قازاقستان رەسپۋبليكاسىنىڭ زاڭى

قىلمىستىق ارەكەتتەن تۇسكەن تابىستاردى جىلىستاتۋ, انىقتاۋ, الىپ قويۋ جانە تاركىلەۋ تۋرالى كونۆەنتسيانى راتيفيكاتسيالاۋ تۋرالى مىناداي: 1) كونۆەنتسيانىڭ 2-بابىنىڭ 2-تارماعىنا جانە 6-بابىنىڭ 4-تارماعىنا سايكەس قازاقستان رەسپۋبليكاسى كونۆەنتسيانىڭ 2-بابىنىڭ 1-تارماعىن جانە 6-بابىنىڭ 1-تارماعىن قازاقستان رەسپۋبليكاسىنىڭ زاڭدارىنا سايكەس قىل­مىستىق جاۋاپكەرشىلىككە اكەپ سوقتىراتىن قۇقىق بۇزۋشىلىقتارعا عانا قاتىستى قولدانادى; 2) كونۆەنتسيانىڭ 14-بابىنىڭ 3-تارماعىنا سايكەس قازاقستان رەسپۋب­ليكا­سى كونۆەن­تسيانىڭ 2-بابىنىڭ 1-تارماعىن, 6-بابىنىڭ 1-تارماعىن جانە 14-بابىنىڭ 2-تارماعىن قازاقستان رەسپۋبليكاسىنىڭ كونستيتۋتسياسى مەن زاڭدارىنا سايكەس قولدانادى; 3) ەگەر قازاقستان رەسپۋبليكاسى مەن كونۆەنتسياعا قاتىسۋشى مەملەكەت­تەر­دىڭ ءبىرىنىڭ اراسىندا جاسالعان باسقا راتيفيكاتسيالانعان حالىقارالىق شارتتاردا وزگەشە بەلگىلەنبەسە, كونۆەنتسيانىڭ 25-بابىنىڭ 3-تارماعىنا سايكەس قازاقستان رەسپۋبليكاسىنا جىبەرىلەتىن سۇراۋ سالۋلار جانە قوسالقى قۇجاتتار قازاق نەمەسە ورىس تىلدەرىنە اۋدارمالارىمەن قوسا بەرىلۋگە ءتيىس; 4) كونۆەنتسيانىڭ 32-بابىنىڭ 2-تارماعىنا سايكەس قازاقستان رەسپۋبلي­كاسى كونۆەنتسيانىڭ ءىىى تاراۋىنىڭ ەرەجەلەرىنە سايكەس ۇسىنعان مالىمەتتەردى نەمەسە ايعاقتاردى سۇراۋ سالۋشى تاراپتىڭ ورگاندارى سۇراۋ سالۋدا ايتىلعا­ن­دارىنان باسقا, تەرگەۋ نەمەسە ءىستى قاراۋ ءۇشىن قازاقستان رەسپۋبليكاسىنىڭ ال­دىن الا كەلىسىمىنسىز پايدالانا المايدى نەمەسە بەرە المايدى دەگەن ەسكەرۋلەرمەن 1990 جىلعى 8 قاراشادا ستراسبۋرگتە جاسالعان قىلمىستىق ارەكەتتەن تۇسكەن تابىستاردى جىلىستاتۋ, انىقتاۋ, الىپ قويۋ جانە تاركىلەۋ تۋرالى كونۆەنتسيا راتيفيكاتسيالانسىن. قازاقستان رەسپۋبليكاسىنىڭ پرەزيدەنتى  ن.نازارباەۆ. استانا, اقوردا, 2011 جىلعى 2 مامىر  №431-IV قرز