سپورت كەشەنى سالىنادى

وبلىس سپورتشىلارىنىڭ جاقسى جەتىستىكتەرى كوپ-اق. قىسقى ءVىى ازيا ويىن­دارىندا  سپورتتىق باعدارلاۋدان اسلان توقباەۆ التىننان القا تاقسا, كونكيشى  دميتري بابەنكو ءوز قورجىنىن ەكى كۇمىس جانە وسىنشا قولا مەدالمەن تول­تىردى. وقۋشىلاردىڭ قۇراما كو­مان­داسى رەسپۋبليكالىق قىسقى  V سپارتاكيادادا جۇلدەلى 3-ءشى ورىندى يەلەندى. ءوڭىر باسشىسى سەرىك ءبىلالوۆ  قىزىلجار ءوڭىرىنىڭ ۇزدىك سپورتشىلارى جانە جاتتىقتىرۋشىلارىمەن كەزدەسۋدە 15 سپورتشى اكىم تاعايىنداعان ستيپەنديا الاتىنىن, بىلتىر 7 ادامعا پاتەر بەرىلگەنىن ايتا كەلىپ, ماراپاتتاۋ ءرا­سى­مىن جالعاستىردى. ا.توقباەۆقا جايلى ءپا­تەردىڭ سەرتيفيكاتى, د.بابەنكوعا اق­شالاي سىيلىق تابىس ەتىلدى. «اقشا قار – 2011» وبلىستىق سپارتاكياداسىنىڭ جەڭىمپازدارى  ارنايى كۋبوكقا يە بول­دى. ءبىر توپ باپكەر ديپلومدارمەن ما­را­پاتتالدى. جيىنعا قاتىسقان ءبىلىم جانە عىلىم مينيسترلىگى دەنەشىنىقتىرۋ عىلىمي-پراكتيكالىق ورتالىعى ديرەكتورىنىڭ ورىنباسارى باۋىرجان رامازانوۆ اۋىل سپورتىن دامىتۋعا قوسقان زور ۇلەسى ءۇشىن قازاقستاننىڭ ەڭبەك ەرى گەننادي زەنچەنكوعا, وبلىس اكىمىنىڭ ورىنباسارى ايداربەك ساپاروۆقا, اۋدان اكىمدەرى مارات تاسماعانبەتوۆكە, ۆلاديمير بۋ­بەن­كوعا, رۇستەم ەلۋباەۆقا ورتالىقتىڭ كەۋدە بەلگىلەرىن  تاپسىردى. سەرىك سۇلتانعازى ۇلى ءوز سوزىندە 2011-2012 جىلدارى 2,5 ميلليارد تەڭ­گەگە سپورت كەشەنى سالىناتىنىن, جوبا­لىق-سمەتالىق قۇجاتتارىن دايىنداۋعا 30 ميلليون تەڭگە بولىنگەنىن جەتكىزدى. ءومىر ەسقالي.