ۇشقىرلىق پەن ۇقىپتىلىق توعىسقان ءسات

ەلىمىز تاۋەلسىزدىگىنىڭ 20 جىلى ىشىندە قازاقستان رەسپۋبليكاسى قارۋلى كۇشتەرى ەگەمەندىگىمىزدى ساقتاپ, قورعاۋدا اۋىر دا ابىرويلى قىزمەت اتقارىپ كەلەدى. اسكەرىمىزدىڭ وسىنداي دارە­جەگە جەتۋى ءبىر جاعىنان قا­رۋلى كۇشتەردى نىعايتۋدا, ونىڭ ساپاسىن ارتتىرۋدا ءجۇر­گىزىلىپ جاتقان مەملەكەتتىك ساياساتپەن بايلانىستى بولسا, ەكىن­شى جاعىنان اسكەرىمىزدىڭ كۇشەيۋىنە قازاقستان ارميا­سىنىڭ قۇرىلىپ, قالىپتاسۋ كەزىندە باسىندا بولعان اردا­گەرلەرىمىزدىڭ, گەنەرالدار مەن وفيتسەرلەردىڭ, سەرجانتتار مەن ساربازداردىڭ قوسىپ جاتقان ۇلەسى قوماقتى. قازىر قازاقستان اسكەرى 20 جىل ىشىندە تولىق قۇرىلىپ جانە جىلدان جىلعا دامىپ, بۇرىن­عى كەڭەستىك كەڭىستىكتە ۇزدىك قارۋلى كۇشتەردىڭ قاتارىنا قوسىلىپ وتىر. ەلىمىز اسكەرىن­ىڭ ساپاسى جا­عىنان مىقتى­لىعىن ءبىز قورعانىس مي­نيس­ترلىگىنىڭ ۇيىمداس­تى­رۋى­مەن وتكىزىلەتىن وقۋ-جاتتىعۋ كەزدەرىندە كورىپ ءجۇرمىز. جاقىندا سونداي اسكەري جاتتىعۋلاردىڭ ءبىرى مينيسترلىكتىڭ ۇيىمداس­تى­رۋى­مەن تاۋەلسىزدىگىمىزدىڭ 20 جىل­دىعىنا وراي قاپشاعاي قالا­سىنىڭ ماڭىنداعى شوش­قالى پوليگونىندا بولىپ ءوتتى. مۇندا ەگەمەن ەلىمىزدىڭ ازات­تىعى مەن جەرىمىزدىڭ تۇتاستىعىن قورعاۋعا جاۋاپ بەرەتىن اسكەر تۇرلەرىنىڭ ءبىرى ۇتقىر, ءارى شاپشاڭ قيمىل­دايتىن, سانى از بولسا دا ساپاسى مىقتى دەسانتشى-شابۋىلداۋشى بريگادا قورعانىس ءمينيسترى ءادىل­بەك جاقسىبەكوۆ, قۇرلىق اسكەر­لەرىنىڭ باس قولباسشىسى, گەنەرال-مايور مۇرات مايكەەۆ پەن وسى جەرگە استانا مەن الما­تىدان ارنايى جينالعان باق وك­ىل­دەرىنە اسكەري دايىندىقتارىن كورسەتتى. وقۋ-جاتتىعۋ الاڭىندا دە­سانت­شىلار ۇرىسقا ازىرلىكتەرىن, بارلاۋ, شابۋىل جاساۋ سياقتى ءتا­سىلدەرىن كورسەتىپ, جۇرتشى­لىق­تىڭ نازارىن وزدەرىنە اۋداردى. بارلاۋ – ۇرىستى قامتاماسىز ەتەتىن سوعىستىڭ نەگىزگى ءتۇرىنىڭ ءبىرى. ونىڭ باستى مىندەتتەرى جاۋدى تەرەڭ تىلدا نەمەسە ۇرىس قي­مىلدارى ءجۇرىپ جاتقان جەرلەردە اسكەردىڭ جەڭىسكە جەتۋى ءۇشىن قاجەتتى بارلىق اقپاراتتار مەن مالىمەتتەردى جيناۋ بولىپ سانالسا,  پوليگوندا كورسەتىلگەن ۇرىس­­تىڭ تاعى ءبىر ءتۇرى ارتيللەريانى سوعىس قۇدايى دەيتىن كورىنەدى. وسى ۇرىستاردىڭ ءبارى وقۋ-جات­تىعۋ الاڭىندا جوعارى دەڭگەيدە ءوتتى دەپ ايتۋعا بولادى. شوشقالى پوليگونىندا اسكە­ري جاتتىعۋ ءجۇرىپ جاتقان كەزدە قورعانىس مينيسترلىگىنىڭ ۇيىم­داس­تىرۋىمەن استانا جانە ال­ماتى قالالارىنان كەلگەن باق وكىلدەرى اراسىندا اك (كالاشنيكوۆ اۆتوماتى) جانە پم (ماكاروۆ تاپانشاسى) قارۋ­لارىنان جارىس وتكىزىلگەنىن دە اتاپ ءوت­كەن ءجون. بۇل جارىسقا قاتىسقان 30-عا جۋىق جۋرنا­ليستىڭ ءبارى قۇرالايدى كوزگە اتقان مىقتى مەرگەندەر بولماسا دا, نى­سا­ناعا تيگىزىپ, ۇيىم­داستى­رۋشى­لار تاراپىنان ال­عىس حاتتارعا يە بولدى. ال جاتتىعۋ سوڭىندا قورعانىس ءمينيسترى ادىلبەك جاقسىبەكوۆ گازەتتەردىڭ ىشىندە «ەگەمەن قازاقستان» مەن «كازاحستانكايا پراۆدا» باسى­لىم­دا­رىنا قا­زاقستان رەسپۋبليكاسى قارۋلى كۇشتەرىنىڭ وڭ بەدەلىن ارت­تىرۋعا قوسقان زور ۇلەسى ءۇشىن «قازاقستان رەسپۋبليكاسى قا­رۋ­لى كۇشتەرىن ناسيحات­تاۋ­شى بەلسەندى باسىلىم» نو­مي­نا­تسياسى بويىنشا گراموتامەن ما­راپاتتاسا, مەرگەندىك جا­رىسىنا قاتىسقان جۋرنا­ليس­تەر­دىڭ بارىنە ەلىمىز اسكەرىنىڭ وڭ بەدەلىن ارتتىرۋعا جانە جاس­تاردى قازاقستاندىق پاتريوتيزم رۋحىندا تاربيەلەۋگە قوس­قان زور ۇلەسى ءۇشىن العىس حاتتاردى تابىس ەتتى. داستان كەنجالين. -------------------------------------- سۋرەتتەردى تۇسىرگەن يۋري بەككەر.