وپەراتسيانى پاكستاننان قۇپيا ۇستاعان

اقش الەمدەگى №1 تەررورشى دەپ ايدار تاققان ساۋد ارابياسىنىڭ ازاماتى ۋساما بەن لادەننىڭ قۇراما شتات­تار تاراپىنان جۇرگىزىلگەن ارنايى وپەراتسيا با­رىسىندا قازا تاپقانى بەلگىلى. وعان قاتىستى وپەرا­تسيانى اقش پاكستان بيلىگىنە ايتپاي, قۇپيا تۇردە جۇزەگە اسىرعان. بۇل جونىندە كەشە قۇراما شتاتتار پرەزيدەنتىنىڭ تەرروريزممەن كۇرەس جونىندەگى كەڭەسشىسى دجون برەننان مالىمدەدى. د.برەننان بەن لادەننىڭ پاكستان بيلىگىنەن رەسمي قولداۋ كورىپ كەلۋى ىقتيمال ەكەنىن دە جوققا شىعارمايدى. «ءبىز بۇگىندە ونىڭ پاكستاندا وسىنشاما ۇزاق ۋاقىت تۇرىپ كەلگەنىن تەكسەرۋ ۇستىندەمىز. بىزدىڭشە, بەن لادەننىڭ پاكستان تاراپىنان قانداي دا ءبىر قولداۋ كورگەنى انىق», دەيدى ول. بەن لادەننىڭ ۇستىمىزدەگى جىلدىڭ 2 مامىرىنا قاراعان ءتۇنى پاكستاننىڭ اببوتتاباد قالاسىندا ءولتىرىل­گەنىن ەسكە سالا كەتەيىك. ۇلتتىق بىرلىك تۋرالى كەلىسىمگە كەلدى پالەستينانىڭ باسەكەلەس فاتح ءجا­نە حاماس قوزعالىستارى ەگي­پەتتىڭ استا­ناسى كاير قالاسىندا ۇلتتىق تاتۋلاسۋ جانە بيلىكتىڭ ورتاق ورگانىن قۇرۋ تۋ­رالى كەلىسىمگە قول قويدى. كەلىسىم ءبىر جىل ىشىندە پارلامەنت سايلا­ۋىن جانە پالەستينا اۆتونومياسىنىڭ باسشىسىن ساي­لاۋدى وتكىزىپ, پارتيادا جوق كاسىپقويلار اراسىنان ءبىرتۇتاس «تەحنوكراتتار ۇكىمەتىن» جاساق­تاۋدى قاراستىرادى. سايلاۋ ناۋقانى مەن داۋىس بەرۋ ۇدەرىستەرىن اتالعان ەكى ۇيىم قۇرعان جانە 12 ادامنان تۇراتىن تاۋەلسىز تريبۋنال بايقايتىن بولادى. كەلىسىم بويىنشا, سونىمەن قاتار, قا­ۋىپسىزدىك سالاسىندا فاتح بولىمشەلەرى باتىس جاعالاۋدى, ال حاماس گازا سەكتورىن باقىلاۋدى جۇزەگە اسىرادى. ۋاعدالاستىققا ەگيپەتتىڭ جاڭا بيلىگىنىڭ ارااعايىندىعى ناتيجەسىندە قول جەتكەن. كاددافيدى بيلىكتەن كەتۋگە شاقىردى تۇركيا پرەمەر-ءمينيسترى رەدجەپ تايىپ ەردوعان ليۆيا باسشىسى مۋاممار كاددافي بيلىكتەن دەرەۋ كەتۋى ءتيىس, دەپ مالىمدەدى. تۇرىك پرەمەرىنىڭ سوزىنشە, كاددافي ەلدە رەفورمالار جۇرگىزۋگە شاقىرۋلارعا قاراماستان, ءوز حالقىنا قارسى رەپرەسسياعا بارىپ, حالىقتىڭ كوز جا­سىنا قالىپ قانا قويماي, قانىن دا جۇكتەپ وتىر. ەردوعان ءسوزىنىڭ ءتۇيىنى مىناداي: «ليۆيا كوسەمى – ليۆيانىڭ بولاشاعى, ەلدەگى بەيبىتشىلىك پەن وركەندەۋ ءۇشىن بيلىك باسىنان كەتىپ, تاريحي قادام جاساۋى قاجەت». بۇعان دەيىن رەسمي انكارا م.كاددافيگە قاتىستى جۇمساعىراق ۇستانىم تانىتىپ كەلگەن بولاتىن. الايدا, تۇركيا دايىنداعان بەيبىت جوسپار تريپولي تاراپىنان ەشقانداي قىزىعۋشىلىق تۋعىزباعان ەدى. ەسەپ-شوتتارداعى اقشادا ەسەپ جوق شۆەيتساريا باسشىلىعى مۋاممار كاددافي, حوسني مۇباراك جانە زين ءال-ابيدين بەن اليگە قاتىسى بولۋى ىق­تيمال 830 ميلليون فرانكتىڭ (960 ميلليون دوللار) ەسەپ-شوتتارىن جاۋىپ تاستادى. بۇل اقشانىڭ كوپ بولىگى, ياعني 410 ميلليون فرانكى بۇرىنعى مىسىر باسشىسى ح.