توي تويعا ۇلاستى

جاقىندا استانا قالاسىنداعى «اق شاڭىراق» مەيرامحاناسىندا ەلور­دامىزدا تۇراتىن ۇيعىر قاۋىم­­داستىعى ناۋرىز مەرەكەسىن تويلا­دى. وعان استانالىق ۇيعىر­لار­مەن بىرگە ەلىمىزدىڭ باسقا وبلىستارىن مەكەندەيتىن وسى حالىقتىڭ وكىل­دەرى دە كەلىپ قاتىستى. مەرەكەنىڭ سالتاناتتى اشى­لۋىن­دا ءسوز سويلەگەن قازاقستان رەسپۋبليكاسى پارلامەنتى ءماجىلى­سىنىڭ دەپۋتاتى مۇرات احماديەۆ, ماڭعىستاۋ وبلىسى اكىمىنىڭ ورىن­باسارى يسراپۋل ساتتاروۆ, استانا قالاسى الماتى اۋدانى اكىمىنىڭ ورىنباسارى ءتۇسىپ رىسبەكوۆ جانە اۋداندىق ىشكى ساياسات ءبولىمىنىڭ مەڭگەرۋشىسى سافۋرا بيسەنوۆا استا­ن­الىق ۇيعىرلاردىڭ جىگىت باسى مۇرات ءموردينوۆ, تاعى باسقالار جي­نال­عان قاۋىمدى ۇلىستىڭ ۇلى كۇنى­مەن قۇتتىقتاپ, جىلى لەبىزدەرىن ءبىلدىردى. مەرەكە بارىسىندا ال­ما­تىدان كەلگەن قوناقتار — ق.قو­جامياروۆ اتىنداعى رەسپۋبلي­كا­لىق ۇيعىر مۋزىكالىق كومەديا تەاترى­نىڭ «ناۆا» فولكلورلىق جانە «رۋحسارا», سونداي-اق اتى ونەرسۇيەر قاۋىمعا ايگىلى «ياشليق» انسامبل­دەرىنىڭ انشىلەرى مەن بيشىلەرى ونەر كورسەتتى. مەرەكە بارىسىندا قوناقتار ۇيعىر ۇلتتىق تاعامدارىنىڭ, كيىم ۇلگىلەرىنىڭ جانە ساز اسپاپتارىنىڭ كورمەسىن تاماشالادى. دۋماننىڭ سوڭى جاستاردىڭ بي كەشىنە ۇلاستى. ەرشات ءاسماتوۆ, جۋرناليست.