اۋقاتتى اۋىلدار كوبەيدى

اۋىل جاعدايى جايلى ادەتتە سىرتتان تون ءپىشىلىپ ايتىلىپ جاتاتىن اڭگىمەنىڭ سان-ساقتىعى بەلگىلى. سوندايدا مۇلدەم ءمۇش­كىلدەندىرەتىن توپشىلاۋلار دا قۇ­لاققا از شالىنبايدى. كورىپ جۇرگەندەر بولسا ءبىر ءسارى, ارينە,  ال كورمەسە دە تۇيمەدەيدى تۇيەدەي ەتۋشىلەرگە نە دەي الارسىز. سولار وڭىردەگى يزەندى, ەسكەنە,  مارجان­كول, بۇركىتتى ءتارىزدىلى ءساندى ءارى ءالدى اۋىلداردىڭ ونداپ ەمەس جۇزدەپ سانالاتىندىعىن  بىلەر مە ەكەن دەپ ويلايسىز.  ولاي بولماسا مىناداي دەرەك. بىلتىر شارۋا­شىلىعى وركەندەۋ, تۇرمىسى جاق­سارۋ  ۇستىندەگىلەر 114- كە جەتسە, بيىل بۇعان تاعى 6-ۋى قوسىلعالى تۇر. ەل ىشىندەگى ەلەۋلى وزگەرىستەر سەلولىق جەرلەردى دامىتۋعا ار­نالعان مەملەكەتتىك باعدارلاما­نىڭ ىسكە اسىرىلۋى بارىسىندا ورىستەي ءتۇسىپ كەلەدى. ۋاقىت تا­لابىنا جاراستى بۇل قۇبىلىس وبلىستىڭ اسىرەسە, بۇقار جىراۋ, وساكاروۆ, اباي جانە نۇرا اۋ­داندارىندا  ايقىن اڭعارىلادى. ۇلى بابا توپىراعىنداعى 35 اۋىل گۇلدەنۋدىڭ قاي جاعىنان دا بىرىنەن ءبىرى اسىپ تۇسۋگە اينالعان.  قالعان  ءۇش اۋداندا جالپى العان­دا 80-نەن استامىنىڭ ءىسى ءسۇي­سىنەرلىك, كوركى كوز تارتارلىق. العاش كورگەننىڭ اۋزىن اشتىرا­تىن يزەندىدەي اۋىلدار كوبەيۋى قازىر تاڭسىق ەمەس. مادەنيەت  ءۇيى­نىڭ, مەكتەپتىڭ, مەشىتتىڭ, بايلا­نىس بولىمشەسىنىڭ, تويحانانىڭ, قىمىزحانانىڭ, سپورت كەشەنىنىڭ,  بۇلدىرشىندەر ويىن-ساۋىعى الاڭ­قايىنىڭ, ينتەرناتتىڭ جارقى­راعان بەينەسى اينالاداعى مۇنتاز­داي تازالىقپەن استاسىپ تامسان­دىرادى.  بوسا-بولماسىن  تۇرعىن­دا­رىنىڭ اۋقاتتى تۇرمىسى جانە جان-جاققا ايان. ءدال ىرگەسىندەگى ششەرباكوۆ تا كەلبەتىمەن  بولەك. وسىدان  تاريحي وتاندارىنا قو­نىس اۋدارىپ كەتكەندەر وسكەن جەرلەرىندە اۋناپ-قۋناپ قايتۋعا كەلىپ تۇراتىن  كەزدەرىندە دە قازاق اۋىلى ءۇشىن ەرتەگىدەي بەينەنىڭ ەنۋىنە تاڭدانىپ جاتادى. جاقىندا ەلدى مەكەندەر ينجەنەرلىك ينفراقۇرىلىمىن  جەتىلدىرۋ جانە الەۋمەتتىك نىساندارىن جاڭارتۋ بويىنشا الداعى ءۇش جىل­عا باعىتتالعان كەشەندى ءىس-شارالار قابىلدانۋى يگىلىك  نى­شانداردىڭ  ودان سايىن  ۇلعايۋى­نا سەپتىك ەتپەك. وسى ماقساتقا رەسپۋبليكالىق, جەرگىلىكتى بيۋد­جەتتەن 18,1 ميلليارد تەڭگە ءبو­لىنۋى اۋىلداعىلارعا قۋانىشتى حابار بولىپ وتىر. ايتا كەتۋ كەرەك, بۇل باستاپقىدا جوبالانعان قاراجاتتان 5,1 ميلليارد تەڭگەگە ارتىق. ايماق قۋاتىنىڭ  نىعايۋى­نا وراي قولداۋ كولەمى وسىن­شا­لىقتى مولىقتى. مىنە, بۇگىندە جەر اياعى كەڭى­سىمەن اۋىل جاقتاعى تىنىس-ءتىر­شىلىك سەرپىلىپ جاتىر. جاڭادان سالىناتىن, كەڭەيتىلەتىن 6 مەكتەپ قۇرىلىسى باستالىپ كەتتى, دەن­ساۋلىق ساقتاۋدىڭ 36 نىسانى كۇردەلى جوندەۋدەن وتكىزىلۋدە, 14 مونشا مەن 5 ناۋبايحانا,  اۋىز سۋمەن قامتاماسىز ەتەتىن  20 نىسان سالىنادى. جۇرت  كوڭىلىنە جاققان جاعىم­دى جايدىڭ ءبىرى – تۇرعىندار سانى 100-دەن اسپايتىن شاعىن اۋىلدار دا قامقورلىقتان سىرتقارى قال­مايدى. ولاردى ورتالىقتاندى­رىلعان جارىقپەن  جانە سۋمەن جاب­دىقتاۋعا مۇمكىندىك شەكتەۋلىلىگىنە بايلانىستى سۋ كوزىن ۇڭعى­ما, ەلەكتر قۋاتىن جەل ديىرمەندەرى ارقىلى الۋ جولدارى قاراس­تىرىلعان. ماسەلەن, ۇلىتاۋ اۋدا­نىنىڭ الىستاعى قىزىلۇي, تال­دىقۇدىق, بوزداي, ۇڭگىرلى, قۇل­جانباي, نارولگەن اۋىلدارى ءۇشىن اتالعان ءتاسىل پايدالانىلادى. جەرگىلىكتى ەڭبەككەرلەردى كا­سىپ­كەرلىك ىسكە ىنتالداندىرۋعا  ىقپال ۇلكەن. بۇل  رەتتە   «اگروكونسالتينگ» اق  كومەگىنە سۇيە­نۋشىلەر كوبەيۋدە. ايتالىق,  جاڭا­ارقالىقتارعا  ليزينگكە اعاش وڭدەيتىن ستانوك, 4 ءمودۋلدى مونشا, 2 شاعىن ناۋبايحانا بەرىلدى. ناقتى بيزنەس-جوسپارمەن بەلسەنە ارەكەتتەنۋگە  ۇمتىلۋشىلارعا كو­مەك كورسەتىلۋگە جول اشىق. ءسوزىمىزدىڭ باستاپقى تۇسىندا تۇسپالداعانىمىزداي, اۋىل جاي-كۇيى تۋرالى ءدۇدامال جورامالدار ەندى بۇگىنگى كۇنگە جاراسپاي­تىندىعىنا ايماقتاعى اۋىلدار اجارى ايعاق. وسكەن  ءوڭىر ءومىرىن ەلەمەۋ مۇمكىن ەمەس. ايقىن نەسىپباي.