نۇرعيسانىڭ ءان جيناقتارى جارىق كوردى

جامبىل اتىنداعى قازاق مەملەكەتتىك فيلارمونياسىندا ءما­دەنيەت مينيسترلىگى مەن الماتى قالاسى مەن وبلىسى اكىم­دىك­تە­رىنىڭ قولداۋىمەن جارىق كورگەن قازاقستاننىڭ حالىق ءارتىسى,  حالىق قاھارمانى نۇرعيسا تىلەنديەۆتىڭ «جان ساۋلە», «قۇستار ءانى», «الاتاۋ» ءان جيناقتارى جانە جارقىن شاكارىم مەن دا­ري­عا تىلەندىكەلىنىنىڭ «نۇرعيسا تىلەنديەۆ» اتتى عۇمىر­نامالىق دە­رەكتى كىتابىنىڭ تۇساۋكەسەرى ءوتتى. ەل  تاۋەلسىزدىگىنىڭ  20 جىل­دىعىنا تارتۋ رەتىندە ۇسىنىلىپ وتىرعان   بۇل   ەڭ­بەكتەر «ءما­دە­ني مۇرا» باعدارلاماسى اياسىندا,  ءداستۇرلى مۋزىكا ءما­دەنيەتىن ۇرپاققا ناسيحاتتاپ جەتكىزۋ نەگىزىندە شىعارىلىپ وتىر. وتكەن جىلى  عانا داۋلەسكەر كۇيشى,  ۇلى كومپوزيتور,   دا­رىن­دى ديريجەر  نۇرعيسا ءتى­لەن­دى ۇلىنىڭ تۋعانىنا 85 جىل تولۋىن ارتىندا قالعان قالىڭ ەلى اتاپ وتسە, ال نۇراعاڭنىڭ شىعارماشىلىعىنا ارنالعان ءتورت كىتاپ  سول يگى شارانىڭ  جال­­عاسىنداي   بولدى.  كوم­پو­زي­تور­دىڭ جارى,    قازاق­ستان­نىڭ ەڭ­بەك سىڭىرگەن ءارتىسى   دا­ريعا تىلەن­دى­كە­لىنىنىڭ ايتۋىن­شا, «الا­تاۋ», «جان ساۋلە», «قۇستار» اندەر جيناعى نۇراعاڭنىڭ كوزى تىرىسىندە 1960 جىلدارى جارىق كورگەن.  ارينە, وسىدان ەلۋ جىل بۇرىن  باسپا بەتىن كورگەن ءۇش كىتاپتىڭ  قولدا بارىنىڭ دا, وقۋلىق رەتىندە پايدالانعانداردىڭ دا ابدەن توزىعى جەتكەندىكتەن داريعا تىلەندىكەلىنى مەن قىزى ءدىن-زۋحرا  ولاردى قايتا باستىرۋدى قولعا الادى. نۇراعاڭ جايلى كىتاپقا جارى داريعا مەن بەلگىلى ونەرتانۋشى   جارقىن شاكارىم كوپ ەڭبەك سىڭىرگەن ەكەن.   «ادام ساناسىنىڭ ساۋلەسى دەگەن ۇعىم بار بولسا, نۇر­عيسا تىلەندى ۇلىنىڭ شى­عار­­ما­لارى  سانامىزدىڭ قوسپا­سىز ءتول, ۇلتتىق مۋزىكالىق ءساۋ­لەسى. نەگە دەسەڭىز, ونىڭ دوم­بىرادا كۇيلەر ورىنداۋى, كومپو­زي­تور­لىعى, شىعارما­لا­رىن وركەسترگە لايىقتاۋى, دي­ري­جەرلىعى, ۇس­تاز­دىعى, وركەستردى ۇيىمداس­تى­رۋشىلىعى ءتا­رىز­دى سان قىرلى قاسيەتتەرى ۇر­پاققا ۇلگى, بو­لا­شاققا ونەگە. ولاي بولسا, ونەر­تانۋ عىلىمى سالاسىندا نۇر­عي­ساتانۋدىڭ داڭعىل جولى اشى­لۋعا ءتيىستى», دەگەن  قورى­تىندى جاسايدى    اۆتورلار. – اندەرىنىڭ شىعۋ تاريحىن, ومىردەگى, ونەردەگى جارقىن بەلەستەرىن ەسكە الىپ, مەنىڭ ايت­قان­دارىمدى قاعازعا تۇسىرگەن جار­قىن شاكارىمگە العىسىمدى بىلدىرەمىن. ءوزىنىڭ كورگەن-ءتۇي­گەندەرىن قوسىپ, ۇلكەن ەڭبەك جا­سادى», – دەدى داريعا تىلەندىكەلىنى. كەش سوڭىندا جينالعان كوپ­شىلىك   كومپوزيتوردىڭ ءوزى قۇر­عان, كەيىن ەسىمىن العان اتاقتى ن.تىلەنديەۆ اتىنداعى اكادە­ميا­لىق فولكلورلى-ەتنوگرا­فيا­لىق وركەسترىنىڭ ونەرىن تاماشالادى. گۇلزەينەپ سادىرقىزى.