«ەگەمەندە» جازىلعان ونەرتابىس ۇزدىك شىقتى

ادىلەت مينيسترلىگىنىڭ زياتكەرلىك مەنشىك قۇقىعى كوميتەتى, «ۇلتتىق زياتكەرلىك مەنشىك ينستيتۋتى» رمقك, ءبىلىم جانە عىلىم, يندۋستريا جانە جاڭا تەحنولوگيالار مينيسترلىكتەرىمەن ءبىر­لەسىپ, ونەرتاپقىشتىق سالاسىنداعى جەتىستىكتەردىڭ 8 رەسپۋب­ليكالىق «شاپاعات-2011» بايقاۋىنىڭ جەڭىمپازدارىن انىقتادى. ەۋرازيالىق پاتەنتتىك ۇيى­مى­نىڭ پرەزيدەنتى ا.گريگورەۆ­تىڭ قاتىسۋىمەن ۇزدىك ونەرتا­بىس­تار­دى ماراپاتتاۋ راسىمىنەن كەيىنگى وتكەن ءباسپاسوز ءماسليحاتىندا ءتۇر­لى نوميناتسيالار بويىنشا جەڭىم­پازداردىڭ ەسىمدەرى بارشاعا ءما­لىم بولدى. وسىمەن 8-ءشى رەت وتكىزىلىپ وتىر­عان رەسپۋبليكالىق «شاپاعات» كون­كۋرسىنا قاتىسقان جوبالار ەلى­مىز­دىڭ زياتكەرلىك سالاداعى الەۋە­تىن كورسەت­كەندەي. «بايگەگە اركىم­نىڭ اق بار تالا­سى» دەگەندەي, كون­كۋرسقا قاتىس­قان جوبالاردىڭ ىشىندە ءون­دىرىس پەن عىلىمنىڭ ءار باعى­تىن دا­مىتۋعا سۇبەلى ۇلەس قوسا­تىن­داي جۇ­مىس­تار­دىڭ قاراسى دا مول كورىندى. مىسالى, كريستالدى كرەمنيدى بال­قىتۋعا ار­نالعان توتىق­سىز­داندىرعىش «كار­بونيزات رەكسيل», «قۇمى كوپ مۇنايدى ءوندىرۋ ءتاسىلى جانە ونى جۇزەگە اسى­رۋعا ارنالعان قۇرىلعى, «ادام­نىڭ كىندىك/كاعاناق قانىنان جانە سۇيەك ميىنان گەموپو­ەتي­كا­لىق دىڭگەكتى جاسۋشالاردى ءبولىپ الۋ مەن ءوسىرۋ ءتاسىلى» ءتارىزدى اتاۋى­نىڭ ءوزى كۇر­دەلى جۇمىستار بارشى­لىق. الايدا, «جۇيرىكتەن جۇيرىك وزار جا­رىس­قاندا» دەگەندەي, سولار­دىڭ ءىشى­­نەن 3 ونەرتابىس «جىلدىڭ ونەر­تابىسى» دەگەن جوعارى مارا­پاتتى يەلەندى. ۆ.حارچەنكو ويلاپ تاپقان اياققا ارنالعان ورتوپە­ديا­لىق اپپاراتقا, جىل باسىندا «ەگەمەن» جازعان ا.سالعاريننىڭ «ا­ۆ­تو­موبيلدىڭ جىلدام ءجۇرىسىنىڭ قاۋىپ­سىزدىگىن ارتتىرۋ ءتاسىلى» جانە ۆ. دۆۋ­رەچەنسكيدىڭ «توپىراقتى جىرت­پاي وڭدەۋگە ارنالعان تۇرەنى» ونەرتابىس بايگەسىنەن قارا ءۇزىپ كەلدى. وسىلايشا ۇزدىك زياتكەرلىك عىلىمي ىزدەنىستەردىڭ ىشىنەن ەڭ لايىقتى دەگەندەرى انىقتالىپ, ونەرتابىس يەلەرىنە قۇرمەت كور­سەتىلدى. انار تولەۋحانقىزى.