قاۋىپسىزدىك قىرلارى

قاۋىپسىزدىك كەڭەسى حاتشىلارى كەزدەسۋىندە جان-جاقتى پىسىقتالدى كەشە استانادا قازاقستاندىق تاراپتىڭ توراعالىعىمەن شان­حاي ىنتىماقتاستىق ۇيىمىنا مۇشە مەملەكەتتەر قاۋىپ­سىزدىك كەڭەسى حاتشىلارىنىڭ التىنشى كەزدەسۋى بولىپ ءوتتى. اتال­عان باسقوسۋدا ۇيىم كەڭىستىگىندەگى قاۋىپسىزدىك ماسەلەلەرى جان-جاقتى تالقىلاندى. كەزدەسۋگە قازاقستاندىق تاراپتان پرەزيدەنتتىڭ كومەكشىسى – قازاقستان رەسپۋبليكاسى قاۋىپ­سىز­دىك كەڭەسىنىڭ حاتشىسى م.­تا­جين, قىتاي حالىق رەسپۋبليكاسى مەملەكەتتىك كەڭەسىنىڭ مۇشەسى مەن تسزيانچجۋ, قىرعىز رەس­پۋب­لي­كاسى قورعانىس كەڭەسىنىڭ حات­شىسى – ۆيتسە-پرەمەر ش.اتاحانوۆ, رەسەي فەدەراتسياسى قاۋىپ­سىز­دىك كەڭەسى حاتشىسىنىڭ ءبىرىنشى ورىنباسارى ۆ.بۋلاۆين, ءتا­جىكستان رەسپۋبليكاسى قاۋىپ­سىز­دىك كەڭەسىنىڭ حاتشىسى ا.ازيموۆ جانە وزبەكستان رەسپۋبلي­كا­سى­نىڭ پرەزيدەنتى جانىنداعى ۇلت­تىق قاۋىپسىزدىك كەڭەسىنىڭ حات­شى­سى م.اتاەۆ قاتىستى. سونداي-اق كەزدەسۋدە شىۇ باس حاتشىسى م.يماناليەۆ پەن ايماقتىق ان­تيتەررورلىق قۇرىلىمنىڭ ات­قا­رۋشى كوميتەتىنىڭ ديرەكتورى د.جۇمانبەكوۆ بولدى. وتىرىستا ۇيىمنىڭ 10 جىل­دىعىنا ارنالعان شىۇ-عا مۇشە ەلدەر كەڭەسى باسشىلارىنىڭ وتى­رىسىنا ازىرلەنۋ, قاۋىپسىزدىك سالا­سىنداعى تۇيتكىلدەر, سونىڭ ىشىندە ەسىرتكى مەن قارۋدىڭ زاڭ­سىز اي­نالىمىنا توسقاۋىل قويۋ, تەرروريزم, ەكسترەميزم مەن سەپاراتيزمگە قارسى كۇرەستە بىرلەسە ارەكەت ەتۋ جايى كەڭىنەن ءسوز بولدى. ايماقتىق انتيتەررورلىق قۇ­رى­لىم اتقارۋشى كوميتەتىنىڭ دي­رەكتورى د.جۇمانبەكوۆتىڭ ءسوزى­نەن بەلگىلى بولعانداي, قارۋ-جاراق قوي­­­ماسى مەن سودىرلاردىڭ با­زاسى بويىنشا 350 وقيعا انىق­تالىپتى. بۇدان باسقا 320 قولدان جاسالعان جارىلعىش قۇرىلعىلار, وتتى قارۋدىڭ 1200 داناسى جانە 1400 كيلو بولاتىن جارىلعىش زات­تار تاركىلەنىپتى. تاعى ءبىر بەلگىلى بولعانى, ءىس-شارالار ءناتي­جەسىندە 70-كە تارتا ادام تەررور­لىق ارەكەت جاساۋدان الشاقتاتىل­عان. سونىمەن قاتار, ىزدەۋدە جۇرگەن 71 ادام انىقتالىپ, ءتيىستى جەرىنە جەتكىزىلگەن. ديرەكتور وسى رەتتە الماتى قالاسىندا جۇرگى­زىل­گەن ميگرانت وپەراتسياسى ءناتي­جەسىندە وزبەكستان