وقۋشىلار ەرلەدى

تورتكۇل دۇنيەدە ۇزدىكسىز ءوتىپ جاتاتىن ءپان وليمپيادالارىنان قازاق ەلىنىڭ وقۋشىلارى جۇلدە­سىز ورالعان ەمەس. جاقىندا تاعى دا سونداي قۋانىشتى حابار رەسەي استاناسى ماسكەۋدەن جەتكەن. ول حالىقارالىق مەندەلەەۆ وليمپياداسىنا قاتىسقان ۇل-قىزدارىمىزدىڭ حيميا پانىنەن ابىرويعا كەنەلۋى ەدى. بيىلعى جىلدى الەمدىك قوعام­داس­تىقتار حيميا جىلى دەپ جا­ريالاعانى ءمالىم. بۇل جاس تالانت­تاردى قولداۋ, سولاردىڭ اراسىنان مىقتىلاردىڭ باعىن اشۋ نيەتىندە اتقارىلعان يگى ءىس ەدى. وسى ارادا سوڭعى ۋاقىتتار ىشىندە قازاق­ستان­دىق وقۋ­شى­لار حيميادان ءوت­كەن ءبىلىم سا­يىس­تارىندا باس ءجۇل­دە­نى جەڭىپ الىپ جۇرگەنىنەن بىرەر دالەل­دەر كەلتىرە كەتسەك دەيمىز. مىسالى, وتكەن جىلى سونداي بيىكتەن جال­عاس سەرىمبەتوۆ (جامبىل وبلىسى), حالىقارالىق «تۋيماادا» وليمپيا­دا­سىندا تارازدىق ەرنۇر تولەپ ءابسوليۋتتى چەمپيون دەپ تانىلدى. جالپى, الەمدىك دەڭگەيدە وتەتىن مەندەلەەۆ وليمپياداسىنا ءار مەم­لە­كەت ءوزىنىڭ 6 وقۋشىسىن ۇسى­نۋعا قۇقىلى بولسا, قازاق ەلىنە ونعا دەيىن وقۋشى جىبەرۋگە ءمۇم­كىن­دىك بەرىپ كەلەدى ەكەن. مۇنىڭ ءوزى ءبىزدىڭ مەملەكەتىمىزگە دەگەن ەرەكشە ءىلتيپات بولسا كەرەك. جاقىندا ماسكەۋ قا­لاسىندا وتكەن 45-ءشى حا­لىق­ارالىق مەندەلەەۆ وليمپيا­دا­سىنا قاتىسقان وقۋشىلارىمىز ءجۇز­دەن جۇيرىك, مىڭنان تۇلپار ەكە­نىن تاعى دا تانىتتى. وليمپي­دا­نىڭ التىن مەدالىن تاراز قالا­سى­نان قاتىسقان ابىلاي شاحنازاروۆ, كۇمىس مەدالدى ۆلاديمير دول­ج­نيك­وۆ (سولتۇستىك قازاقستان وبل­ى­سى), ۆلاديسلاۆ قامىسباەۆ (الما­تى), ەرنۇر تولەپ, نۇربەك سەرىك­ ۇلى (جامبىل وبلى­سى), ميراس بەكبەرگەنوۆ (استانا) السا, قولا مەدالدى دالەر بايديلوۆ (پاۆ­لودار وبلىسى), مۇرات سۇل­تانوۆ (الما­تى), ءازىم امانجولوۆ (استانا) يە بو­لىپتى. وليم­پيا­دا كەزىندە ەر­نۇر تولەپكە حيميا ءپانى بويىنشا جاساعان زەرتتەۋ ەڭبەك­تەرىن جوعارى باعالاعان BASF حيميا كونتسەرنى گەرمانياعا بارىپ قايتۋ ءۇشىن  ارنايى جولداما بەرگەنىن ايتا كەتكەنىمىز ءجون. جالپى, وسىنداي يگىلىكتى ىستەرگە ۇيىتقى بولىپ كەلە جاتقان ءبىلىم جانە عى­لىم مينيسترىنە قاراستى «دا­رىن» عىلىمي-پراكتيكالىق ورتالىعى ەكە­نىن ايتا كەتسەك دەيمىز. سۇلەيمەن مامەت.