كووپەراتيۆكە بىرىككەندەر پايداعا شىقتى

كوكتەم قاشاندا قاۋىرت ەڭبەككە تولى. بيىل وڭىردە 907,1 مىڭ گەكتار القاپقا ءدان سەبۋ جوسپارلانسا, ديقان-مەحانيزاتورلار قيمىلى شيراق. جانە سۇدىگەر كوتەرۋ, قوپسىتۋ, كوكونىس, قىزىلشا ەگۋ جۇمىستارى دا قارقىن العان. ارينە, وسى قات-قابات تىرلىكتىڭ قايتارىمدى بولۋى تەحنيكا كۇشىنىڭ جەتكىلىكتىلىگىمەن ولشەنەتىنى زاڭدىلىق. ەندى ماسەلە تولىق شەشىمىن تاباتىن بولدى. بۇدان بىلاي وڭىردەگى اۋىل شارۋاشىلىعىمەن اينالى­سا­تىن قوجالىقتارعا سەرۆيستىك ورتالىق ءوز قىزمەتىن ۇسىنادى. اتالعان سالا تەحنيكالىق جا­عى­نان جاقسى جاراقتان­دى­رىل­عان قۋاتتى كاسىپورىندارمەن بىرلەسىپ, ەلىمىزدەگى ازىق-ت ۇلىك قاۋىپسىزدىگىن قامتاماسىز ەتۋ جانە اۋىلشارۋاشىلىق ءونىم­دە­رىن ءوندىرۋدى مولايتۋ, ەكس­پورت­تىق الەۋەتتى قالىپتاس­تى­رۋ مەن نەگىزگى ازىق-ت ۇلىك با­عا­سىنىڭ وسۋىنە جول بەرمەۋ ءتا­رىز­دى ماسەلەلەردى جولعا قويادى, قاداعالايدى. ەلباسىنىڭ قازاقستان حال­قى­نا ارناعان جولداۋىنداعى تاپسىرمالاردى جۇزەگە اسىرۋ ماقساتىمەن «جەتىسۋ» الەۋمەت­تىك-كاسىپكەرلىك كورپوراتسيا­سى­نىڭ كومەگىمەن جاڭا ۇيىم­داس­قان «جاركەنت», «اگروفۋد» جانە «كوكسۋ» ورتالىقتارى جۇ­مىستارىن جۇيەلەدى. مەملەكەتتەن تەحنيكا الۋ مەن قىزمەت كور­سەتۋگە عانا بيۋدجەتتەن 680 ملن. تەڭگە ءبولىنىپتى. جوبانىڭ نەگىزگى ماقساتى ۇساق شارۋا قوجا­لىقتارىنىڭ باسىن بىرىكتىرىپ, ىرىلەندىرۋ. ويتكەنى, «جۇمىلا كو­تەر­گەن جۇك جەڭىل», دەپ بەكەر اي­تىلماعان. پانفيلوۆ اۋدانىندا ەگىن ەگۋمەن اينالىساتىن 100-گە جۋىق ۇساق قوجالىق بىرىگىپ, ءىرى اۋىلشارۋاشىلىق كووپەراتيۆىن قۇردى. ناتيجەسىندە 12 جاڭا تەحنيكا الدى. جاركەنتتىكتەر نەگىزىنەن جۇگەرى وسىرۋمەن اينالى­سا­تىنى بەلگىلى. بىرىگۋدىڭ ۇتار تۇسى – جانار-جاعار مايدان تارشىلىق كورمەيدى. ەگىستىكتىڭ قۇنارلىلى­عىن ارتتىرۋعا دا ءتيىمدى. ەڭ باستىسى, ەندى تەحنيكا جەتكىلىكتى. شارۋالاردىڭ 3-5 گەكتار ەگىستىك جەرى بار. ونىمەن شارۋالار ەش ۋاقىتتا كەڭ كوسىلىپ, تۇششىم­دى تىرشىلىك كەشە المايدى. ءبىز ۇزاق جىلعى ماقساتىمىزعا جەتتىك. مىنە, كوكتەمگى دالا جۇمىس­تا­رىنا جاڭا تەحنيكالاردى كە­ڭى­نەن پايدالانۋدامىز, دەدى شارۋا قوجالىعىنىڭ ءتورايىمى تۇر­سىناي جانتاعۇلوۆا. سەرۆيستىك دايىنداۋ ورتا­لىق­تارى دا وسى ماقساتتا قۇرىلعان. وبلىستاعى ۇساق شارۋاشىلىق­تار­عا قىزمەت كورسەتەدى. قاپ­شا­عايداعى «اگروفۋد» سەرىكتەستىگى دە