دامۋعا باعىت ۇستانعان ارىپتەستىك

ENRC PLC كورپوراتسياسىنىڭ  باس اتقارۋشى ديرەكتورى فەليكس ۆۋ­ليس پەن  قوستاناي وبلىسى­نىڭ اكىمى سەرگەي كۋلاگين الەۋمەت­تىك  ارىپتەستىك جاعدايىندا جۇمىس ىستەۋ جونىندەگى مەموراندۋمعا قول قويدى. ۇستىمىزدەگى جىلى كورپوراتسيا وبلىستىڭ الەۋمەتتىك كوركەيتۋ جۇمىستارىنا 1 ميلليارد 354 ميلليون تەڭگە سالىپ وتىر. وسى مەموراندۋم شەڭبەرىندە بىرنەشە ەكونو­مي­كالىق, الەۋمەتتىك جانە مادەني جوبالار جۇزەگە اسىرىلاتىن بولا­دى. رۋدنىي قالاسىنداعى جولداردى اسفالتتاۋعا جانە كاچار قالاسىن­داعى مەكتەپكە جوندەۋ جۇمىستارىن جۇرگىزۋگە 350 ميلليون تەڭگە جۇم­سالماق. وبلىستا سپورتتىڭ دامۋى­نا زور كوڭىل بولىنەدى. «توبىل» فۋتبول جانە شايبالى حوككەي كومان­دالارىنا بەرىلەتىن 400 ميلليون تەڭگە سونىڭ ايعاعى. رۋدنىيدان بوي كوتەرگەن  مەشىت, شىركەۋ, سيناگوگا  وسى ەۋرازيالىق تابيعي رەسۋرستار   كورپوراتسياسىنىڭ دەمەۋشىلىگىمەن سالىندى. ولارعا 440 ميلليون  تەڭگە ءبولدى. مەموراندۋم شەڭبەرىنەن  وب­لىس­تاعى  مادەنيەت, ءبىلىم سالالا­رى مەن ونەر ادامدارىنا  كومەك بەرۋ ءىسى دە سىرت قالمادى. كورپوراتسيا قۇرامىنا كىرەتىن «سسكوب» اق وبلىستاعى شىعارماشىلىق ادامدارىن ماتەريالدىق جاعىنان قولداپ وتىراتىن  «مەتسەناتتار كلۋبىنىڭ» مۇشەسى. – قوستاناي وبلىستىق اكىم­دى­گىمەن مەموراندۋمعا قول قويۋ  ەۋ­رازيالىق تابيعي رەسۋرستار كورپوراتسياسى ءۇشىن ءداستۇر عانا ەمەس, ءبىزدىڭ تاراپىمىزدان كورپوراتيۆتىك الەۋمەتتىك جاۋاپكەرشىلىكتى جۇزەگە اسىرۋ ساياساتىنداعى باسىم باعىتتاردىڭ ءبىرى بولىپ تابىلادى. ال بۇل جۇمىستار ونەركاسىپتىك ايماقتاردى دامىتا­دى جانە  ناقتى ناتيجەلەر بەرەدى, – دەدى مەموراندۋمعا قول قويۋ سالتاناتىندا ENRC PLC باس اتقارۋشى ديرەكتورى فەليكس ۆۋليس. ءنازيرا جارىمبەتوۆا. قوستاناي.