ەكى جاقتى كەزدەسۋلەر وتكىزدى

كەشە قازاقستان رەسپۋبليكاسىنىڭ سىرتقى ىستەر ءمينيسترى ەرجان قازىحانوۆ جاپونيانىڭ بۇرىنعى پرەمەر-ءمينيسترى, وسى ەلدىڭ قازاقستانمەن دوستىقتى نىعايتۋ جونىندەگى پارلامەنتتىك ليگاسىنىڭ توراعاسى يۋكيو حاتويامامەن جانە  بۇۇ باس حاتشىسىنىڭ ورىنباسارى, بۇۇ ەسكاتو (ازياداعى جانە تىنىق مۇحيت ايماعىنداعى ەكونوميكالىق جانە الەۋمەتتىك كوميسسياسى) اتقارۋشى حاتشىسى نوەلين حەيزەرمەن كەزدەسۋلەر وتكىزدى. ەرجان قازىحانوۆ شەتەلدىك مەي­مانعا ارناعان ءسوزىن جاقىن­داعى تابيعي اپاتتان ونداعان مىڭ ادامىن جوعالتقان جاپون حال­قى­نا كوڭىل ايتۋدان باستادى. ءوز كەزەگىندە ءسوز العان يۋكيو حاتوياما قازاقستان پرەزيدەنتى نۇرسۇلتان نازارباەۆقا جانە قازاقستاندىق­تار­عا اۋىر ساتتە جاپون حالقىنا كورسەتكەن گۋمانيتارلىق كومە­گىنە شىنايى العىسىن جەتكىزدى. مۇنان سوڭ كەزدەسۋدەگى اڭگىمە ەكىجاقتى بايلانىستاردى دامى­تۋ­عا اۋىستى. تاراپتار ستراتەگيا­لىق ارىپتەستىك تۇرعىسىندا ىن­تى­ماقتاستىقتى تەرەڭدەتۋدىڭ ما­ڭىزدىلىعىنا ءمان بەرە كەلە, نۇر­سۇلتان نازارباەۆتىڭ 2008 جىلى جاپونياعا جاساعان رەسمي ساپارى قارىم-قاتىناستار الەۋە­تىن  پايدالانۋدىڭ كوكجيەگىن كە­ڭەي­تۋگە مۇمكىندىك اشقانىن اتاپ ءوتتى. سونىڭ ءبىرى – اتوم ەنەرگە­تيكاسىن بەيبىت ماقساتقا جۇمساپ, يگىلىككە اينالدىرۋ. بۇل ورايدا تاراپتار قازاقستاندىق «قاز­اتوم­ونەركاسىپ» پەن جاپوندىق «سۋميتومو» جانە «توشيبا» كوم­پانيالارىنىڭ  سيرەك كەزدەسەتىن مەتالدار مەن اتوم ونەركاسىبى سالاسىندا بىرلەسكەن كاسىپورىن اشۋداعى كەلىسىمنىڭ ماڭىزدى­لىعىنا ءمان بەردى. ساۋدا-ەكونوميكالىق بايلا­نىس­تار توڭىرەگىندە دە ىقپال­داس­تىقتى دامىتار تۇستاردىڭ اۋ­قىم­دىلىعىن ايتقان ساياساتكەرلەر بۇل توڭىرەكتە زاڭنامالىق تۇر­عىدان اتقارىلار ىستەر بارلى­عى­نا توقتالدى. قازىرگى كۇنى ەكى اراداعى ساۋدا اينالىمى 1 ملرد. دوللاردان استى, ال الدا ونىڭ كولەمىن ۇلعايتۋدىڭ مۇمكىندىگى مول, دەگەن كەزدەسۋگە قاتىسۋ­شى­لار, ءارى قاراي ەكى ەل اراسىنداعى قارىم-قاتىناستاردى نىعايتۋدا پارلامەنتاريلەر اراسىنداعى با­رىس-كەلىستىڭ رولىنە توقتالدى. ۇستىمىزدەگى جىلى استانادا سەمەي پوليگونى جابىلۋىنىڭ 20 جىلدىعىنا ارنالىپ وتكىزىلەتىن كونفەرەنتسيانىڭ ماڭىزدىلىعى ءبىراۋىزدان ماقۇلداندى. ال نوەلين حەيزەرمەن بولعان جۇزدەسۋدە  تاراپتار بيىلعى جىل­دىڭ كۇزىندە استانادا وتەتىن قور­شاعان ورتانى قورعاۋ جانە ازيا-تىنىق مۇحيت ايماعى جونىندە مينيسترلىك كونفەرەنتسياسىنىڭ دايىندىق جۇمىستارى جايىن تال­قىلادى. اتالعان كونفەرەن­تسيا­نىڭ وتكىزىلۋى, ازيا-تىنىق مۇحيت ايماعىنداعى كەلەشەك ىنتىماقتاستىقتىڭ ودان ءارى قاراي تۇراقتى دامۋىنا نەگىزگى سەبەپ بولماق دەلىندى. كەزدەسۋدەن كەيىن تاراپتار قا­زاقستان ۇكىمەتى مەن ەسكاتو ارا­سىندا الماتى قالاسىندا كو­ميس­سيانىڭ سۋبايماقتىق ءبولىمىن قۇرۋ تۋرالى كەلىسىمگە قول قويدى.  ەسكاتو ءبولىمىنىڭ اشىلۋى قا­زاقستاننىڭ, تۇتاستاي العاندا, ور­تالىق ازيانىڭ بۇۇ-مەن ارا­داعى الەۋمەتتىك-ەكونوميكالىق دامۋ ماق­ساتتارىن جۇزەگە اسى­رۋ­دا ىن­تى­ماقتاستىقتىڭ ىلگەرىلەۋىنە قو­سىم­شا ەكپىن بەرەتىنى اتاپ ءوتىلدى. انار تولەۋحانقىزى.