سەنىم گراموتاسىن تاپسىردى

جاقىندا تيرانا قالاسىندا البانيا پرەزيدەنتىنىڭ سا­رايىن­دا قازاقستان رەسپۋبليكا­سى­نىڭ تۇرىك رەسپۋبليكا­سىن­داعى توتەن­شە جانە وكىلەتتى ەلشىسى, سونداي-اق البانيا رەس­پۋب­ليكاسىندا ەلشى قىزمەتىن قوسا اتقارۋشى جانسەيىت ءتۇي­مە­باەۆ البانيا رەسپۋب­ليكا­سىنىڭ پرەزيدەنتى بامير توپيگە سەنىم گراموتاسىن تاپسىردى. سەنىم گراموتاسىن تاپسىرۋ راسىمىنەن كەيىن قازاقستان ەلشىسى­نىڭ البانيا پرەزيدەنتىمەن بول­عان سۇحباتى بارى­سىندا ب.توپي قازاقستاندا جۇرگىزىلىپ جاتقان ساياسي جانە ەكونوميكا­لىق رەفورما­لارعا جوعارى باعا بەردى, البانيا باسشىلىعىنىڭ ەكىجاقتى ءجا­نە حالىقارالىق ماسەلە­لەر­دىڭ كەڭ اۋقىمى بو­يىنشا قا­زاقستان-البانيا قا­تى­ناس­تا­رىن دامىتۋعا ازىرلىگىن راس­تادى. ج.تۇيمەباەۆ البانيا مەم­لە­كەتىنىڭ باسشىسىنا قازاقستان پرەز­يدەنتى ن.نازارباەۆتىڭ ەڭ ىزگى تىلەكتەرىن جەتكىزىپ, ب.توپيگە ونىڭ تاياۋدا وتكەن تۋعان كۇنىنە وراي قازاقستان باسشىسى جول­داعان قۇتتىقتاۋ حاتتى تاپ­سىردى. ساۋدا-ەكونومي­كا­لىق, كولىك-كوم­مۋ­نيكا­تسيالىق جانە ينۆەستيتسيا­لىق سالالاردا, سون­داي-اق مادەني-گۋماني­تار­لىق سالادا ەكىجاقتى قاتىناس­تاردى دامىتۋ قاجەتتىگىن اتاپ ءوتتى. جانە البانيا پرەزيدەنتىنە جىلى قابىلداۋ ءۇشىن ال­عىسىن ءبىلدىرىپ, قازاقستان-ال­با­نيا قا­تى­ناستارىن ودان ءارى دامى­تۋعا بار كۇش-جىگەرىن جۇم­سايتىنىنا سەندىردى.