مۇباراكقا تيەسىلى بولۋى مۇمكىن. م.كاددافيگە قاتىستىسى 360 ميلليون دەلىنسە, ءتۋنيستىڭ بۇرىنعى پرەزيدەنتى بەن اليگە قاتىستىسى 60 ميلليون فرانك دەلىنىپ وتىر. قازىر ەگيپەت پەن تۋنيس ۇكىمەتى شۆەيتساريا باسشىلىعىمەن «ق ۇلىپ سالىنعان» اقشانى قايتارىپ الۋ جونىندە كەلىسسوز جۇرگىزۋدە. ال ليۆياعا قاتىستى قارجى تۋرالى ازىرشە اڭگىمە جوق كورىنەدى. راديواكتيۆتىلىك دەڭگەيى جاسىرىلعان جاپونيا ۇكىمەتى «فۋكۋسيما-1» اەس-ىنەن شىققان راديواكتيۆتىلىك دەڭگەيى تۋرالى اقپاراتتى جاسىرىپ كەل­گەنىن مويىندادى. جاپونيا پرەمەر-ءمينيسترىنىڭ كە­ڭەس­شىسى گوسي حوسونو 5 مىڭنان استام مالىمەت جۇرت­شى­لىق تانىسۋ ءۇشىن جاريا ەتىلمەگەنىن كولدەنەڭ تارتتى. «فۋكۋسيما-1» اەس-ىندەگى اپات ۇستىمىزدەگى جىلدىڭ 11 ناۋرىزىنداعى سۇراپىل جەر سىلكىنىسى جانە ول تۋىنداتقان تسۋنامي سالدارىنان ورىن العانى بەلگىلى. الايدا, اەس-كە ۇلكەن زيان تابيعي اپاتتان ەمەس, ودان كەيىنگى كۇندەرى, ياعني ەنەرگوبلوكتار ورنالاسقان ورىنداردا سۋتەگىنىڭ بىرنەشە جارىلىسى بولعاننان كەيىن كەلگەنىن بىرەۋ بىلسە, بىرەۋ بىلمەۋى ىقتيمال. قىرعىزستانداعى ويران ەسەبى جاريالاندى قىرعىزستاننىڭ وڭتۇستىگىندە بىل­تىر بولعان ەتنوسارالىق قاق­تى­عىس­تاردى تەكسەرگەن حالىقارالىق كوميسسيا ءوزىنىڭ ەسەبىن جاريالادى. كوميسسيا توراعاسى كيممو كيليۋنەن ەسەپتى ۇسى­نا كەلە, ويراننان بارىنەن دە وزبەك قا­ۋىمىنىڭ وكىلدەرى كوپ زارداپ شەككەنىن كولدەنەڭ تارتتى. ونىڭ دەرەكتەرى بويىنشا, قازا تاپقاندار اراسىنداعى وزبەكتەردىڭ ۇلەسى 74 پايىزدى قۇرايدى. دۇنيە-م ۇلىككە كەلگەن شىعىنعا قاتىستى دا وسىنى ايتۋعا بولادى. ەسەپتىڭ جاريا ەتىلۋىندە سويلەگەن كوميسسيا باسشىسى بىلتىرعى ماۋ­سىم وقيعالارىن, كەيبىر باق-تاردا سول تۇرعىداعى پايىمداۋلار پايدا بولعانىنا قاراماستان, گەنوتسيد نەمەسە اسكەري قىلمىس دەپ باعالاۋعا ەشقانداي نەگىز جوق ەكەنىن اتاپ كورسەتتى. قىسقا قايىرىپ ايتقاندا: كانادادا 2 مامىردا پارلامەنتتىك سايلاۋ بولىپ ءوتتى. الدىن الا ناتيجەلەرگە سايكەس, سايلاۋدا پرەمەر-مينيستر ستيۆەن حارپەردىڭ بيلەۋشى كونسەرۆاتيۆتىك پارتياسى جەڭىسكە جەتكەن. اقش پەن رۋمىنيا رۋمىنيا اۋماعىندا امەريكانىڭ اۋە شابۋىلىنان قورعانىس جۇيەسى ەلەمەنتتەرىن ورنالاستىرۋ تۋرالى كەلىسىمگە قول قويعان. مۇنى رۋمىنيا پرەزيدەنتى ترايان بەسەسكۋ مالىمدەدى. رەسەي پرەزيدەنتى د.مەدۆەدەۆ ەلدىڭ تەرروريزمگە قاتىستى زاڭىنا تۇزەتۋ ەنگىزۋ تۋرالى جارلىققا قول قويدى. ول بويىنشا تەررورلىق قاۋىپتى ەسكەرتۋدىڭ ءۇش دەڭگەيلى جۇيەسى ەنگىزىلەتىن بولادى. ينتەرنەت ماتەريالدارى نەگىزىندە ازىرلەندى.