تەلەفون ارقىلى سويلەستى

قازاقستان پرەزيدەنتى نۇرسۇلتان نازارباەۆ اقش جاعى­نىڭ باستاماشىلىعىمەن امەريكا قۇراما شتاتتارىنىڭ پرەزيدەنتى باراك وبامامەن تەلەفون ارقىلى سويلەستى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى. امەريكا پرەزيدەنتى قازاق­ستان­نىڭ جەتىستىكتەرىنە جوعارى باعا  بەرە كەلە,  ءبىزدىڭ ەلىمىزدىڭ  الەۋ­مەتتىك-ەكونوميكالىق جانە  ساياسي دا­مۋداعى بەلگىلەنگەن  جوس­پار­لا­رىن  جۇزەگە اسىرۋدا  ءسات­تىلىك تىلەدى. اڭگىمە بارىسىندا ەكى ەلدىڭ باسشىلارى قازاقستان-امەريكا قارىم-قاتىناستارىنىڭ اعىم­دا­عى جاعدايى مەن  پەرسپەك­تي­ۆا­لا­رىن, ەكى ەلدىڭ اراسىنداعى ست­را­تەگيالىق سەرىكتەستىكتى  نىعايتۋ جونىندەگى الداعى  قادامداردى تال­قىلادى. ورتالىق  ازياداعى جاعدايدى قوسا العاندا, جاھاندىق جانە اي­ماقتىق قاۋىپسىزدىك ماسەلەلەرى بوي­­­ىنشا پىكىر الماسىلدى. ب.وباما اۋعانستانداعى جاعدايدى رەتتەۋگە قوسىپ وتىرعان سىن­دار­لى ۇلەسى ءۇشىن قازاقستانعا العىس ءبىلدىردى. جاپپاي  قىرىپ-جوياتىن  قا­رۋ-جاراقتى  تاراتپاۋ, نۇرسۇلتان نا­زارباەۆتىڭ وسى سالاداعى باس­تامالارىن, ونىڭ ىشىندە 2010 جىل­دىڭ ءساۋىر ايىندا ۆاشين­گتون­داعى يادرولىق قاۋىپسىزدىك ءجو­نىندەگى سامميتتە ايتىلعان باس­تامالارىن  جۇزەگە اسىرۋ ءما­سە­لەلەرىنە ۇلكەن نازار اۋدارىلدى. اقش پرەزيدەنتى سونداي-اق يسلام كونفەرەنتسياسى ۇيىمى­مەن اراداعى ءوزارا ءىس-قيمىلدارعا ۇلكەن ماڭىز بەرىلىپ وتىرعانىن اتاپ كورسەتتى جانە وسى ۇيىمعا توراعالىق ەتۋ بارىسىندا قا­زاقستانعا ساتتىلىك تىلەدى. قازاقستان باسشىسى  اقش-تىڭ وڭتۇستىگىندە بولعان جويقىن تورنادونىڭ سالدارىنان ادام قۇرباندىقتارىنىڭ ورىن الۋىنا بايلانىستى باراك وبا­ماعا كوڭىل ايتتى.