سۋ جاڭا تراكتور, سوقا, ءدان سەپكىش, جەر جىرتقىش, تاعى باسقا ەگىستىككە قاجەتتى 20 تەحنيكاعا يە بولدى. «اگروفۋد» سەرىكتەستىگىنىڭ دي­رەك­تورى وڭلان وتەۋلىنوۆ اڭگى­مە­سىندە ورتالىق جەردى وڭدەۋدەن باستاپ, ءدان ەگۋگە, كۇتۋگە, شابۋعا, ءونىمدى ساتۋعا دا كومەكتەسەمىز. وسى ماق­ساتپەن تەحنيكا الىپ وتىرمىز, دەدى. ءۇش ورتالىق بەلورۋسسيا مەن رە­سەيدىڭ وزىق 121 اۋىلشا­رۋا­شى­لىق تەحنيكاسىن ساتىپ العان. بۇل شارۋالارعا 10 جىلعا ليزينگكە بەرىلگەنىن ايتقان ءجون. «جەتىسۋ» الەۋمەتتىك-كاسىپكەرلىك كورپوراتسياسى بانكتەر سياقتى تەحنيكا قۇنىنا ءوسىم قوس­پاي­دى. العاشقى ءۇش جىل جەڭىل­دىك­پەن, 7 جىل بويى بىرتىندەپ تولەيدى. ودان ءارى قۇنى وتەلگەن تەحنيكالار شارۋالار مەنشىگىنە اۋىسادى. جوبانىڭ ەكىنشى كەزەڭىندە «اگرو­فۋد» سەرۆيستىك دايىن­داۋ ورتالىعىندا سىيىمدىلى­عى 6 مىڭ توننالىق كوكونىس ساق­تايتىن قويما سالۋدى جوس­پارلاعان. ول ىسكە قوسىلعاننان كەيىن شارۋالار ءونىم­دەرىن سا­پا­سىن جوعالتپايتىن زاماناۋي قويمادا ساقتايتىن بو­لادى. قۋاتتى «كامازدار» مەن ءونىم­دىلىگى جوعارى «بەلارۋس» تراك­تورلارى, استىق جينايتىن كومبايندار مەن ءشوپ تىرما­لاپ, تايلايتىن, مايا سالاتىن, سو­قالار مەن تۇقىمسەپكىشتەردى, ولارعا تەحنيكالىق قىزمەت كورسەتەتىن جىلجىمالى كەشەندەردى قاز-قاتار قويعاندا جەر ءتوسىن ەمگەندەرگە دەگەن قامقورلىق بىردەن كوزگە تۇسەدى. ارنايى ستەندىلەردە مەملەكەتتىك باعدارلامانىڭ ماقساتتارى مەن مىندەتتەرى, جاڭا قىزمەت كورسەتۋ ورتالىقتارىنىڭ دامۋ بولاشاعى, ءتىپتى بۇگىنگى كۇنى بەرىلەتىن تەحنيكانىڭ سانى مەن جالپى قۇنى كورسەتىلىپتى. ءمالى­مەت­تەرگە سۇيەنسەك, قاپشاعايلىق­تار عانا جالپى قۇنى 121 ملن. 299 مىڭ تەڭگە بولاتىن 26 تەحني­كانى ەگىستىك القاپتارىنا اتتان­دىرىپ ۇلگەرگەن. ەگىن شارۋاشىلىعى قىزمەت­كەرلەرىنە سونىمەن بىرگە وفيس بولمەلەرىن, ماشينە اۋلالارىن, قويمالار مەن قوسالقى بولشەك­تەر مەن جانارماي ساقتايتىن ورىن­داردى, قىرمانداردى تومەن باعادا جالعا الۋ قىزمەتتەرى ۇسىنىلعان. كەيىن وسىرىلگەن ءونىمدى قابىلداپ, تازالاۋ مەن كەپتىرۋ, ساقتاپ, قايتا وڭدەۋدەن وتكىزۋمەن اينالىساتىن كەشەندەر قۇرىلاتىنى دا جاقسى ءىستىڭ جالعاسى دەۋگە بولادى. جەتىسۋدىڭ توپىراعى قۇنارلى دالا ءتوسى دۇبىرگە بولەنىپ, جاڭا تەحنيكالار مولشىلىق نەگىزىن قالاۋعا كىرىستى. ديحان قاۋى­مى­نىڭ ەرتەڭگە دەگەن سەنىمدەرى نىق. كۇمىسجان بايجان. الماتى وبلىسى.