باس پروكۋرا­تۋراسى ىزدەۋ سالعان تەرروريستىك جانە ءدىني ەكسترەميزممەن اينا­لىس­تى دەگەن 29 كۇدىكتى ەلدەرىنە قايتارىل­عانىن اتاپ كورسەتتى. بۇدان باسقا شىۇ شەڭبەرىندەگى ەلدەردە ىزدەۋدە جۇرگەن 26 ادام تۇتقىندالىپ, ءتىيستى ورىندارعا جەتكىزىلگەن. وتىرىستا  جوعارىدا اتالعان قىل­مىس­تارمەن قاتار, ايماقتاعى تۇراقتىلىق پەن بەيبىت ءومىردى قامتاماسىز ەتۋدە ناقتى كەپىل بولىپ تابىلاتىن   ترانس­ۇلتتىق قىلمىس تۇرلەرىمەن جانە شىۇ شەڭبەرىندەگى زاڭسىز ميگراتسيامەن كۇرەستى ودان ءارى جانداندىرۋ بارىسى قۋاتتالدى. وكىنىشكە قاراي, اۋعانستان ءالى كۇنگە ايماقتاعى قاۋىپسىزدىك پەن تۇراقتىلىققا كەرى اسەرىن تيگىزىپ كەلەدى. تاراپتار وسى ءما­سەلەدە تەك اسكەري قۇرالدارمەن اۋعاندىق شيەلەنىستى شەشۋ ءمۇم­كىن ەمەستىگىن اتاي كەلىپ, اۋعانس­تاندا ءبىرىنشى كەزەكتە الەۋمەتتىك-ەكونوميكالىق ماسەلەلەردى ءبىر­جاق­تى ەتىپ العان دۇرىس دەگەن توقتام جاسادى. ۇيىم تەررورعا قارسى وقۋ-جاتتىعۋمەن دە اينا­لىسىپ كەلەدى. بىلتىر رەسەيدە «ساراتوۆ: انتيتەررور-2010» وقۋ-جاتتىعۋلارى وتكىزىلسە, ەلىمىزدە ول «بەيبىتكەرلىك ميسسيا­سى-2010» دەگەن اتاۋمەن جۇزەگە استى. شىۇ شەڭبەرىندەگى ەسىرتكى مەن پسيحو­تروپتىق زاتتاردىڭ جانە ونىڭ پرەكۋرسورلارىنىڭ زاڭ­سىز اينا­لىمىنا توسقاۋىل قويۋدى بەلسەندىلەندىرە ءتۇسۋ تەتىكتەرى جان-جاقتى پىسىقتالدى. اسىرەسە, ءتيىستى زاڭنامالىق بازا­نى جەتىلدىرۋگە قاتىستى ويلار ورتاعا سالىندى. كەزدەسۋدە استانادا 2011 جىل­دىڭ 15 ماۋسىمىندا وتكىزىلۋى جوسپارلانعان شىۇ-عا مۇشە مەملە­كەتتەر كەڭەسىنىڭ باسشى­لارىنىڭ بەكىتۋىنە ۇسىنىلاتىن شىۇ-عا مۇشە ەلدەردىڭ 2011-2016 جىلدارعا ارنالعان ەسىرتكىگە قارسى ستراتەگياسى  مەن ونى جۇزەگە اسىرۋ باعدارلامالارىن ازىرلەۋ جايى ءسوز بولدى. بۇل ماسەلەلەر بويىنشا قازاقستان ىشكى ىستەر ءمينيسترى ق.قاسىموۆ پەن شىۇ باس حاتشىسى م.يماناليەۆ بايانداما جاسادى. كەزدەسۋ سوڭىنان شانحاي ىنتىماقتاستىق ۇيىمىنا مۇشە مەملەكەتتەر قاۋىپسىزدىك كەڭەسى حاتشىلارىنىڭ التىنشى كەزدەسۋىنىڭ قورىتىن­دىسى بويىنشا حاتتاماعا قول قويىلدى. ارتىنان بۇقارالىق اقپارات قۇرالدارى وكىلدەرىنە ارناپ بريفينگ وتكىزىلدى. اسقار تۇراپباي ۇلى.