باس جۇلدەمەن ورالدى

جۋىردا ەلوردالىق 12 جاسار پيانيست ابدىاحمەت ورازباقوۆ پاريجدە وتكەن جاس مۋزى­كانت­تار­دىڭ ءححىى حالىقارالىق   باي­­قاۋىندا باس جۇلدەنى جەڭىپ الدى. بايقاۋدا پيانيستەردەن ءبو­لەك الت, سكريپكا, ۆيولونچەل جانە باسقا دا اتالىمدار بوي­ىنشا الەمنىڭ 30 مەملەكەتىنەن كەلگەن 6-26 جاس ارالى­عىن­داعى ۇمىتكەرلەر باقتارىن سىنادى. اتاپ ايتۋ كەرەك, ءبىزدىڭ مۋ­زى­كانتتىڭ الەمنىڭ تۇپكىر-ءتۇپ­كى­­رىنەن ىرىكتەلىپ كەلگەن 122 تا­لاپكەردىڭ اراسىنان موينى وزىق شىقتى. ول گريگ پەن سلونيمسكيدىڭ شىعارمالارىن ورىنداپ, زالدا وتىرعان كاسىبي مۋزىكانتتار مەن قازىلار القاسىنىڭ قوشەمەتىنە يە بولدى. پيانيستەردىڭ شەبەرلىگىن ءار­تۇر­لى مەملەكەتتەردەن كەلگەن 30-دان استام  مۋزىكانتتار باعا­لا­دى. باس جۇلدە وتاندىق جاس پيانيسىمىزگە بۇيىرسا, ءبىرىنشى ورىن­دى قىتايلىق, ەكىنشى ورىندى تاتار قىزى, ال ءۇشىنشى ورىندى جاپون­دىق بالعىن جاس يەمدەندى. ءا.وراز­باقوۆ شىلدە ايىنا زالتسبۋرگ قالاسىنا جولداما تابىس­تال­دى. وندا ەلوردالىق جاس ورەن اتاقتى پيانيست, پروفەسسور كەمەرلينگتەن شەبەرلىك ساباعىن الاتىن بولادى. «بايقاۋدىڭ نەگىزگى جۇلدەسىن يەلەنگەنىمدى بىلگەندە قاتتى قۋان­دىم. ماعان سەنىم ارتىپ, وقى­تىپ, كوپ نارسەنى ۇيرەتكەن ۇستا­زىم دينا مامبەتوۆاعا ايتار ال­عىسىم شەكسىز», – دەيدى جاس ورەن. ايتا كەتەيىك, ابدىاحمەت وراز­باقوۆ استاناداعى قازاق ۇلتتىق ونەر ۋنيۆەرسيتەتى مەك­تە­بىنىڭ 6-سىنىبىندا وقيدى. جاس ءپيانيستىڭ پاريجگە بارىپ قايتۋىنا مادەنيەت ءمينيسترى مۇحتار قۇل-مۇحاممەد پەن «قا­زاق اۋەندەرى» اق ديرەكتورى عا­لىم احمەدياروۆ دەمەۋشىلىك جا­سادى. ءا.ورازباقوۆ 2010 جىلى ريمدە وتكەن موتسارت اتىن­داعى جاس پيانيستەردىڭ V حالىق­ارالىق بايقاۋىنىڭ دا باس ءجۇل­دەسىن جەڭىپ العان بولاتىن. ايگۇل سەيىلوۆا. استانا.