تەمىر جول سالاسىنداعى ىقپالداستىق

كەشە  ۇكىمەت  ۇيىندە  ءىV  استانا ەكونوميكالىق فورۋمى اياسىندا تەمىر جول سالاسىنداعى قۇجاتتارعا قول قويىلدى. اتالمىش شاراعا  پرەمەر-مينيستر  كارىم  ءماسىموۆ قاتىستى. «قازاقستان  تەمىر جولى»  ۇلت­تىق كومپانياسى»  اق پرەزيدەنتى  اسقار  مامين  مەن  «الستوم  حولدينگ» كومپانياسىنىڭ ۆيتسە- پرەزيدەنتى  بەرنار  گونە تەمىر جول سالاسىندا باعىتتاعىشتار ءۇشىن ەلەكترلى جەتەكتەر شىعارۋ بويىنشا بىرلەسكەن كاسىپورىن قۇرۋ جونىندەگى ىنتىماقتاستىق مەموراندۋمىنا قول قويدى. سونداي-اق  اسقار  مامين  «سيسترا  سا» كومپانياسىنىڭ ات­قارۋ­شى ۆيتسە-پرەزيدەنتى  اندرە  ونايزەرمەن   استانا – الماتى جوعارى جىلدامدىقتى تەمىر جول ماگيسترالى قۇرىلىسىنىڭ تەح­ني­كالىق-ەكونوميكالىق نەگىزدەمەسىن ازىرلەۋگە ارنالعان تەحني­كا­لىق ماقساتتى دايىنداۋ بوي­ىن­شا فرانتسۋزدىق كومپانيا تا­را­پىنان كونسالتينگتىك قىزمەت كورسەتۋدى كوزدەيتىن كەلىسىمگە دە قول قويدى. جوعارىدا بەكىتىلگەن العاشقى مەموراندۋم بويىنشا بىرلەسكەن كاسىپورىن قۇرىلىپ, ەلىمىز اۋما­عىندا اتالعان ەلەكترلى جەتەكتەر شىعارىلماق. سونىمەن بىرگە بۇل وندىرىسكە ارىپتەس كومپانيانىڭ ونىمدەرى مەن تەحنيكالىق شەشىمدەرى پايدالانىلماق. ءابدىراحمان  قىدىربەك.