قوستانايلىقتار كومەگى

قارعىن  مەن جايىقتىڭ تا­سۋى­نان بولعان  اپاتتان زارداپ شەككەن باتىسقازاق­ستان­دىق­تار­دىڭ  جاعدايىن قوستاناي جۇرتى  كۇندەلىكتى  اقپاراتتاردان قاداعا­لاپ وتىردى. تابيعي اپاتتىڭ قاي­سى­سىنا بولسا دا قارسى تۇرۋعا  ادامنىڭ قولىنان كەلەر كۇش از ەكەن. قانشاما وتباسى كوكتەمنىڭ  سالقىن كۇندەرىندە  بار جيعان-تەرگەنى مەن باسپاناسىن سۋدا قال­دىرىپ زارداپ شەكتى. مەكتەپتەر جارامسىز بولىپ, سۋدا قالعان­دىق­تان بالالاردىڭ وقۋىنا دا  كەرى اسەرى بار ەكەنى انىق.  وسىنىڭ بارلىعىن ويلاعان قوستاناي­لىق­تار قاراپ وتىرا المادى.  وبلىس­تىق ءماسليحات دەپۋتاتتارى باس قوسىپ, وبلىس بيۋدجەتىنەن 100 ميلليون تەڭگەنى باتىس قازاق­ستان­داعى  سۋ تاسقىنىنان بولعان اپاتتىڭ زارداپتارىن جويۋعا بولۋگە ءباتۋالاستى.  ونىڭ سىر­تىندا  ءىرىلى-ۋاقتى  كاسىپورىندار, كاسىپكەرلەر جانە جالپى قوستا­ناي جۇرتشىلىعى اقشالاي قار­جى­لارىن ەكىنشى دارەجەلى بانك فيليالدارى مەن «كازپوشتا»  ار­قىلى اۋدارىپ جاتىر. بۇگىنگە دەيىن جينالعان قارجى 5 ميلليون 300 مىڭ تەڭگەدەن استى. تاسقىن سۋدان  زارداپ شەككەندەرگە قوستانايلىقتار كورسەتكەن كومەك  مۇنىمەن شەكتەلمەيدى. «سا­دو­ۆود» جانە «تەررو» جشس 34 توننا كارتوپ, «دەپ» فيرماسى 8 توننا ءسۇت ونىمدەرىن, «ستوفارم» ءدارى-ءدار­مەك, وزگە دە ساۋدا ورىن­دارى, كا­سىپ­ورىندار  توسەك-جاب­دىق­تار, كيىمدەر ارتقان كەرۋەن باتىس قازاق­ستان­عا اتتاندى. وسى  ازىق-ت ۇلىك پەن كيىم-كەشەكتىڭ ءوزى ون ءبىر ميلليون  تەڭگە شاماسىندا بولادى. اپاتتى ايماققا  كومەك رەتىندە قارجى جيناۋ ءىسى  وبلىستا  ءالى دە جالعاسادى. ءنازيرا جارىمبەتوۆا. قوستاناي.