كاسىپتىك ءبىلىم باسەكەگە لايىق پا؟

الەمدىك باسەكە ايدىنىندا ءبا­سەكەگە توتەپ بەرۋدىڭ ءتۇرلى ءتا­سىلدەرى كۇن سايىن ءومىردىڭ تالا­بى­نا قاراي جاڭارىپ كەلەدى. قو­عام دامۋىنىڭ قاي سالاسى بول­ما­سىن, بارىندە قىزۋ باسەكەلەس­تىك بولا­تىنى ايدان انىق. سەبەبى, باسەكە جوق جەردە سان تۋرالى دا, ساپا تۋرالى دا ءسوز قوز­عاۋ­دىڭ ءوزى ارتىق. سوندىقتان نا­رىق زاڭ­دىلىقتارىن كاسىبي تۇر­عىدا يگە­رۋدىڭ, بىلىكتى كادرلار دايار­لاۋدىڭ, جوعارعى سا­پالى سەرتي­فيكاتسيالى ءبىلىمدى جال­عاس­تىرۋدىڭ پروب­لەما­لارى ءبىلىم جانە عىلىم مينيسترلىگى ۇيىمداس­تىر­عان «ەڭ­بەك نارىعى, تەحني­كالىق جانە كا­سىپتىك ءبىلىمدى دامىتۋدىڭ بو­لاشاعى» اتتى رەس­پۋبليكالىق كون­فەرەنتسيادا تال­قى­­لاندى. ءيا, تەحنيكالىق جانە كاسىپ­تىك ءبىلىم بەرۋگە قازىرگى ۋا­قىتتا ەلىمىز ايرىقشا ءمان بەرىپ وتىر. ونىڭ ىلگەرىلەپ دامۋى مەملەكەت, بيزنەس قۇ­رىلىمدارىنىڭ ءجا­نە ازامات­تاردىڭ الەۋمەتتىك جاعدايىنا وراسان زور سەرپىن بەرەتىنى دە انىق. ەلدىڭ ەكونومي­كالىق قۋاتى دا وسى ايتىلعان سالالارمەن تىعىز بايلانىستا. سول ءۇشىن تەحنيكالىق جانە كا­سىپتىك ءبىلىم بەرۋدى دامىتۋدا ەڭ­بەك ونىمدىلىگىن ارتتىرۋ, جالپى العاندا كاسىپورىندار­دىڭ باسە­كە­سىن دامىتاتىن جو­عارى بىلىكتى ماماندار دايارلاۋ وتە ما­ڭىز­دى. ارنايى ما­مان­داردىڭ اي­تۋىن­شا, وتان­دىق قۇ­رىلىم­دار­دا تەحني­كالىق ءجا­­نە كاسىپتىك ءبىلىم بەرۋدى باسقارۋدىڭ ۇتىمدى ءارى قو­لايلى ۇلگىسى وسى ۋاقىتقا دەيىن قالىپتاسپاعان. وقۋ باع­دار­لامالارى نارىق ەڭبەگىن­دەگى داعدىلار مەن زاڭدىلىق­تاردى ناقتى قامتىپ كورسەتە المايدى. سول ءۇشىن دە بيزنەسكە كەرەك ماماندار دايارلاۋدى باسقارۋ ءۇر­دىسى جولعا قويىل­ماعان. ءبىر ءسوز­بەن ايتقاندا, بيزنەستىڭ كادر­لارعا دەگەن سۇ­رانىسىن ەسەپكە الاتىن, ما­مان­داردىڭ بىلىكتىلىكتەرىن قا­داعالايتىن تۇتاس جۇيە جوق. اتالمىش كونفەرەنتسيا ايا­سىندا ءبىلىم جانە عىلىم, يندۋستريا جانە جاڭا تەحنولوگيالار, كولىك جانە كوممۋنيكاتسيا, اۋىل شا­رۋاشىلىعى, باي­­لانىس جانە اق­پارات, مۇ­ناي جانە گاز, ەڭبەك جانە حا­لىقتى الەۋمەتتىك قورعاۋ مينيسترلىكتەرى مەن «اتا­مەكەن وداعى» قازاقستان ۇلتتىق ەكو­نو­­مي­كالىق پالاتاسى اراسىن­داعى كادر­لاردى دايارلاۋ, قايتا دايارلاۋ جانە بىلىكتىلىكتەرىن ارتتىرۋ ماسەلەلەرى جونىندە ىنتىماقتاس­تىق تۋرالى كەلىسىمگە قول قو­يىلدى. سونداي-اق ءبىلىم جانە عىلىم مي­نيستر­لىگىنىڭ «KAZENERGY» مۇ­ناي-گاز جانە ەنەر­گەتيكالىق كەشەندى ۇي­ىم­دارىنىڭ Pricewater­­house­Coopers Tax & Advisory كونسور­تسيۋمى ارا­سىندا اتىراۋ ايماق­ارالىق كاسىپ­تىك ورتالى­عىن باس­قارۋدىڭ ىنتى­ماق­تاستىق تۋرالى مەموراندۋمىنا قول قويۋ سال­تاناتى بولدى. مۇنداي مەمو­راندۋمعا قول قويۋ – مەملەكەتتىك تاپسىرىستى