جاس جۇبايلار باق سىنادى

تاعدىر توعىستىرعان ەكى جاس ءومىر اتتى ايدىنعا جەلكەن سال­دى. الدىندا سان الۋان ارمان-اسۋلار كۇتىپ تۇر. ارينە, ءومىردىڭ اششىسى مەن تۇششىسى دا الما-كەزەك بولاتىنى زاڭدىلىق. وعان ءتو­زەتىندەر دە, كىلت شەشىم قا­بىل­دايتىندار دا بولادى. دەمەك, جاس وتباسىلارعا جول سىلتەۋ, باعىت-باعدار بەرۋ اعا ۇرپاقتىڭ پارىزى ەكەنى انىق. 1 مامىر – قازاقستان حالقى­نىڭ بىرلىگى كۇنى مەرەكەسى قار­سا­ڭىندا وسى نيەتپەن «جەتىسۋ جاس­تارى» جاستار ورتالىعىنىڭ ۇيىمداستىرۋىمەن «جاس وتاۋ» وبلىستىق بايقاۋى وتكىزىلىپ, وندا ءار ايماقتان 13 جۇپ ونەرلەرىن كوپشىلىك تالعامىنا ۇسىندى. كورەرمەندەر بايقاۋ الدىندا ءار جۇپتىڭ وتباسىلىق فوتوكورمە­سىن تاماشالاپ, جاس جۇباي­لار­دىڭ ۇيلەنگەننەن بەرگى وتكىزگەن قىزىقتى ساتتەرىنە قانىعا ءتۇستى. كورمەدە وتباسىنىڭ شىعار­ما­شى­لىق تۋىندىلارى دا ۇيلەسىم تاپتى. «اجەلەر» ءانسامبلىنىڭ جەتەكشىسى التىن بۇركەيقىزى اق تىلەگىن ايتىپ, ساتتىلىك تىلەدى. ساحناعا الاكول اۋدانىنان كەلگەن جانگەلدى نەمەرباەۆ پەن اي­نۇر راحىپبەكوۆا «وتباسىنداعى ءبىر كۇن» تاقىرىبىمەن ءتۇسىرىل­گەن DVD فورماتىنداعى بەينە­بايا­نىن كورسەتتى. وندا جاس كەلىن اينۇردىڭ ۇلكەنگە ىزەتى, كىشىگە قۇرمەتى ادەمى بەينەلەنىپتى. بۇل جۇپ وزدەرىن تانىستىرۋعا قازاق­تىڭ قىزىل سىرلى دومبى­را­سى­مەن شىعىپ, ونەردەن دە قۇر­الاقان ەمەستىگىن بايقاتتى. تالدىقورعاندىق بەكزات اع­يار­­ ۇلى مەن گۇلجان اسەت­قىزى دا حالقىمىزدىڭ سالت-ءداستۇرىن جەتە بىلەتىندىگىمەن ەرەكشەلەندى. ال, ىلەلىك نۇرلان مەن زي­ناگۇل قوڭىرباەۆتاردىڭ وتباسى ساحناعا ءبۇلدىرشىن سابيلەرىمەن شىعىپ, كورەرمەننىڭ كوڭىلىن باۋ­رادى. كوكسۋلىق بەرىك پەن مار­جان كارىموۆتەر, تەكەلىلىك تاكەن جۇمانقۇلوۆ پەن تورعىن تۇرلىباەۆا دا جاس وتاۋدىڭ بوساعاسىنىڭ بەرىكتىگىن بەينەلەي ءبىلدى. بايقاۋدا جۇپتار قا­زاق­تىڭ سالت-ءداستۇرى مەن ادەت-عۇرپىنا وراي قويىلعان سۇراق­تارعا جاۋاپ بەرسە, سوڭعى تۋردا وزدەرى دايىنداعان اس ءمازىرىن قازىلار نازارىنا ۇسىندى. مىنە, وسىنداي تارتىستى ءوت­كەن بايقاۋدا تالدىقورعاندىق بەك­زات اعيار ۇلى مەن گۇلجان اسەتقىزى جەڭىسكە جەتىپ, باس ءباي­گەنى يەلەندى. الاكولدىك جان­گەلدى نەمەرباەۆ پەن اينۇر راحىپبەكوۆا ەكىنشى ورىنعا,  ىلە اۋدانىنان بالالارىمەن قا­تىس­قان نۇرلان مەن زيناگۇل قو­ڭىرباەۆتار ءۇشىنشى ورىنعا قول جەتكىزىپ, مەرەيلەندى. جاس وتاۋدىڭ وزگە جۇپتارى «كورەرمەن كوزايىمى», «ەڭ تاپقىر جۇپ», «ەڭ جاراسىمدى جۇپ», «ەڭ يناباتتى جۇپ», «ەڭ ءبىلىمدى جۇپ», «ەڭ ادەمى جۇپ» جانە «ەڭ ونەرلى جۇپ» نو­مي­ناتسيالارى بويىنشا مارا­پات­تالدى. كۇمىسجان بايجان. الماتى وبلىسى.