كوپجاقتى بايلانىس قىرلارى

كەشە سىرتقى ىستەر مينيسترلىگىنىڭ رەسمي وكىلى اسقار ابدراحمانوۆ ەلىمىزدىڭ سىرتقى ساياساتىندا بولاتىن قارىم-قاتىناستار تىزبەگىن حابارلاعان كەزەكتى اپتالىق بريفينگىن وتكىزدى. رەسمي وكىلدىڭ مالىمدەۋىنشە, قازاقستان رەس­پۋبلي­كاسى سىرتقى ىستەر ءمينيسترىنىڭ ورىنباسارى قايرات وماروۆ 5 جانە 6 مامىر كۇندەرى كۋبا رەسپۋب­ليكا­سىندا جۇمىس ساپارىمەن بولىپ قايتادى. ساپاردىڭ نەگىزگى ماقساتى – ەكى مەملەكەتتىڭ سىرتقى ساياسي ۆەدومستۆولارى اراسىنداعى كونسۋلتاتسيالاردى وتكىزۋ جانە سولاردىڭ قورىتىندىسى بويىنشا ەكىجاقتى ىنتىماقتاستىق جونىندەگى ۆەدومستۆوارالىق مەمو­ران­دۋمعا قول قويۋ. بريفينگ بارىسىندا اسقار ابدراحمانوۆ سونداي-اق «شانحاي ىنتىماقتاستىق ۇيىمىنا – 10 جىل» اتتى مەرەيتويلىق مونەتانىڭ تۇساۋكەسەرى مەن «قازاقستان رەسپۋبليكاسىنىڭ شانحاي ىنتىماقتاستىق ۇيىمىنا توراعالىعى» اتتى پوشتالىق ماركانىڭ سالتاناتتى ءراسىمى وتەتىندىگىن جاريا ەتتى. قازاقستان رەسپۋبليكاسىنىڭ شانحاي ىنتىماق­تاس­تىق ۇيىمىنا توراعالىعىن ناسيحاتتاۋ باعدارلاما­سىنا سايكەس, قازاقستاننىڭ ۇلتتىق بانكى «شانحاي ىن­تى­ماقتاستىق ۇيىمىنا – 10 جىل» اتتى مەرەيتوي­لىق مو­نەتانى اينالىمعا ەنگىزىپ, «قازپوشتا» اق «قازاق­ستان رەسپۋبليكاسىنىڭ شانحاي ىنتىماقتاس­تىق ۇيىمىنا توراعالىعى» اتتى پوشتالىق ماركانى باسىپ شىعا­راتىن بولادى. سالتاناتتىڭ تۇساۋكەسەر راسىمىنە شىۇ باس حاتشىسى مۇراتبەك يماناليەۆ, ۇلتتىق بانك ءتور­اعاسىنىڭ ورىنباسارى بيسەنعالي تاجياقوۆ, «قاز­پوشتا» اق باسقارماسىنىڭ توراعاسى اركەن ارىستانوۆ جانە قازاقستاننىڭ شانحاي ۇيىمى ماسەلەلەرى جونىندەگى ۇلتتىق ۇيلەستىرۋشىسى, سىرتقى ىستەر مينيسترلىگىنىڭ ەرەكشە تاپسىرمالار جونىندەگى ەلشىسى شاحرات نۇرىشەۆ قاتىسادى, دەدى اسقار ابدراحمانوۆ. كەشەگى بريفينگتە سونداي-اق استانادا 2011 جىل­دىڭ جازىندا وتەتىن يسلام كونفەرەنتسياسى ۇيىمى سىرتقى ىستەر مينيسترلەرى كەڭەسىنىڭ 38-ءشى سەسسيا­سىندا قازاقستان تورعالىعى لوگوتيپىنىڭ تۇساۋى كەسىلەتىندىگى جونىندە مالىمدەلدى. اراي ۇيرەنىشبەكقىزى.