مادەني ىقپالداستىق اياسىنداعى اپتالىق

كەشە استانادا «كورەيا رەسپۋبليكاسىنىڭ قازاقستانداعى جى­لى­نىڭ» اشىلۋىنا ورايلاستىرىلعان ءباسپاسوز كونفەرەنتسياسى ءوتتى. بۇل شاراعا كورەيا رەسپۋبليكاسىنىڭ قازاقستانداعى ەلشىلىگى ۇيىت­قى بولدى. ءباسپاسوز ءماسليحاتىنا كورەيا رەسپۋبليكاسىنىڭ مادەنيەت, سپورت جانە تۋريزم ءبىرىنشى ۆيتسە-ءمينيسترى مو چحول-مين, كورەيانىڭ ۇلتتىق برەندينگ جونىندەگى پرەزيدەنتتىك كەڭەسىنىڭ ءتورايىمى لي بە-ەنگ, كوپشىلىك قاۋىمعا «حانزادا جۋمونگ» سەريالى ارقىلى تانىس بەلگىلى وڭتۇستىككورەيالىق اكتەر سون يل-گۋك, ءانشى سو-ەنگ-ىن, كورەيدىڭ ءداستۇرلى «چونگدونگ» تەاترىنىڭ اك­تەرلەرى, سونداي-اق, «T-MAX» جانە «JQT» مۋزىكالىق توپ­تا­رى­نىڭ انشىلەرى قاتىستى. قازاقستان مەن كورەيا رەس­پۋب­لي­كاسىنىڭ ديپلوماتيالىق ىن­تى­ماقتاستىعى 1992 جىلدان باستاۋ العان. وسى ۋاقىت ارالىعىندا قوس مەملەكەت اراسىندا ءتۇرلى سالادا جان-جاقتى بايلانىس ورنا­عان. ياعني, ەكى ەل ارىپتەستىگى ەكو­نو­ميكا جانە ساياسات سالالارىمەن عانا شەكتەلمەيدى. بۇگىندە مادە­ني سالاداعى ارىپتەستىك تە بەلگىلى دەڭگەيدە جاندانىپ كەلەدى. ءما­سەلەن, 2010 جىلى «قازاقستان­نىڭ كورەياداعى جىلى» شەڭبە­رىندە ءتۇرلى مادەني شارالار ۇيىمداستىرىلىپ, كورەي حالقى قازاقستان تاريحى مەن مادەنيە­تىنىڭ وزىنە ءتان ەرەكشەلىگى ءجو­نىندە كەڭىرەك مالىمەت العان ەدى. بيىلعى جىلعى «كورەيانىڭ قا­زاق­ستانداعى جىلىنىڭ» كوزدەگەن ماقساتى دا ارىپتەستىكتىڭ وسى ءبىر ءتىنىن نىعايتۋ بولىپ تابىلادى. «مەن «كورەيانىڭ قازاق­ستانداعى جىلىنا» ارنالعان شا­رالارعا قاتىسۋعا قازاقستانعا ارنايى كەلدىم. وسى ورايدا, ءسىزدىڭ ەلدەرىڭىزدە وتەتىن «كورەيا رەسپۋبليكاسىنىڭ قازاقستانداعى اپتالىعى» فەستيۆالى  قازاقستان­دىقتاردىڭ كورەي حالقىنىڭ ءما­دەنيەتىمەن, ونەرىمەن جاقىنىراق تانىسۋىنا مۇمكىندىك بەرىپ قانا قويماي, ەكى ەلدىڭ بولاشاقتاعى ىقپالداستىعىنا دا ءوز اسەرىن تيگىزەدى دەپ ويلايمىن», – دەدى كورەيانىڭ ۇلتتىق برەندينگ ءجو­نىندەگى پرەزيدەنتتىك كەڭەسىنىڭ ءتورايىمى لي بە-ەنگ ءوز سوزىندە. ال كورەيانىڭ مادەنيەت, سپورت جانە تۋريزم ءبىرىنشى ۆيتسە-ءمينيسترى مو چحول-مين وتكەن جىلى «قازاقستاننىڭ كورەيا رەسپۋبلي­كا­سىنداعى جىلى» وتكەنىنە, بۇل شارا قازاقستان تۋرالى تەرەڭىرەك مالىمەت الۋعا مۇمكىندىك بەرگەنىنە توقتالىپ ءوتتى. «ال بيىل ءبىز ءوز ەلىمىزدىڭ مادەنيەتىمەن, تاريحى­مەن  جاقىنىراق تانىستىرۋ ماق­ساتىمەن قازاقستانعا كەلدىك. وسى ورايدا, 30-عا تارتا شارا وتپەك», – دەدى  مو چحول-مين. بۇل كۇنى كەشكە ەلورداداعى «قازاقستان» ورتالىق كونتسەرت زا­لىندا «كورەيا رەسپۋبليكاسىنىڭ قازاقستانداعى جىلىنىڭ»  اشى­لۋ سالتاناتى ءوتتى. اشىلۋ ءرا­سىمىنە كورەيانىڭ قازاقستانداعى ەلشىسى لي بەن حۆا, كورەيانىڭ مادەنيەت, سپورت جانە تۋريزم ءبىرىنشى ۆيتسە-ءمينيسترى مو چحول-مين, ەلىمىزدىڭ مادەنيەت ۆيتسە-ءمينيسترى اسقار بورىباەۆ, سون­داي-اق, ونەر جانە مادەنيەت وكىل­دەرى قاتىستى.  كونتسەرتكە جيىل­عان قاۋىم بەلگىلى وڭتۇستىك­كورەيالىق ارتىستەرمەن جۇزبە-ءجۇز كەزدەسىپ, ءداستۇرلى «چونگدونگ» تەاترى اكتەرلەرىنىڭ, «T-MAX», «JQT» توپتارى انشىلەرىنىڭ ونە­رىن تاماشالاۋعا مۇمكىندىك الدى. ءبىر ايتا كەتەرلىگى, «كورەيا رەسپۋبليكاسىنىڭ قازاقستانداعى اپتالىعى» مامىردىڭ 6-سىنان 9-ىنا دەيىن جالعاسادى. ياعني, ءدال وسى كۇندەرى قالا تۇرعىندارى مەن قوناقتارى «حان شاتىر» ويىن-ساۋىق ورتالىعىندا كورەي­دىڭ كينولارىن كورۋگە, سونداي-اق, وسى ەلدىڭ ءتۋريزمىن, ونىڭ ىشىندە تابيعات جاۋھارلارىن ناسيحات­تايتىن فوتوكورمەنى تاماشالاۋعا مۇمكىندىك الادى. ءلايلا ەدىلقىزى.