ماڭىزدى ماسەلەلەر قوزعالدى

كەشە قازاقستان رەسپۋبليكاسىنىڭ سىرتقى ىستەر ءمينيسترى ەرجان قازىحانوۆ ەلوردادا ءوتىپ جاتقان VI استانا ەكو­نوميكالىق فورۋمىنا قاتىسۋعا كەلگەن بۇۇ باس حات­شى­سى­نىڭ ورىنباسارى, ەۋروپالىق ەكونوميكالىق كوميسسيانىڭ اتقارۋشى حاتشىسى يان كۋبيشپەن جانە بۇۇ ازىق-ت ۇلىك ۇيى­مىنىڭ باس ديرەكتورى جاك ديۋفپەن كەزدەستى. كەزدەسۋ بارىسىندا ەكى جاقتى ىنتىماقتاستىق ماسەلەلەرى تال­قى­لاندى. سونىڭ ىشىندە ەنەر­گە­تيكا, كولىك ينفراقۇرىلىمى, ساۋدا جانە قورشاعان ورتانى قورعاۋ ماسەلەلەرى كەزدەسۋدىڭ ماڭىزدى تۇيىنىنە اينالدى. ەكىجاقتى ىن­تىماقتاستىقتىڭ ىلگەرى دامىپ كەلە جاتقاندىعىن ءسوز ەتە وتىرىپ, ە.قازىحانوۆ قازاقستاننىڭ ەەك-ءتىڭ ارنايى كوميتەتتەرىمەن ارا­دا­عى بارىس-كەلىستى كەڭەيتۋگە جانە ءوزارا قارىم-قاتىناس جاساۋ­دا­عى جاڭا باعىتتار قالىپتاس­تىرۋ مەن ءتيىستى تىڭ ۇلگىلەردى جا­ساۋعا مۇددەلى ەكەندىگىن جەتكىزدى. كەزدەسۋ كەزىندە ارال ەكولو­گياسى, اۋىل شارۋاشىلىعىندا سۋ رەسۋرسىنىڭ جەتىسپەۋشىلىگى, سۋ ماسەلەسىن رەتتەۋدە ورتالىق ازيا­نىڭ بارلىق رەسپۋب­لي­كا­لارىنا ونىڭ ءتيىمدى ءتاسىلىن تابۋ سياقتى ايماقتىق ماسەلەلەردى شەشۋدە قولداۋ كورسەتۋ اسا ما­ڭىزدى بولىپ تابىلاتىندىعى اتاپ كورسەتىلدى. ەنەرگەتيكا سالا­سىنداعى ىنتىماقتاستىق تا اڭگىمە وزەگىنە اينالدى. كەزدەسۋ شەڭبەرىندە ءۇستىمىز­دەگى جىلدىڭ كۇزىندە استانادا وتەتىن «ەۋروپاداعى قورشاعان ورتا» اتتى 7-ءشى مينيسترلەر كون­فە­رەنتسياسىنا دايىندىق جۇمىس­تارى قاراستىرىلدى. يا.كۋبيش جۋرناليستەرگە بەرگەن سۇح­باتىن­دا اتالعان كونفەرەنتسيانىڭ ماق­ساتىنا كەڭىنەن توقتالدى. ونىڭ ايتۋىنشا, ەەك قىزمەتىن كە­ڭەيتۋ جانە ەۋرازيا كونتينەنتىندەگى قورشاعان ورتانى, سونداي-اق ازيالىق جانە ەۋروپالىق ينتە­گرا­تسيانىڭ ەكولوگيالىق باعدار­لا­مالارىن تۇراقتى جاقسارتۋ وتە ماڭىزدى بولىپ تابىلادى. ال بۇۇ ازىق-ت ۇلىك ۇيىمى­نىڭ باس ديرەكتورى جاك ديۋفپەن بولعان كەزدەسۋدە ەكونوميكالىق ءوسۋ, الەۋمەتتىك دامۋ, قورشاعان ورتا­نى قورعاۋ جانە ونىڭ ارا­سىنداعى قولايلى بالانستى قام­تا­ماسىز ەتۋ ماسەلەلەرى تال­قى­لاندى. قازاقستان تۇراقتى دامۋدى قام­تاماسىز ەتۋ ءۇشىن جۇيەلى قا­دامدار جاساپ وتىر. اتاپ ايت­قاندا, قازاقستان رەسپۋب­لي­كا­سى­نىڭ 2007-2024 جىلدارعا ار­نالعان تۇراقتى دامۋى تۇجى­رىمداماسى قابىلدانعان. مۇن­داي تۇجىرىمدامانىڭ ماقساتى – الداعى ۋاقىتتا قازاقستان ەكو­نوميكاسىنىڭ دامۋىن قام­تا­ما­سىز ەتۋ, دەپ مالىمدەدى ە.قا­زى­حانوۆ. سىرتقى ىستەر ءمينيسترى قا­زاقستاننىڭ تاجىكستان, پاكستان, قىرعىزستان, اۋعانستان سياقتى مەملەكەتتەرگە گۋمانيتارلىق كومەك كورسەتە وتىرىپ, الەمدىك رىنوكتا ءوزىن استىق جەتكىزۋدەن ءىرى قامتاماسىز ەتۋشى ەل رەتىندە تانىتقاندىعىن ايتتى. سونىمەن قاتار, ءوندىرىس كولەمىن ودان ءارى قاراي ۇلعايتۋدا ەلىمىزدىڭ اگرار­لىق سەكتورىندا ۇلكەن الەۋەت بار ەكەندىگىن اتاپ كورسەتتى. اراي ۇيرەنىشبەكقىزى.