اكىم­شىلىكتە ەمەس, تەلە­ۆيدەنيەنىڭ ماڭىندا ءجۇر, جاي ەمەس, قازىر­گى پرەزيدەنتتى سىناۋدى كاسىپكە اينالدىرعان. جۇرتتىڭ پىكىرىنشە, رون پول مەن ميشەل باحمان «پرە­زيدەنتتىككە دە تالاسقان» دەگەن اتاقتى قاناعات ەتۋمەن شەكتەلەتىن سىڭاي­لى. ونىڭ ەسەسىنە جۇرتتىڭ اۋزىندا كا­سىپكەر رونالد ترامپتىڭ اتى ءجۇر. ول ءوزىنىڭ ناسيحاتىن باراك وبامانى قارالاۋعا نەگىزدەگەن. بۇرىن دا ايتىلعان باراك وباما اقش-تا تۋماعان دەگەن (دەمەك, پرەزيدەنت بولىپ سايلانۋعا قاقى جوق) اڭگىمەنى قايتا قوزدىرىپ, ونى قالاي دا دالەلدەمەك. «دۇرىس ەمەس پرەزيدەنت جويىلسىن, امەريكانى سۇيەتىن كاسىپكەرگە داۋىس بە­رىڭدەر» دەگەن ۇران ناسيحات قازىر ءجيى ەستىلەدى. ودان قازىرگى پرەزيدەنت تە سەسكەنەتىندەي. ماماديار جاقىپ.