ورىنداۋ جانە وقۋ ورىندارى­نىڭ ماتەريالدىق تەح­ني­كالىق بازاسىن نىعايتۋ, ءون­دىرىستىك تاجىريبەنى جانە وقۋ بىتىرۋشىلەردى جۇمىسقا ور­نالاست­ى­رۋدى ۇيىمداس­تىرۋداعى كاسىپ­ورىن­نىڭ قاتىسۋىن قامتۋدا قارقىن­دى جوبا بولىپ تابىلادى. جيىندا پرەمەر-مينيس­تر­دىڭ ورىنباسارى ەربول ورىن­باەۆ بايانداما جاسادى. ۆيتسە-پرەمەر ءوز بايانداما­سىندا بۇل ماسەلەنى تۇبەگەيلى شەشۋ قاجەت­تىگىن اتاپ كورسەتتى. ونىڭ اي­تۋىنشا, قوعامدا كا­سىبي-تەحني­كالىق ءبىلىم بەرۋ سالاسىنىڭ بەدەلى تومەن. «قو­عامدا كاسىبي-تەحنيكالىق ءبىلىم بەرۋ جۇيەسى ەكىنشى سۇرىپتى دەگەن قاتە تۇسىنىك قالىپ­تاسقان. بۇل ءوز كەزەگىندە ەڭبەك نارىعىندا تەپە-تەڭدىكتىڭ ساق­تال­ماۋىنا اكەپ سوعۋدا. كا­سىبي-تەحنيكالىق ءبىلىم بەرۋ ۇيىمدارىنا جىلىنا 300 مىڭ­­نان استام ادام تۇسەدى. جوعارى وقۋ ورىندارىنا دا وسىنشا ادام بارادى. قازاق­ستانداعى جۇمىسپەن قامتىل­عانداردىڭ 27 پايىزىنىڭ كا­سىبي-تەحنيكالىق بىلىمدەرى بار, 28 پايىزى جوعارى وقۋ ورىن­دارىن تامامداعان. ال 45 پا­يىزعا جۋىعى ورتا مەكتەپتەن كەيىن بىلىمدەرىن جالعاس­تىر­ما­عان. ءبىزدىڭ جوو-داعى ستۋ­دەنت­تەر­دىڭ سانى كوللەدجدەر مەن ليتسەيلەردەگى ستۋدەنتتەرگە قا­را­عاندا كوپ. بۇل ماسەلە ۇلكەن الاڭ­داۋشىلىق تۋدىرا­دى. باس­قا دا­مىعان مەملەكەتتەردە كا­سىبي-تەحنيكالىق ءبىلىم الىپ شىق­قانداردىڭ سانى 75 پا­يىزدى قۇرايدى», دەدى ۆيتسە-پرەمەر. كونفەرەنتسيا بارىسىندا «تەح­نيكالىق جانە كاسىپتىك ءبىلىم بەرەتىن وقۋ ورنىنىڭ ۇزدىگى» اتتى رەسپۋبليكالىق كون­كۋرس­تىڭ جەڭىمپازدارىن ما­راپاتتاۋ سالتاناتى وتكىزىل­دى. بۇل كونكۋرس تەحنيكالىق جانە كاسىپتىك ءبىلىم جۇيەسىن جەتىلدىرۋ, ناسيحاتتاۋ, بەدەلىن ارتتىرۋ, كادر­لاردى كاسىبي دايارلاۋ سا­پاسىن قامتاماسىز ەتۋ ءجونىن­دەگى تاجىريبەنى تاراتۋ ماقسا­تىندا وتكىزىلىپ وتىر دەسەك, قازىلار القاسىنىڭ شەشىمىمەن مەتاللۋرگيا, ەنەرگەتي­كا, تاۋ-كەن, قۇرىلىس پەن اۋىل شارۋا­شىلىعى سالاسىنا كادرلار دايار­لايتىن 16 ۇزدىك تەحني­كالىق جانە كاسىپتىك ءبىلىم بەرۋ ۇيىم­دارى انىق­تالدى. گران-پري جۇلدەسى ەڭ ۇزدىك كادرلاردى دايارلاعان وقۋ ورىن­دارىنا بەرىلدى. سونىڭ ىشىندە قالالىق وقۋ ءبولىمىن جەتىلدىرگەن باعىت بويىنشا اقتوبە وبلىسىنىڭ №4 ما­مانداندىرىلعان ليتسەيى ماراپاتتالسا, اۋىلشارۋاشىلىق سالاسى بويىنشا پاۆلودار وبلىسىنىڭ №25 ماماندان­دى­رىلعان ليتسەيى جەڭىمپاز اتال­دى. ال ەنەرگەتيكالىق سالاعا ارنالعان جۇلدە الماتى قالا­سىنىڭ ەنەرگەتيكالىق جانە ەلەكتروندىق تەحنولوگيا كوللەدجىنە بۇيىرسا, قۇرىلىس سا­لاسى بويىنشا اقمولا وبلى­سىنىڭ №11 مامانداندى­رىل­عان ليتسەيى جەڭىپ شىقتى. ال مەتاللۋرگيا سالاسى بويىنشا اقتوبەلىك كولىك جانە كوممۋنيكاتسيا, جاڭا تەحنولوگيالار كوللەدجى جەڭىمپاز دەپ تانىلدى. اراي ۇيرەنىشبەكقىزى.