ورتاق كوزقاراس تانىتىلدى

اقوردادا ءىV استانا ەكونوميكالىق فورۋمى اياسىندا مەملەكەتتىك حاتشى قانات ساۋداباەۆ جاپونيانىڭ بۇرىنعى پرەمەر-ءمينيسترى, اتالعان ەلدىڭ قازاقستانمەن دوستىقتى نىعايتۋ جونىندەگى پارلامەنتتىك ليگاسىنىڭ توراعاسى يۋكيو حاتويامامەن كەزدەستى. وتكەن جىلدىڭ كوكتەم ايىندا توكيوعا جاساعان ساپارىمىز با­رى­سىندا قازاق-جاپون ىنتىماق­تاس­تىعىنىڭ قازىرگى جاعدايى مەن قوس مەملەكەتتىڭ بولاشاقتاعى دامۋ باعىتتارىن تالقىلاۋعا ءمۇم­كىن­دىك تۋعان ەدى. ارىپتەستىك كوك­جيەگىنىڭ بۇلايشا كەڭەيۋىنە ءبىز­دىڭ مەملەكەت باسشىسىنىڭ كۇن­شىعىس ەلىنە ساپارى مەن قول جەتكىزىلگەن كەلىسسوزدەر ىقپال ەتكەن بولاتىن, دەدى قانات ساۋداباەۆ. سونداي-اق, مەملەكەتتىك حاتشى ءوزىنىڭ سوزىندە كوپتەگەن جاننىڭ ءومىرىن قيعان تابيعي الاپات ءزىلزالا مەن «فۋكۋسيما-1» اتوم ەلەك­تر ستانساسىنداعى تەحنوگەندىك اپات­قا بايلانىستى جاپونيا حال­قى­نا كوڭىل ايتتى. ءسىزدىڭ ەلدە­رى­ڭىزدە ورىن العان قايعىلى جاعداي قازاقستاندىقتارعا دا اسەر ەتتى. سەبەبى, ءبىزدىڭ مەملەكەتتەرىمىزدى سوڭعى 15 جىلدىڭ بەدەرىندە ءتۇر­لى سالاداعى ىنتىماقتاستىق قانا بايلانىستىرمايدى, قازاقستان مەن جاپونيا الەم بويىنشا ياد­رولىق قارۋدىڭ سالدارى مەن سال­ماعىن شىنداپ سەزىنگەن ەلدەر. ال تابيعي اپات اتوم ەلەكتر­ ستان­ساسىنداعى تەحنوگەندىك اپاتقا ۇلاسقان كەزدە ونىڭ بۇكىل الەمدى بەيجاي قالدىرماعانى انىق. وسىعان وراي, قازاقستان پرەزيدەنتى ن.نازارباەۆتىڭ تاپسىر­ما­سى بويىنشا ەلىمىز تاراپىنان اپاتتىڭ العاشقى كۇنىنەن باستاپ كۇنى بۇگىنگە قولداۋ كورسەتىلىپ كەلەدى. بۇل رەتتە مەن مىنانى باسا ايتقىم كەلىپ وتىر: الاپات اپات ورىن العان كۇندەرى دۇنيە ءجۇ­زى­نىڭ ديدارى جاپونياعا اۋعان كەزدە الەم حالقى جويقىن ءزىلزالا­نىڭ زاردابىن عانا ەمەس, سول قيىندىققا قارسى تۇرىپ, ونىڭ سالدارىمەن كۇرەسە بىلگەن جاپون حال­قىنىڭ كۇش-جىگەرىن دە ءوز كوزى­مەن كوردى, دەدى مەملەكەتتىك حاتشى. ال يۋكيو حاتوياما ءوز كەزەگىندە قازاقستاننىڭ مەملەكەتتىك حاتشىسىمەن كەزدەسىپ, ەكى ەل ارىپتەستىگىن تالقىلاۋعا مۇمكىن­دىك العانىنا ريزاشىلىعىن جەتكىزدى. وتكەن جىلدىڭ ناۋرىز اي­ىندا ءسىز قازاقستاننىڭ سىرتقى ىستەر ءمينيسترى رەتىندە جاپون ەلىنە ساپارمەن كەلگەن ەدىڭىز. ال مەن سول ۋاقىتتا جاپونيانىڭ پرە­مەر-ءمينيسترى ەدىم. بۇل ساپار بارىسىندا ءبىز قوس مەملەكەت­تىڭ ءتۇرلى سالاداعى بايلانىسىن تالقىعا سالدىق. قازىرگى تاڭدا ءبىزدىڭ ەلدەردىڭ اراسىندا ءتۇرلى سالادا, ماسەلەن, تابيعي رەسۋرس­تا­ردى پايدالانۋ باعىتىندا جاق­سى ارىپتەستىك بايلانىس ورناعان. مۇنداي بايلانىستار قوس مەملەكەت ءۇشىن دە ءتيىمدى ءارى پايدالى, دەدى ءوزىنىڭ سوزىندە يۋ.حاتوياما. كەزدەسۋ بارىسىندا تاراپتار ساياسي جانە ساۋدا-ەكونوميكالىق بايلانىستاردىڭ قارقىنىن ۇدە­تۋ, جاڭا تەحنولوگيالار جەتىستىگىن پايدالانۋداعى ءوزارا ىقپال­داس­تىق تەتىگىن نىعايتۋ ماسەلەلەرىن دە اڭگىمە وزەگىنە اينالدىردى. سونداي-اق, يادرولىق قارۋدى تاراتپاۋ جانە قاۋىپ-قاتەردى ازايتۋ توڭىرەگىندەگى ۇزاق جىلعى ىنتى­ماقتاستىقتىڭ الەمدىك قوعامداس­تىق تاراپىنان قولداۋ تاۋىپ وتىرعانىن دا تىلگە تيەك ەتتى. ءلايلا ەدىلقىزى.